Vafilipiya 3:3 - Xitsonga (Bibele)

³ Hikuva hi hina hi nga ngoma leyinene, hina lava hi tirhelaka Xikwembu emoyeni, lava hi tidzunisaka ha Yesu Kriste, lava hi nga titshembiki enyameni.

BIBELE Mahungu Lamanene

³ Hikuva hi hina hi nga ngoma ya xiviri, hina hi gandzelaka Xikwembu hi Moya wa xona, hina hi tidzunisaka ha Kriste Yesu, hi nga vekiki ku tshemba ka hina eka leswi endliwaka hi vanhu ntsena.

Testamente Leyimpsha Xichangana

³ hikuva hi hina hingayamukela kuyimba ka xiviri, hina lava higandzelaka Xikwembu hi Moya wa xona, hina lavatidzunisaka ha Yesu Kriste, hingavekiki kutshemba ka hina ka lesviyendliwaka hi vanhu ntsena.

Vafilipiya 3:3 Iomraidhean Croise

Pisalema 105:3

Tikuriseni hi vito leri kwetsimaka ra yena! Timbilu ta lava lavaka Yehovha a ti tsake!

Esaya 45:25

Eka Yehovha va ta lulamisiwa, va va va dzunisiwa hinkwavo va rixaka ra Israele.

Yeremiya 4:4

Yimbelani Yehovha, kutani mi yimbisa timbilu ta n'wina, n'wina vanhu va Yuda, na n'wina lava akeke eYerusalema, swi nga ri leswaku ku kariha ka mina ku nga humi kukotisa ndzilo, kutani ka mi hisa, ku nga timiwi, hikwalaho ka ku biha ka timbilu ta n'wina.

Yeremiya 9:26

Egipta, na Yuda, na Edomu, ni vana va Amoni, na Mowabu, hinkwavo lava byewulaka malebvu, lava akeke emananga: hikuva i matiko hinkwawo lama nga yimbangiki; kambe ni yindlu hinkwayo ya Israele a yi yimbisangi mbilu.”

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Varhoma 1:9

Hikuva Xikwembu lexi ndzi xi tirhelaka emoyeni wa mina eEvhangelini ya N'wana wa xona, hi yona mbhoni ya mina loko ndzi ku: A ndzi tshiki ku mi anakanya,

Varhoma 15:17

Hikwalaho ndzi ni nkarhi wa ku tidzunisa ha Yesu Kriste etimhakeni ta Xikwembu;

Varhoma 7:6

Kambe sweswi, hi tshunxiwile enawini, loko hi file hitlhelo ra nawu lowu ngi a hi bohiwa hi wona, hi ta tirhela Xikwembu hi vuntshwa bya moya, ku nga ri hi tsalwa leri dyuhaleke.

Varhoma 8:15

Hikuva a mi nyikiwanga moya wa vukhumbi, leswaku ku chava ku va kona kambe mi nyikiwile moya wa lava vekiweke vana, lowu hi huwelelaka ha wona, hi ku: “Abba, Tatana!”

Varhoma 8:39

hambi swi ri leswi nga ehenhla, hambi swi ri leswi nga ehansi, hambi xi ri xivumbiwa xin'wana; ndzi ku: Ku hava lexi nga tivaka ku hi hambanyisa ni rirhandzu ra Xikwembu, leri nga kombisiwa ha Yesu Kriste, Hosi ya hina.

Varhoma 9:6

Hambiswiritano, a hileswaku rito ra Xikwembu ri wile; hikuva a hi hinkwavo lava humeke eka Israele lava nga Vaisraele;

2 Vakorinto 11:18

Sweswi kukota lavo tala lava tidzunisaka enyameni, na mina ndzi ta tidzunisa.

Vagalatiya 5:25

Loko kunene hi hanya hi Moya, a hi fambeni hi Moya!

Vagalatiya 6:16

Hinkwavo lava nga ta ya hi nawu wolowo, ku rhula ni ku tsetseleriwa a ku ve ka vona ni ka Israele wa Xikwembu.

Vaefesa 6:18

mi khongela hi Moya hi mikarhi hi mikhongelo hinkwayo ni ku chivirikela kona, mi hanyanya kona hi ku tiyisela hinkwako, mi ri karhi mi khongelela vakwetsimi hinkwavo.

Duteronoma 10:16

Yimbisani timbilu ta n'wina, mi nga ha nonon'hwisi mikolo ya n'wina;

Duteronoma 30:6

Yehovha, Xikwembu xa wena, u ta yimbisa mbilu ya wena, ni timbilu ta vatukulu va wena leswaku u rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, leswaku u hanya.

Vafilipiya 1:1

Pawulo na Timotiya, malandza ya Yesu Kriste, Eka vakwetsimi hinkwavo lava nga eka Yesu Kriste, lava akeke eFilipiya ni ka varisi ni vadiyakoni va Kereke;

Vafilipiya 3:12

Swi nga ri leswaku ndzi tekile hakelo, kumbe swi ri leswaku ndzi hetisekile; kambe ndzi ri karhi ndzi tsutsuma leswaku ndzi yi khoma; kutani, hikwalaho ka swona, na mina ndzi khomiwile hi Kriste.

Vafilipiya 3:14

ndzi rivala swa le ndzhaku, kutani ndzi navela swa le mahlweni, ndzi tsutsumela swa le mahlweni, leswaku ndzi kuma ku hakeriwa ka le henhla, loku hi nga vitaneriwa kona hi Xikwembu ha Yesu Kriste.

Vakolosa 2:11

Na swona, mi yimbisiwile eka yena hi ngoma leyi nga endliwangiki hi mavoko, eku suseni ka miri wa nyama, yi nga ngoma ya Kriste;

Yuda 1:20

Kambe loko mi ri n'wina, varhandziwa, tiakeleni ehenhla ka ku pfumela ka n'wina loku kwetsimaka hi ku tlurisa, mi ri karhi mi khongela hi Moya lowo Kwetsima,