Vafilipiya 2:3 - Xitsonga (Bibele)

³ Mi nga endli nchumu hi ku kanetana, hambi ku ri hi ku tidzunisa ka swahava, kambe un'wana ni un'wana hi ku titsongahata ka yena, a a anakanye leswaku van'wana va n'wi tlula hi vunene.

BIBELE Mahungu Lamanene

³ Mi nga endli nchumu hi moya wa ku tirhandza, kumbe hi ku tidzunisa hi swa hava, kambe un'wana ni un'wana a a titsongahate eka van'wana, a nga anakanyi leswaku wa va tlula hi vunene.

Testamente Leyimpsha Xichangana

³ Mingayendleni nchumu hi moya wa kutirhandza, kumbe hi kutidzunisa hi sva hava, kambe mun'wana ni mun'wana aatitsongahate ka van'wana, angayanakanyi lesvaku wavatlula hi vunene.

Vafilipiya 2:3 Iomraidhean Croise

Swivuriso 13:10

Ku tikukumuxa ku humesa ku hambana; Kambe vutlhari byi le ka lava pfumelaka ku tsundzuxiwa.

Luka 18:14

Ndzi ri eka n'wina: Yeloyi, u ngirimele endlwini ya yena, a hlayiwile la lulameke ku tlula mufarisi; hikuva un'wana ni un'wana la titlakusaka u ta tsongahatiwa, kambe la titsongahataka, u ta tlakusiwa.”

Varhoma 12:10

Tolovelanani hi rirhandzu ra vuxaka, mi ri karhi mi yisana emahlweni hi mafundzha.

Varhoma 13:13

A hi fambeni hi mukhuva lowu fanelaka, kukota vanhu lava fambaka ninhlekanhi, ku nga ri hi mahlomi ni ku pyopyiwa, ni vuoswi, ni vumbhisa, ni timholovo, ni mona;

Varhoma 2:8

kambe lava kanetaka, lava alaka ntiyiso, va yingisela ku homboloka, xi ta va karihela ni ku va holovela:

1 Vakorinto 15:9

kambe a ndzi fanelanga ku vuriwa muapostola, hikuva ndzi xanisile kereke ya Xikwembu.

1 Vakorinto 3:3

Hikuva leswi mona ni ku hambana swa ha riki kona exikarhi ka n'wina, xana a mi va nyama-ke? Xana a mi yi hi mikhuva ya vanhu-ke?

2 Vakorinto 12:20

Hikuva ndza chava leswaku, siku ndzi fikaka ndzi ta mi kuma mi nga kotisi leswi ndzi swi rhandzaka, kutani, na mina, mi ta ndzi kuma kukotisa leswi mi nga swi rhandziki; kutani, kumbexana ndzi ta kuma timholovo, ni rilondzo ni ku hambana ni mahlevo, ni ku lumbetana, ni ku dzumadzuma, ni ku tikurisa, ni madzolonga;

Vagalatiya 5:15

Kambe, kungakuloko mi lumana ni ku dyanana, tilanguteleni leswaku mi nga hetani.

Vagalatiya 5:26

Hi nga tshuki hi tilavela ku tidzunisa ka hava, ni ku pfukana, ni ku vondzokana.

Vaefesa 4:2

hi ku titsongahata hinkwako ni vunene, ni ku yingisela, mi ri karhi mi yingiselana hi rirhandzu,

Vaefesa 5:21

Titsongahateni, van'wana eka van'wana exichabyeni xa Kriste.

Vafilipiya 2:14

Endlani hinkwaswo mi nga n'unun'uti ni ku kanetana,

Vakolosa 3:12

Funengelani hakona, leswi mi nga vahlawuriwa va Xikwembu, vakwetsimi ni varhandziwa, ku tiyingisa ka tintswalo, ni vunene, ni ku titsongahata, ni ku olova, ni ku yingisela;

Vakolosa 3:8

Kambe sweswi, na n'wina, cukumetani swilo leswo hinkwaswo, ku nga ku kariha, ni ku kanetana, ni mona; ku lumbeta, ni marito ya tingana swi nga tshuki swi huma emilon'wini ya n'wina.

1 Timotiya 6:4

wa tikurisa, a nga tivi nchumu, u ni vuvabyi bya ku tengisana ni ku lwa hi marito, laha ku humaka kona mona, ni timholovo, ni ku lumbetana, ni ku vilela loko biha,

1 Petro 3:8

Sweswi, mi va ni ku anakanya ku ri kun'we, mi tsetselelana, mi rhandzana ni vanakuloni, mi va ni tintswalo ni musa.

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”