Vafilipiya 3:1 - Xitsonga (Bibele)

¹ Loko swi ri tano, vamakwerhu, titsakeleni eHosini, A ndzi karhali ku mi tsalela timhaka ti ri tin'we, hikuva mi tiyisiwa ha tona.

BIBELE Mahungu Lamanene

¹ Kutani sweswi vamakwerhu, titsakeleni eHosini. A swi ndzi karhati ku engeta ndzi mi tsalela swo fana, naswona swi pfuna ku mi tiyisa.

Testamente Leyimpsha Xichangana

¹ Kutani svosvi vamakwerhu, titsakeleni Hosini. Asvinikarhati kutlhela nimitsalela svofana, nasvona svipfuna kumitiyisa.

Vafilipiya 3:1 Iomraidhean Croise

1 TIKRONIKA 15:28

Vaisraele hinkwavo va heleketa areka ya ntwanano wa Yehovha, va ri karhi va huwelela hi ku tsaka, va pfumisa timhalamhala, ni tinanga, ni swiphambati, ni magubu, ni tiharipa.

1 TIKRONIKA 16:10

Mi tidzunisa hi vito lero kwetsima ra yena! Timbilu ta lava lavaka Yehovha a ti tsake!

1 TIKRONIKA 29:22

Va dya, va nwa siku lero, emahlweni ka Yehovha, va ri ni ku tsaka lokukulu; kutani Solomoni, n'wana Davhida a vekiwa hosi ra vumbirhi, va n'wi chela hi mafurha emahlweni ka Yehovha, ku va hosi, na Sadoki ku va muprista.

Nehemiya 8:10

Va engeta va ku eka vona: “Fambani mi dya tinyama leti noneke, mi nwa leswo nandziha, mi rhumela lava nga lunghiseriwangiki nchumu swakudya, hikuva siku leri hi leri hlawuleriweke hosi ya hina; mi nga hlunami, hikuva ku tsaka ka Yehovha i matimba ya n'wina.”

Ntirho 22:26

Hikuva hi kona u nga ta kuma ku tsaka eka Lowa matimba hinkwawo. U ta yimisa mombo wa wena eka Xikwembu.

Pisalema 149:2

Israele a a tsakele muvumbi wa yena, Vana va Siyoni a va tsakele hosi ya vona!

Pisalema 32:11

Titsakeleni ha Yehovha, mi va mi tsakisisa, n'wina va ku lulama! Yimbelelani hi ku tsaka, n'wina hinkwenu va timbilu to lulama!

Pisalema 33:1

Tsakelani Yehovha, n'wina lava lulameke! Ku vonga ku fanele vanhu va ku lulama.

Pisalema 37:4

Tsakela Yehovha, Kutani u ta ku nyika leswi naveriwaka hi mbilu ya wena.

Pisalema 42:4

Ndza xi anakanya, ni mbilu ya mina yi nyuka endzeni ka mina, Hi laha ingi ndzi tshamaka ndzi famba ni vunyingi, Ndzi byi fambisa, byi ya endlwini ya Xikwembu, Hi marito ya ku tsaka ni tinsimu ta ku khensa, Ta vunyingi lebyi nga enkhubyeni.

Pisalema 5:11

Kutani hinkwavo lava ku tshembaka va ta tsaka; Va ta tsakisisa hilaha ku nga heriki, kutani u ta va lwela. Lava rhandzaka vito ra wena va ta ku tsakela.

Pisalema 97:1

Yehovha wa fuma. Misava a yi tsake, Swihlale hinkwaswo a swi tsakisise!

Esaya 41:16

u ta swi hlela, moya wu va wu swi susa, kutani xihuhuri xi swi hangalasa; kambe wena u ta titsakela eka Yehovha, u ta tidzunisa eka Muhlawuleki wa Israele.

Esaya 61:10

Ndzi ta titsakela eka Yehovha, moya wanga wu ta titsakela eka Xikwembu xa mina; hikuva xi ndzi ambexile tinguvu ta ku hlayiseka, xi ndzi funengetile hi nkumba wa ku lulama kukotisa muvuti la tibombiseke hi musingasoro, kukotisa mutekiwa la tibombiseke hi ku saseka ka nsuku.

Esaya 65:14

maswivo, malandza ya mina ma ta yimbelela hi ku tsaka ka timbilu ta wona, kambe n'wina mi ta kolola eku vavisekeni ka timbilu ta n'wina, mi ta huwelela hi ku hela ka timbilu.

Yuwele 2:23

Na n'wina vana va Siyoni, tsakani, mi tsaka ngopfu eka Yehovha, Xikwembu xa n'wina, hikuva u ta mi nyika hilaha ku fanelaka e timpfula letikulu, u ta mi nisela timpfula, timpfula ta rihunga, ni ta xirimo; hi wona masungulo.

Sofoniya 3:14

Yimbelela hi ku tsaka, nhwanyana wa Siyoni! Israele, huwelela, u tsaka! U va u tsakisisa hi mbilu hinkwayo wena nhwanyana wa Yerusalema!

Sofoniya 3:17

Yehovha, Xikwembu xa wena, u le xikarhi ka wena; i nhenha leyi ponisaka; u ta ku tsakela hi ku tsaka lokukulu, a va a miyela hikwalaho ka rirhandzu ra yena, u ta ku tsakela hi ku yimbelela.

Zakariya 10:7

Efrayimi u ta kota nhenha; timbilu ta vona ti ta tsaka kukotisa loko swa nga va nwile vhinyo. Vana va vona va ta swi vona, va tsaka; timbilu ta vona ti ta titsakela eka Yehovha.

Matewu 5:12

Tsakani, mi tsaka ngopfu hikuva hakelo ya n'wina i yikulu ematilweni, hikuva va xanisile sweswo vaprofeta lavo rhanga.

Luka 1:47

ni moya wa mina wu titsakela eka Xikwembu Mulondzovoti wa mina,

Varhoma 5:11

A hi leswi ntsena kambe hi ni ku tidzunisa eka Xikwembu ha Hosi ya hina Yesu Kriste, loyi hi nyikiweke, ni sweswi, ku hlanganisiwa ha yena.

2 Vakorinto 13:11

Eku heteleleni, vamakwerhu, ndzi ri: Titsakeleni, tilaveleni ku hetiseka, mi chavelelana; mi va ni ku anakanya kun'we; mi tshama hi ku rhula; kutani Xikwembu xa rirhandzu ni xa ku rhula xi ta va na n'wina.

Vaefesa 6:10

Loko swi ri tano, tiyani eHosini ni le matimbeni ya yona lama nga tsandziwiki ha nchumu.

Duteronoma 12:18

U ta dya swilo leswi emahlweni ka Yehovha, Xikwembu xa wena, exivandleni lexi Yehovha, Xikwembu xa wena, a nga ta xi hlawula, u ta dya u ri ni vana va wena va xinuna ni va xisati, ni malandza ya wena ya xinuna ni ya xisati, ni Valevhi lava nga emitini ya wena; u ta titsakela emahlweni ka Yehovha, Xikwembu xa wena, emitirhweni hinkwayo ya mavoko ya wena.

Duteronoma 16:11

U ta titsakela emahlweni ka Yehovha, Xikwembu xa wena, u ri ni n'wana wa wena wa wanuna, ni wa wansati, ni nandza wa wena wa wanuna ni wa wansati, ni Mulevhi la nga emindyangwini ya wena, ni xisiwana, ni noni, va ri lava nga ta tshama exikarhi ka n'wina, exivandleni lexi Yehovha, Xikwembu xa wena, a nga ta xi hlawula ku akisa vito ra xona kona;

Vafilipiya 3:3

Hikuva hi hina hi nga ngoma leyinene, hina lava hi tirhelaka Xikwembu emoyeni, lava hi tidzunisaka ha Yesu Kriste, lava hi nga titshembiki enyameni.

Vafilipiya 4:4

Titsakeleni eHosini hi masiku; ndzi tlhela ndzi vurisa sweswo, ndzi ri: Titsakelani.

Vafilipiya 4:8

Loko swi ri tano, vamakwerhu, hinkwaswo leswi nga ntiyiso, hinkwaswo leswi sasekeke, hinkwaswo leswi lulameke, hinkwaswo leswi tengeke, hinkwaswo leswi rhandzekaka, hinkwaswo leswi khensiwaka, hinkwaswo leswi nga ni vunene ni ku dzunisiwa, leswo hinkwaswo, mi va mi swi anakanya.

1 Vatesalonika 4:1

Loko swi ri tano vamakwerhu, ha mi khongelela ni ku mi khongotela hi Hosi Yesu leswaku, kukota leswi mi dyondzeke eka hina hilaha mi faneleke ku famba hakona, ni ku tsakisa Xikwembu, swi endleni hi ku tlurisisa.

1 Vatesalonika 5:16

Tsakani hi masiku.

Yakobo 1:2

Vamakwerhu, ringanisani leswaku i ku tsaka ntsena loko mi humelela hi miringo leyo tala;

1 Petro 3:8

Sweswi, mi va ni ku anakanya ku ri kun'we, mi tsetselelana, mi rhandzana ni vanakuloni, mi va ni tintswalo ni musa.

1 Petro 4:13

kambe mi titsakela hi leswi mi nga ni ku averiwa eku vavisekeni ka Kriste, leswaku mi ta engeta mi tsaka hi ku tsaka lokukulu, siku ku kwetsima ka yena ku taka eku vonakaleni.

2 Petro 3:1

Varhandziwa, epistola leyi i ya vumbirhi leyi ndzi mi tsalelaka yona, kutani ha tona letimbirhi, ndzi pfuxa ku twisisa ka n'wina loku tengeke ndzi ri karhi ndzi mi anakanyisa,

1 SAMIELE 2:1

Kavaloko Hana a khongela, a ku: “Mbilu yanga yi titsakela eka Yehovha. Matimba ya mina ma tlakusiwa hi Yehovha, Nomu wa mina wu tipfulele valala va mina; Hikuva ndza titsakela eku hlayisekeni ka wena.