Vafilipiya 3:8 - Xitsonga (Bibele)

⁸ Kunene ndzi ringanisa leswaku hinkwaswo i swahava, loko swi nga fanisiwa ni vukulukumba bya ku tiva Yesu Kriste, Hosi ya mina, yeloyi ndzi cukumeteke hinkwaswo hikwalaho ka yena, ndzi swi ringanisa ni ntshuri leswaku ndzi fuwa Kriste,

BIBELE Mahungu Lamanene

⁸ Ku nga ri swona ntsena: Ndzi tekile hinkwaswo swi ri leswi nga ha pfuniki nchumu, loko swi ringanisiwa ni risima leri tlulaka hinkwaswo ra ku tiva Kriste Yesu Hosi ya mina. Hikwalaho ka yena, ndzi fularhele hinkwaswo ndzi swi vona swi ri thyaka ntsena, leswaku ndzi ta kuma Kriste,

Testamente Leyimpsha Xichangana

⁸ Kungali svona ntsena: Nitekile hinkwasvu svili lesvingahapfuniki nchumu, loko sviringanisiwa ni risima leritlulaka hinkwasvu, ra kutiva Yesu Kriste Hosi ya mina. Hikolaho ka yena, nifularhele hinkwasvu ni svivona na svili nsila ntsena, lesvaku nitakuma Kriste,

Vafilipiya 3:8 Iomraidhean Croise

1 TIHOSI 14:10

Hikwalaho ndzi ta tisela endlwini ya Yerobuwamu khombo, ndzi ta susa munhu un'wana ni un'wana wa Yerobuwamu la bohiweke ni la tshunxiweke eIsraeleni, ndzi ta kukula yindlu ya Yerobuwamu hi mukhuva lowu va kukulaka thyaka ri ko ri hela.

2 TIHOSI 9:37

Ntsumbu wa Yezabele wu ta fana ni vulongo emasin'wini, etikweni ra Yizriele, leswaku va nga ka va nga vuli: Hi yena Yezabele!’ ”

Ntirho 20:7

U ta hela kukota vulongo bya yena hilaha ku nga heriki. Lava n'wi voneke va ta ku: ‘U kwihi?’

Pisalema 126:6

Va famba va ri karhi va rila loko va hlwanya mbewu, Va vuya va yimbelela tinsimu loko va rhwala tinyandza ta vona.

Pisalema 73:25

Ndzi na mani etilweni, loko a nga ri wena? Ni la emisaveni ndzi tsakela wena ntsena.

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Malakiya 2:3

Vonani, ndzi ta onha timbewu ta n'wina, ndzi hangalasa vulongo emimombyeni ya n'wina, byi nga vulongo bya swilo leswi tlhaveriwaka mikhuvo ya n'wina, kutani va ta mi cukumeta ehandle na byona.

Tinhlayo 14:30

mi nga ka mi nga ngheni etikweni leri ndzi hlambanyeke leswaku ndzi ta mi akisa eka rona, loko a nga ri Kalebe, n'wana Yefune, na Yoxuwa, n'wana Nuni.

Luka 1:43

Swi endlise ku yini leswaku mana wa Hosi yanga a ta eka mina xana?

Luka 11:20

Kambe loko ndzi hlongola mademona hi matimba ya Xikwembu, kunene ku fuma ka Xikwembu ku fikele eka n'wina.

Yohane 14:20

Hi siku lero, mi ta tiva leswaku ndzi le ka Tatana, na n'wina mi le ka mina, na mina ndzi le ka n'wina.

Yohane 14:7

Loko ngi mi ndzi tivile, ngi mi tivile na Tatana; ku sungula sweswi, ma n'wi tiva, mi vuyile mi n'wi vona.”

Yohane 16:3

Va ta mi endla hinkwaswo leswi, hikuva a va tivi Tatana na mina.

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Yohane 17:8

Hikuva ndzi va nyikile marito lawa u ndzi nyikeke wona; kutani va ma amukerile, va swi tivile swinene leswaku ndzi huma eka wena, kambe va pfumerile leswaku hi wena loyi u ndzi rhumeke.

Yohane 20:13

Ti ku eka yena: “Wansati, u rilela yini?” Yena a ku eka tona: “Hikuva va susile Hosi yanga, kambe a ndzi tivi laha va n'wi vekeke kona.”

Yohane 20:28

Tomasi a hlamula, a ku eka yena: “Hosi yanga ni Xikwembu xanga!”

Timhaka 20:24

Kambe a ndzi vuri nchumu ha swona, ni vutomi bya mina, a ndzi byi cawuki, ndzi ko ndzi heta pfhumba ra vutomi bya mina ni ntirho lowu ndzi nga wu lerisiwa hi Hosi Yesu, ku nga ku vula vumbhoni bya Evhangeli ya tintswalo ta Xikwembu.

Varhoma 8:18

Hikuva ndzi ringanisa leswaku nhlomulo wa nguva leyi, a wu faneri ku ringanisiwa ni ku kwetsima loku ku nga ta kombisiwa eka hina.

Varhoma 8:39

hambi swi ri leswi nga ehenhla, hambi swi ri leswi nga ehansi, hambi xi ri xivumbiwa xin'wana; ndzi ku: Ku hava lexi nga tivaka ku hi hambanyisa ni rirhandzu ra Xikwembu, leri nga kombisiwa ha Yesu Kriste, Hosi ya hina.

1 Vakorinto 2:2

Hikuva a ndzi anakanyanga ku ta tiva nchumu exikarhi ka n'wina, loko a nga ri Yesu Kriste, na swona Yesu Kriste la vambiweke.

1 Vakorinto 9:10

A ndzi ku: Timhaka teto, xi ti vula ngopfu hikwalaho ka hina; kunene hikwalaho ka hina ku tsariwile leswaku, la rimaka u fanele ku rima hi ku tshemba, ni la hulaka, a hula hi ku tshemba leswaku, na yena u ta kuma ku dya.

2 Vakorinto 4:4

va nga valavo xikwembu xa misava leyi xi va dlayeke mahlo ya ku anakanya, hileswaku va nga pfumeri, va nga ti tshuka va tsuvukeriwa hi ku vonakala ka Evhangeli leyi kwetsimaka ya Kriste, xi nga xifaniso xa Xikwembu.

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Vagalatiya 1:16

ku ndzi pfuletela N'wana wa xona leswaku ndzi ya n'wi vula exikarhi ka vamatiko; a ndzi vutisanga nyama ni loko yi ri ngati;

Vaefesa 4:13

hi ta kondza hi fika hinkwerhu evun'weni bya vupfumeri ni bya ku tiva N'wana wa Xikwembu; ni le vukulukumbeni bya wanuna la hetisekeke; ni le mpin'weni wa xiyimo lexi hetisekeke xa Kriste,

Vafilipiya 1:1

Pawulo na Timotiya, malandza ya Yesu Kriste, Eka vakwetsimi hinkwavo lava nga eka Yesu Kriste, lava akeke eFilipiya ni ka varisi ni vadiyakoni va Kereke;

Vafilipiya 3:10

ndzi ta tiva Yesu Kriste, ni matimba ya ku pfuka ka yena, ni ku hlangana na yena emaxangwini ya yena, ndzi ta fana na yena eku feni ka yena,

Vafilipiya 3:12

Swi nga ri leswaku ndzi tekile hakelo, kumbe swi ri leswaku ndzi hetisekile; kambe ndzi ri karhi ndzi tsutsuma leswaku ndzi yi khoma; kutani, hikwalaho ka swona, na mina ndzi khomiwile hi Kriste.

Vafilipiya 3:7

Kambe leswi ngi swi ri rifuwo eka mina, ndzi swi endle swahava hikwalaho ka Kriste.

2 Timotiya 4:6

Hikuva, loko ndzi ri mina, ndzi kotisa mhamba leyi humesiwaka egandzelweni, kutani nkarhi wa ku suka ka mina wu le kusuhi.

Vaheveru 3:14

Hikuva hi averiwile Kriste, loko ntsena hi hlayisa hi ku tiya, ku ya fika emakumu, ku tshemba loku hi nga sungula hakona,

1 Petro 2:7

Kunene ku ta va ku dzunisa ka n'wina lava pfumeleke, “kambe lava tiarisaka, ribye leri cukumetiweke hi vaaki, ri va hundzukele ribye lerikulu ra yinhla,” ni “ribye leri va khunguvanyekaka ha rona”;

2 Petro 1:2

Tintswalo ni ku rhula a swi mi talele eku tiveni ka Xikwembu, ni ka Yesu, Hosi ya hina!

2 Petro 1:3

Hi matimba ya vukwembu bya yena u hi nyikile swilo hinkwaswo, leswi nga swa vutomi ni swa vukhongeri hi ku tiva la hi vitaneke hi ku kwetsima ni matimba ya yena;

2 Petro 1:8

Hikuva swoleswi, loko swi ri eka n'wina, swi tele, swi nga ka swi nga mi tshiki mi ri lava lolohaka, ni lava nga vekiki mihandzu eku tiveni ka Yesu Kriste, Hosi ya hina.

2 Petro 3:18

Kambe kulani etintswalweni, ni le ku tiveni ka Yesu Kriste, Hosi ni Muhlayisi wa hina. Ku kwetsima a ku ve eka yena sweswi, ni ku ya fika siku leri nga taka ri nga heri. Amen!

1 Yohane 1:3

lexi hi xi voneke, lexi hi xi tweke, hi lexi hi mi byelaka xona, leswaku, na n'wina, mi va ni ku hlangana na hina; kambe ku hlangana ka hina na Tatana ku kona, ni le ka N'wana wa yena, Yesu Kriste.

1 Yohane 2:19

Va humile exikarhi ka hina, kambe a va nga ri va ka hina, hikuva loko ngi va ri va ka hina, ingi va tshamile na hina; kambe ku humelerile sweswo leswaku swi ta vonaka leswaku hinkwavo a hi va ka hina.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.