Vafilipiya 1:7 - Xitsonga (Bibele)

⁷ kutani swi lulamile loko ndzi anakanya sweswo eka n'wina hinkwenu, hikuva eku bohiweni ka mina, ni le ku hlamuleni ka mina, ni le ku tiyiseni ka Evhangeli, ndzi na n'wina embilwini ya mina, hikuva hinkwenu mi ni ku averiwa ka tintswalo swin'we na mina.

BIBELE Mahungu Lamanene

⁷ Hikokwalaho, ndzi kuma swi ndzi lulamele ku titwa hi ndlela leyi ehenhla ka n'wina hinkwenu, hikuva mi le mbilwini ya mina, sweswi ndzi nga ekhotsweni ku fana ni loko a ndza ha ntshunxekile ku lwela ni ku tiyisa Evhangeli, kutani n'wina hinkwenu mi averiwile nkateko wun'we na mina.

Testamente Leyimpsha Xichangana

⁷ Hikolaho, nikuma na svinilulamelile kuyanakanya hi ndlela leyi henhla ka n'wina hinkwenu, hikuva mi le mbilwini ya mina, ingava kubohiweni kumbe kuhlamuleni ka mina ni le kutiyiseni ka Evhangeli, kutani n'wina hinkwenu miyaveliwile nkateko wun'we na mina.

Vafilipiya 1:7 Iomraidhean Croise

Timhaka 20:23

ntsena loko ndzi ri karhi ndzi ya emutini wun'wana ni wun'wana, Moya lowo Kwetsima wu ndzi tivisa leswaku ku bohiwa ni maxangu swi ndzi langutele.

Timhaka 21:33

Kavaloko ndhuna ya nyimpi yi tshinela, yi n'wi khoma, kutani yi lerisa leswaku a bohiwa hi timpecana timbirhi; kutani a vutisa leswaku i mani, ni leswaku xana lexi a xi endleke i yini?

1 Vakorinto 13:7

ri yingisela hinkwaswo, ri pfumela hinkwaswo, ri tshemba hinkwaswo, ri rhwala hinkwaswo.

1 Vakorinto 9:23

Kambe ndzi endlisa sweswo hikwalaho ka Evhangeli, leswaku, na mina, ndzi va ni ku averiwa kona.

2 Vakorinto 3:2

Hi n'wina mi nga mapapila ya hina, lama tsariweke etimbilwini ta hina, lama tiviwaka ni lama hlayiwaka hi vanhu hinkwavo;

2 Vakorinto 7:3

A ndzi vurisi sweswo ku mi sandza hikuva ndzi tshama ndzi vula leswaku etimbilwini ta hina, hi va swin'we eku feni ni le ku hanyeni.

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

Vaefesa 3:1

Hikwalaho-ke, mina Pawulo, ndzi nga mubohiwa wa Yesu Kriste hikwalaho ka n'wina vahedeni.

Vaefesa 4:1

Hikwalaho-ke, mina ndzi nga mubohiwa eHosini ndza mi khongotela, ndzi ri: Fambani hi mukhuva lowu fanelaka ku vitiwa loku mi vitiweke hakona,

Vaefesa 6:20

leyi ndzi nga ntsumi ya yona, hambi ndzi bohiwile hi timpecana, leswaku ndzi vulavula hi matimba timhaka ta yona, hilaha ndzi fanelaka ku ti vula hakona.

Vafilipiya 1:12

Vamakwerhu ndzi rhandza leswaku mi tiva leswaku leswi ndzi humeleleke swi pfunile ngopfu ku fambisa Evhangeli emahlweni;

Vafilipiya 1:13

hikuva ku bohiwa ka mina hikwalaho ka Kriste, ku twakele hinkwako endlwini ya vuhosi, ni matlhelo man'wana hinkwawo.

Vafilipiya 1:14

Kutani sweswi, lavo tala eka vamakwerhu eHosini, va engeteriwe matimba hi ku bohiwa ka mina, ku vula rito ra Xikwembu hi ku tiyisa, va nga chavi nchumu.

Vafilipiya 1:5

hikuva kunene, mi namarhele Evhangeli mpfhuka mi nga sungula, ku fika sweswi.

Vafilipiya 2:22

Kambe ma swi tiva leswaku u ringiwile, hikuva u tirhele Evhangeli swin'we na mina, kukota n'wana loko a tirhela tata wa yena.

Vafilipiya 4:14

Hambiswiritano, mi endle swinene loko mi ndzi pfunile evusiwaneni bya mina.

Vafilipiya 4:15

Na n'wina Vafilipiya, ma swi tiva leswaku eku sunguleni, kuteloko ndzi mi byele Evhangeli, kutani ndzi suka eMakedoniya, a ku vanga na kereke leyi ndzi heke nchumu emhakeni ya ku nyika ni ku amukela, loko mi nga ri n'wina ntsena.

Vafilipiya 4:3

Na wena, nakulorhi wa xiviri, va pfune; vavasati volavo va tirhele Evhangeli na mina, na Klemento, ni van'wana vatirhikulorhi, valavo mavito ya vona ma tsariweke ebukwini ya vutomi.

Vakolosa 4:18

Mina Pawulo ndza mi xeweta kwala hi voko ra mina. Anakanyani ku bohiwa ka mina. Tintswalo a ti ve na n'wina.

Vakolosa 4:3

na kona mi hi khongelela, leswaku Xikwembu xi hi pfulela nyangwa ya Rito, hi ta vulavula xihundla xa Kriste, lexi ndzi nga mubohiwa hikwalaho ka xona;

1 Vatesalonika 5:5

Hinkwenu mi vana va ku vonakala, mi vana va nhlekanhi; a mi va vusiku, hambi va munyama.

2 Timotiya 1:8

Hikwalaho, u nga tshuki u va ni tingana hikwalaho ka vumbhoni bya Hosi ya hina, hambi ku ri hikwalaho ka mina, mubohiwa wa yona; kambe u amukela swin'we na mina ku vaviseka ka Evhangeli, hi matimba ya Xikwembu,

2 Timotiya 2:9

yi nga Evhangeli leyi ndzi twaka ku vaviseka hikwalaho ka yona, ndzi ko ndzi bohiwa kukota mudyohi; kambe rito ra Xikwembu a ri bohiwanga.

Filemoni 1:13

A ndzi ehleketile ku n'wi sivela, a ta tshama na mina, a ta ndzi tirhela ematshan'weni ya wena eku bohiweni ka mina hikwalaho ka Evhangeli,

Vaheveru 3:1

Hikwalaho, vamakwerhu lavo kwetsima, mi nga ni ku vitaniwa ka le tilweni, xiyani swinene la nga muapostola ni muprista lonkulu wa ku pfumela ka hina,

1 Petro 4:13

kambe mi titsakela hi leswi mi nga ni ku averiwa eku vavisekeni ka Kriste, leswaku mi ta engeta mi tsaka hi ku tsaka lokukulu, siku ku kwetsima ka yena ku taka eku vonakaleni.

1 Petro 5:1

Ndzi khongotela vakulukumba lava nga eka n'wina, mina ndzi nga nkulu na vona, ni mbhoni ya ku vaviseka ka Kriste, ni la nga ni ku averiwa eku kwetsimeni loku nga ta humelela; ndzi ri:

2 Petro 1:13

Kutani ndzi ringanisa leswaku swa ndzi lulamela loko ndza ha ri entsongeni lowo, ku mi pfuxa hi ku mi tsundzuxa.

1 Yohane 3:14

Loko hi ri hina, ha tiva leswaku hi rhurhile eku feni ku ya nghena evutomini, hikuva hi rhandza vamakwerhu. La nga rhandziki makwavo, u tshame eku feni.