Vafilipiya 4:19 - Xitsonga (Bibele)

¹⁹ Kambe Xikwembu xa mina xi ta mi tatisela hinkwaswo leswi mi swi pfumalaka, hikuva ku fuwa ni ku kwetsima i ka xona, ha Yesu Kriste.

BIBELE Mahungu Lamanene

¹⁹ Kutani Xikwembu xa mina xi ta mi nyika hi ntalo hinkwaswo leswi mi swi pfumalaka, hi ku ya hi rifuwo ra xona ni ku dzuneka ka xona eka Kriste Yesu.

Testamente Leyimpsha Xichangana

¹⁹ Kutani Xikwembu xa mina xitaminyika hi ntalu hinkwasvu lesvi misvipfumalaka, hi kuya hi rifuwo ra xona ni kudzuneka ka xona ka Yesu Kriste.

Vafilipiya 4:19 Iomraidhean Croise

Genesa 48:15

Kavaloko a katekisa Yosefa, a ku: “Xikwembu lexi vakokwana, Abrahama na Isaka, va fambeke emahlweni ka xona, Xikwembu lexi nga ndzi risa mpfhuka ndzi velekiwa ku fikela sweswi,

2 SAMIELE 22:7

U yingisile rito ra mina endlwini ya yena; Ku huwelela ka mina ku fikile etindleveni ta yena.

2 TIKRONIKA 18:13

Mikaya a hlamula, a ku: “Yehovha wa hanya! Ndzi ta vula leswi Yehovha a nga ta ndzi byela swona!”

2 TIKRONIKA 31:8

Hezekiya ni tihosana va ta vona tinhulu leti, kutani va khensa Yehovha ni tiko ra yena ra Israele.

Nehemiya 5:19

Oho Xikwembu xa mina! Anakanya hinkwaswo leswi ndzi swi endleleke tiko leri, u ndzi endla hi vunene hikwalaho ka swona!

Nehemiya 9:15

u va nyikile vuswa lebyi humaka ematilweni ku va fihluta, u va humesela mati eribyeni ku tima torha ra vona, u ku eka vona: ‘Nghenani, mi fuma misava leyi ndzi nga hlambanya ndzi ku, ndzi ta va nyika yona.’

Pisalema 104:24

Oho Yehovha! Mitirho ya wena yi tarisile ku yini! U yi endlile hinkwayo hi vutlhari; Misava yi tele rifuwo ra wena.

Pisalema 130:7

Israele, tshemba Yehovha! Hikuva tintswalo ti le ka Yehovha, Ku kutsula ku kona ka yena hi ku tala.

Pisalema 36:8

Va xurha hi mafurha ya yindlu ya wena, Kutani u va nwisa enambyeni wa mati yo nandziha ya wena;

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Daniele 6:22

Xikwembu xa mina xi rhumile ntsumi ya xona, yi sivile milomu ya tinghala leswaku ti nga tshuki ti ndzi endla nchumu, hikuva ndzi kumiwile ndzi nga ri na nandzu emahlweni ka xona; ni le mahlweni ka wena, hosi, a ndzi dyohanga nchumu.”

Mikiya 7:7

Loko ndzi ri mina, ndzi ta languta eka Yehovha, ndzi languta eka Xikwembu xa ku hlayiseka ka mina: Xikwembu xa mina xi ta ndzi yingisa!

Malakiya 3:10

Tisani endlwini ya vuhlayiselo ku avanyisa ka vukhume ka hinkwaswo leswi mi swi fuweke, swakudya swi va kona endlwini ya mina; mi ndzi ringa hakona, ku vula Yehovha wa mavandla, kutani mi ta vona xana ndzi nga ka ndzi nga mi pfuleri mafasitere ya tilo, ndzi va ndzi mi chululela ku kateka hi mpimo lowu tlurisaka!

Matewu 6:32

Hikuva swilo leswo hinkwaswo hi leswi laviwaka hi vamatiko; kambe Tata wa n'wina wa le tilweni u tiva leswaku mi pfumala leswo hinkwaswo.

Yohane 20:17

Yesu a ku eka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu u ya va byela u ku, ndzi tlhandlukela eka Tatana a nga Tata wa n'wina, ni ka Xikwembu xa mina xi nga Xikwembu xa n'wina”.

Yohane 20:27

Kutani a ku eka Tomasi: “Tisa ritiho ra wena la, languta ni swandla swa mina; tshambuluta ni voko ra wena u ri nghenisa etsheveni ra mina, kutani u nga kanakani, kambe u pfumela.”

Varhoma 1:8

Ndzi sungula hi ku khensa Xikwembu xa mina ha Yesu Kriste, hikwalaho ka n'wina hinkwenu, hikuva ku pfumela ka n'wina ku twarile ematikweni hinkwawo.

Varhoma 11:33

Oho! A hi ku enta ka rifuwo, ni ka vutlhari, ni ka vutivi bya Xikwembu! Ku avanyisa ka xona a ku twisisiwi, ni tindlela ta xona a ti tiviwi!

Varhoma 2:4

Kumbe u tsan'wa vunene, ni xivindzi, ni musa wa Xikwembu, u nga tsundzuki leswaku vunene bya xona byi ku byisela eku hundzukeni xana?

Varhoma 8:18

Hikuva ndzi ringanisa leswaku nhlomulo wa nguva leyi, a wu faneri ku ringanisiwa ni ku kwetsima loku ku nga ta kombisiwa eka hina.

Varhoma 9:23

leswaku xi twarisa hi vukulu bya ku kwetsima ka xona etimbiteni ta ku tsetseleriwa, leto ingi xi ti lunghisele ku kwetsima, ka ha ri eku sunguleni;

2 Vakorinto 12:21

kutani kungakuloko ndzi vuyile ka n'wina, kumbe Xikwembu xa mina xi ta ndzi tsongahata ha n'wina, kutani ndzi ta vaviseka hikwalaho ka lavo tala lava dyoheke va nga tisolangiki ethyakeni, ni le vuoswini, ni le swidyohweni leswi va swi endleke.

2 Vakorinto 4:17

Hikuva nhlomulo wo vevuka wa hina i wa nkarhinyana wolowo, wu karhi wa hi tirhela exumeni xa ku kwetsima lexi tlurisaka, lexi nga heriki;

Vaefesa 1:18

a xi voninge mahlo ya timbilu ta n'wina, mi ta tiva ku tshemba loku nga kona eku vitaniweni ka n'wina ha xona, ni rifuwo ra ku kwetsima ka ndzhaka ya xona, leri nga lunghiseriwa vakwetsimi,

Vaefesa 1:7

ha yena hi ni ku kutsuriwa hi ngati ya yena, ku nga ku rivaleriwa ka ku dyoha ka hina hi rifuwo ra tintswalo ta xona,

Vaefesa 2:7

leswaku emikarhini leyi taka, xi ta kombisa rifuwo leri tlurisaka ra tintswalo ta xona hi vunene bya xona, lebyi xi hi endleleke byona eka Yesu Kriste.

Vaefesa 3:16

ndzi kombela leswaku a mi nyika hi rifuwo ra ku kwetsima ka yena, ku tiyisiwa hi matimba emunhwini la nga xikarhi, hi Moya wa yena,

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

Vafilipiya 4:7

kutani ku rhula ka Xikwembu loku tlurisaka ku twisisa hinkwako, ku ta hlayisa timbilu ta n'wina, ni miehleketo ya n'wina eka Yesu Kriste.

Vakolosa 1:27

valavo Xikwembu xi rhandzeke ku va tivisa rifuwo ra ku kwetsima ka xihundla xolexo exikarhi ka vamatiko; xi nga leswaku Kriste u le ka n'wina, yena ku nga ku tshemba ka ku kwetsima.

Vakolosa 3:16

Rito ra Kriste a ri tshame eka n'wina, ri andza. Dyondzisanani hi vutlhari hinkwabyo, mi khongotelana hi tipisalema, ni ku yimbelela, ni tinsimu ta Moya, mi ri karhi mi yimbelelela Hosi hi timbilu ta n'wina hi ku khensa.

1 Vatesalonika 2:12

ha mi khongotela leswaku mi famba hi mukhuva lowu dzunisaka Xikwembu lexi mi vitaneleke eku fumeni ka xona, ni le ku vonakaleni ka xona.

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

Filemoni 1:4

Ndzi tlangela Xikwembu xa mina hi masiku loko ndzi ri karhi ndzi ku anakanya emikhongelweni ya mina,

1 Petro 5:1

Ndzi khongotela vakulukumba lava nga eka n'wina, mina ndzi nga nkulu na vona, ni mbhoni ya ku vaviseka ka Kriste, ni la nga ni ku averiwa eku kwetsimeni loku nga ta humelela; ndzi ri:

1 Petro 5:10

Kambe Xikwembu xa tintswalo hinkwato, lexi hi vitaneleke eku kwetsimeni ka xona loku nga heriki ha Yesu Kriste, kutakuloko mi twile ku vaviseka hi mikarhinyana, xi ta mi endla lava hetisekeke, xi mi tiyisa, xi mi nyika matimba, mi nga tsekatseki;