Vafilipiya 2:17 - Xitsonga (Bibele)

¹⁷ Swi nga tsandza ni loko ndzi endliwa mhamba hikwalaho ka ku gandzela ka n'wina, ni ku tirhela ku pfumela ka n'wina, kona ndzi nga tsaka, ndzi va ndzi tsakisisa na n'wina hinkwenu.

BIBELE Mahungu Lamanene

¹⁷ Hambiloko ndzi fanela ku tlhandlekela vutomi bya mina ehenhla ka mhamba ya n'wina ya ku pfumela, leyi mi gandzelaka Xikwembu ha yona, ndzi tsakile ni ku tlangela swin'we na n'wina hinkwenu.

Testamente Leyimpsha Xichangana

¹⁷ Hambi loko nifanela kutlhantekela vutomi bza mina henhla ka mhamba ya n'wina ya kupfumela, leyi migandzelaka Xikwembu ha yona, nitsakile ni kutlangela svin'we na n'wina hinkwenu.

Vafilipiya 2:17 Iomraidhean Croise

Tinhlayo 28:6

I holokosta ya masiku leyi humesiweke entshaveni ya Sinayi, i gandzelo leri nga ni risuna, leri hiseriwaka Yehovha.

Tinhlayo 28:7

Vucheleto bya rona byi ta va bya ku avanyisa ka vumune bya hini, swi ri swa xinyimpfana xo sungula: vuchelo bya vhinyo leyinene byi ta cheleriwa Yehovha evukwetsimelweni.

Timhaka 20:24

Kambe a ndzi vuri nchumu ha swona, ni vutomi bya mina, a ndzi byi cawuki, ndzi ko ndzi heta pfhumba ra vutomi bya mina ni ntirho lowu ndzi nga wu lerisiwa hi Hosi Yesu, ku nga ku vula vumbhoni bya Evhangeli ya tintswalo ta Xikwembu.

Timhaka 21:13

Kambe Pawulo a hlamula, a ku: “Xana mi endla yini hi ku rila, mi ndzi tlhava mbilu xana? Kasi mina ndzi tilunghisile, ku nga ri ku bohiwa ntsena, kambe ni ku fela vito ra Hosi Yesu eYerusalema.”

Varhoma 12:1

Vamakwerhu, ndza mi khongotela hi tintswalo ta Xikwembu, leswaku mi nyiketa miri wa n'wina, wu va mhamba leyi hanyaka, leyi kwetsimaka, leyi tsakisaka Xikwembu; hi rona gandzelo leri mi fanelaka.

Varhoma 15:16

leswaku ndzi va nandza wa Yesu Kriste exikarhi ka vamatiko, ku tirha ntirho wa Evhangeli ya Xikwembu, leswaku vamatiko va ve nhlengo lowu nandzihelaka Xikwembu, wu ri karhi wu kwetsimisiwa hi Moya lowo Kwetsima.

2 Vakorinto 12:15

Loko ndzi ri mina, ndzi ta humesa swa mina, na swona ndzi ta tinyika hi xiviri hikwalaho ka mimoya ya n'wina; hambi ndzi rhandziwa kutsongo, ndzi ta mi rhandza ngopfu.

2 Vakorinto 4:12

kutani sweswi, rifu ri tirha eka hina, kambe vutomi byi tirha eka n'wina.

2 Vakorinto 6:10

ingi hi ni tingana, kasi hi tsakile hi masiku; ingi hi swisiwana, kasi hi fuwisa lavo tala; ingi a hi na nchumu, kasi hi fuwile swilo hinkwaswo.

2 Vakorinto 7:4

Loko ndzi vulavula na n'wina ndzi ni ku tshemba lokukulu; ndzi tidzunisa ngopfu ha n'wina; ndzi taleriwe hi ku chavelela, ndzi tsakile hi ku tlurisisa emaxangwini hinkwawo ya hina.

Vafilipiya 1:20

hi ku langutela loku tiyeke ka mina, ni ku tshemba loku ndzi nga na kona, leswaku ndzi nga ka ndzi nga khomisiwi tingana ha nchumu; kambe ndzi tivisisa leswaku swi tsandza ni sweswi, ni le mikarhini hinkwayo, Kriste u ta dzunisiwa emirini wa mina, hambi ku ri hi ku hanya, hambi ku ri hi ku fa.

Vafilipiya 2:18

Na n'wina, tsakani hikwalaho, mi tsakisana na mina.

Vafilipiya 2:30

hikuva u tshinelele rifu hikwalaho ka ntirho wa Kriste, u tshikile vutomi bya yena, a ta hetisa mitirho leyi mi tsandzekeke ku ndzi endlela yona.

Vafilipiya 4:18

Ndzi kumile hinkwaswo, swi ndzi andzele ngopfu; ndzi taleriwe hi ku amukela ha Epafrodito leswi humaka eka n'wina, leswi nga nun'hwela, ni gandzelo leri amukeriwaka hi Xikwembu lexi tsakisiwaka ha rona.

Vakolosa 1:24

Sweswi, ndzi titsakela emaxangwini lama ndzi humelelaka hikwalaho ka n'wina, kutani ndzi hetisa emirini wa mina, leswi seleke swa ku xaniseka ka Kriste, hikwalaho ka miri wa yena yi nga Kereke.

1 Vatesalonika 2:8

hi mukhuva wolowo wa ku mi rhandza ngopfu, hi anakanyile leswaku hi nga ka hi nga mi nyiki Evhangeli ya Xikwembu ntsena, kambe hi nga mi nyika ni vutomi bya hina, hikuva mi ri varhandziwa va hina swinene.

2 Timotiya 4:6

Hikuva, loko ndzi ri mina, ndzi kotisa mhamba leyi humesiwaka egandzelweni, kutani nkarhi wa ku suka ka mina wu le kusuhi.

1 Petro 2:5

na n'wina, kukota maribye lama hanyaka, ma akiwa, mi va yindlu ya moya leswaku mi ta va vaprista lavo kwetsima ku ta humesa magandzelo ya moya lama tsakisaka Xikwembu ha Yesu Kriste.

1 Yohane 3:16

Laha hi nga tivaka rirhandzu hakona, hi leswi Yesu a hi tshikeleke vutomi bya yena; na hina, hi fanele ku tshikela vamakwerhu vutomi bya hina.