Vafilipiya 4:8 - Xitsonga (Bibele)

⁸ Loko swi ri tano, vamakwerhu, hinkwaswo leswi nga ntiyiso, hinkwaswo leswi sasekeke, hinkwaswo leswi lulameke, hinkwaswo leswi tengeke, hinkwaswo leswi rhandzekaka, hinkwaswo leswi khensiwaka, hinkwaswo leswi nga ni vunene ni ku dzunisiwa, leswo hinkwaswo, mi va mi swi anakanya.

BIBELE Mahungu Lamanene

⁸ Eku heteleleni vamakwerhu, hinkwaswo leswi nga ntiyiso, hinkwaswo leswi chavisekaka, hinkwaswo leswi lulameke, hinkwaswo leswi tengeke, hinkwaswo leswi tsakisaka, hinkwaswo leswi nkhensekaka, ni loko ku ri ni swin'wana leswi nga ni vunene kumbe ku dzuneka, swilo leswi hinkwaswo, tshamani mi ri karhi mi swi anakanya.

Testamente Leyimpsha Xichangana

⁸ Kuheteleleni vamakwerhu, hinkwasvu lesvinga ntiyiso, hinkwasvu lesvichavisekaka, hinkwasvu lesvilulameke, hinkwasvu lesvibaseke, hinkwasvu lesvitsakisaka, hinkwasvu lesvikhensekaka, ni loko kuli ni svin'wana lesvinga ni vunene kumbe kudzuneka, svilo lesvi hinkwasvu, tshamani na mili karhi misviyanakanya.

Vafilipiya 4:8 Iomraidhean Croise

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

2 SAMIELE 1:23

“Sawulo na Yonatani, varhandziwa ni lava tsakisaka evutomini bya vona, A va hambananga eku feni ka vona; A va tlula magama hi ku vevuka, A va tlula tinghala hi matimba.

2 SAMIELE 23:3

Xikwembu xa Israele xi vurisile, Ribye ra xichavelo xa Israele ri te eka mina: “Un'wana la lulameke u ta fuma vanhu, Mufumi la chavaka Xikwembu,

Pisalema 82:2

“Mi ta avanyisa hi ku xisa ku ya fika kwihi? Mi yimela lavo biha ku yisa kwihi?

Swivuriso 11:1

Xikalo xa vunwa xi vengiwa hi Yehovha, Kambe mpimo lowo lulama wa n'wi tsakisa.

Swivuriso 12:4

Wansati lonene i harhi ya vubombi eka nuna wa yena, Kambe la khomisaka tingana u kotisa ku bola emarhambyini ya yena.

Swivuriso 16:11

Mpimo ni xikalo lexo lulama i swa Yehovha, Hinkwawo maribye ya ku pima lama nga enkwameni, i ntirho wa yena.

Swivuriso 20:7

Munhu wo lulama u famba eku lulameni ka yena, Ku katekile vana va yena lava n'wi landzaka.

Swivuriso 31:10

Wansati wa matimba, i mani la nga ta n'wi kuma? U tlula kule nxavo wa risima wa tidayimani.

Swivuriso 31:29

A ku: “Vana lavo tala va xisati a ti ri tinhenha, Kambe wena u va tlula hinkwavo.”

Swivuriso 31:31

N'wi nyikeni mihandzu ya mavoko ya yena, Mitirho ya yena yi n'wi dzunisa etihubyeni ta muti.

Risimu ra Tinsimu 5:16

Murhandziwa wanga u tano, munghana wa mina u tano, N'wina, vanhwanyana va Yerusalema.

Esaya 26:7

Ndlela ya la lulameke yi latekile; u khula swinenenene ndlela ya lulameke.

Matewu 22:16

Kutani va rhuma eka yena vadyondzisiwa va vona ni va ka Heroda, va ya n'wi byela, va ku: “Mufundhisi, ha swi tiva leswaku wa vurisa, ni leswaku u dyondzisa ndlela ya Xikwembu hi ntiyiso, u nga chavisiwi hi munhu, hikuva a wu languti nghohe ya munhu.

Marka 6:20

hikuva Heroda a a chava Yohane, hi ku n'wi tiva leswaku i munhu la lulameke, la kwetsimaka; kambe a a n'wi sirhelela, a endla leswo tala hi ku kombisiwa hi yena, a rhandza ni ku n'wi yingisa.

Luka 16:15

Yena a ku eka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi tlakukeke emahlweni ka vanhu, i manyala emahlweni ka Xikwembu.

Luka 2:25

EYerusalema, a ku ri ni munhu la vuriwaka Simiyoni. Munhu loyi a a lulamile, a chava Xikwembu, a langutele ku chaveleriwa ka Israele. Moya lowo Kwetsima a wu ri eka yena.

Luka 23:50

Kutani ndhuna yin'wana leyi vuriwaka Yosefa, a yi ri kona, a a ri munhu wa tintswalo, la lulameke.

Yohane 7:18

La tisungulelaka swa yena u tilavela ku dzunisiwa, kambe la lavaka ku dzunisiwa eka la n'wi rhumeke, hi yena loyi a nga wa ntiyiso, kutani ku homboloka a ku kona eka yena.

Timhaka 10:22

Va ku: “Korneliyo ndhuna ya dzana, wanuna la lulameke, la chavaka Xikwembu, la dzunisiwaka hi tiko hinkwaro ra Vayuda, u lerisiwile hi ntsumi leyo kwetsima ya Xikwembu ku ku vitanela emutini wa yena, a ta yingisa leswi u nga ta n'wi byela swona.”

Timhaka 22:12

“Kavaloko Ananiya, munhu la gandzelaka Xikwembu hi mukhuva wa nawu, la dzunisiwaka hi Vayuda hinkwavo lava akeke eDamaska, a ta eka mina,

Timhaka 6:3

Loko swi ri tano, vamakwerhu, hlawulani vavanuna va ntlhanu na vambirhi exikarhi ka n'wina, lava dzuniwaka, lava teleke Moya lowo Kwetsima ni vutlhari, leswaku hi va veka entirhweni lowo.

Varhoma 13:13

A hi fambeni hi mukhuva lowu fanelaka, kukota vanhu lava fambaka ninhlekanhi, ku nga ri hi mahlomi ni ku pyopyiwa, ni vuoswi, ni vumbhisa, ni timholovo, ni mona;

Varhoma 13:3

Hikuva lava fumaka a va chaviwi hi lava endlaka swinene, kambe va chaviwa hi lava endlaka swo biha. Xana u rhandza leswaku u nga chavi vuhosi? Endla swinene, u ta khensiwa hi byona,

Varhoma 14:18

Hikuva la tirhelaka Kriste eswilweni sweswo, u tsakisa Xikwembu, kambe u yimeriwa hi vanhu.

Varhoma 2:29

Kambe Muyuda hi loyi a nga yena embilwini, ni ku yimba, i ka mbilu, loku endliwaka emoyeni, ku nga ri erivaleni; kutani ku dzunisiwa ka yena a ku humi eka vanhu, kambe ku huma eka Xikwembu.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

2 Vakorinto 13:7

Kambe ndzi khongela Xikwembu leswaku mi nga tshuki mi endla swo biha ni switsongo, swi nga ri leswaku ngi hina hi khensiwa, kambe hi leswaku n'wina mi endla swinene, hambi hina hi nga va leswo ngi, hi aleriwa.

2 Vakorinto 6:8

exikarhi ka xidzumo ni ku sandziwa, exikarhi ka ku lumbetiwa ni ku twala lokunene; ingi ha kanganyisa, kasi hi lamanene; ingi a hi tiviwi, kasi ha tiviwa;

2 Vakorinto 8:18

Kutani hi rhumile un'wana na yena, a nga wanuna la twakaleke tikerekeni hinkwato hi timhaka ta Evhangeli;

2 Vakorinto 8:21

hikuva hi lava lexi sasekeke, ku nga ri emahlweni ka Hosi ntsena, kambe ni le mahlweni ka vanhu.

Vagalatiya 5:22

Kambe mihandzu ya Moya, i rirhandzu, ni ku tsaka, ni ku rhula, ni ku yingisela, ni ku tsakelana, ni vunene, ni ku tshembeka, ni ku olova, ni ku tikhoma.

Vaefesa 4:25

Hikwalaho-ke, tshikani vunwa, mi vulavula leswi tiyeke, un'wana ni un'wana eka warikwavo, hikuva hi swirho van'wana eka van'wana.

Vaefesa 5:9

fambani hakona, kukoti swa vana va ku vonakala,

Vaefesa 6:14

Tiyani hikwalaho, mi ri karhi mi titsimbile swifungha hi vamba ra ntiyiso, mi ambele exifuveni xisirhelelo xa leswo lulama;

Duteronoma 16:20

U ta lavisisa ku lulama ntsena leswaku u hanya, ni leswaku u fuma tiko leri Yehovha, Xikwembu xa wena, a ku nyikaka rona.

Vafilipiya 3:1

Loko swi ri tano, vamakwerhu, titsakeleni eHosini, A ndzi karhali ku mi tsalela timhaka ti ri tin'we, hikuva mi tiyisiwa ha tona.

Vakolosa 4:5

Fambani hi ku xiya eka lava nga ehandle, mi ri karhi mi hatlisela mikarhi.

1 Vatesalonika 4:12

mi ta hanya hi mukhuva lowo fanelaka hikwalaho ka lava nga ehandle, mi nga ti pfumala nchumu.

1 Timotiya 2:2

ni tihosi, ni hinkwavo lava nga ni vukulukumba, leswaku hi tihanyela hi ku rhula ni ku tsaka, hi vukhongeri hinkwabyo, ni xichavo.

1 Timotiya 3:11

Na vona vasati va vona va ve lava fundzhekaka, va nga vi valumbeti, kambe va va ni ku hiteka, ni ku tshembeka eka hinkwaswo.

1 Timotiya 3:4

la fumaka yindlu ya yena swinene, la hlayisaka vana va yena eku yingiseni hi xichavo hinkwaxo,

1 Timotiya 4:12

Ku nga tshuki ku va ni la tsan'waka vuntshwa bya wena, kambe u va wena xikombiso xa vapfumeri, eku vulavuleni, ni le ku tihanyeleni, ni le rirhandzwini, ni le ku pfumeleni, ni le ku tengeni.

1 Timotiya 5:10

a va ni vumbhoni bya leswaku u ni mitirho leyinene, a wundlile vana va yena, a amukerile vaendzi, ni ku hlantswa milenge ya vakwetsimi, ni ku pfuna lava nga enhlomulweni, ni ku tinyiketa mitirho hinkwayo leyinene.

1 Timotiya 5:2

vavasati lava dyuhaleke, kukotisa vamana wa wena; lavantshwa, kukotisa vamakwenu va xisati, eku tengeni hinkwako.

Tito 1:8

kambe a va munhu la amukelaka vaendzi, la rhandzaka vanhu lavanene, la tlhariheke, la lulameke, la kwetsimeke, la hanyaka hi ku tikhoma,

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Tito 2:2

Vavanuna lava kuleke va fanele ku tikhoma, va chava ku hlekiwa, va ve ni ku anakanya loku lulameke eku pfumeleni, ni le rirhandzwini, ni le ku yingiseleni.

Tito 2:7

eka hinkwaswo u tiendla ntila wa mitirho leyinene, hi ku dyondzisa loku tengeke, loku nga riki na xisandzu,

Tito 3:14

Varikwerhu a va dyondze, na vona, eku chivirikela mitirho leyinene va ta pfuna emasikwini ya ku pfumala, va nga tshuki va pfumala mihandzu.

Vaheveru 11:2

Hikuva hakona, va khale va kumile vumbhoni lebyinene.

Vaheveru 13:18

Hi khongeleleni, hikuva ha ehleketa leswaku hi ni ripfalo lerinene, hi ri karhi hi rhandza ku endla swinene ematlhelweni hinkwawo.

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

Yakobo 3:17

Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

1 Petro 4:8

Ngopfungopfu mi tiyisela eku rhandzaneni, hikuva rirhandzu ri ta funengeta swidyoho leswo tala.

2 Petro 3:1

Varhandziwa, epistola leyi i ya vumbirhi leyi ndzi mi tsalelaka yona, kutani ha tona letimbirhi, ndzi pfuxa ku twisisa ka n'wina loku tengeke ndzi ri karhi ndzi mi anakanyisa,

1 Yohane 3:18

Vana vanga, hi nga tshuki hi rhandzana hi ku vulavula, ni ririmi, kambe a ku ve hi ku endla, ni ntiyiso.

1 Yohane 3:3

Kutani un'wana ni un'wana la nga ni ku tshemba kuloku ka yena, wa titengisa kukota yena a tengeke.

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

Rhuti 3:11

Sweswi, n'wananga, u nga tshuki u chava, hikuva ndzi ta ku endla hinkwaswo leswi u nga ta ndzi byela swona, hikuva huvo hinkwayo ya tiko ra mina yi tiva leswaku u nsati lonene.