Tito 3:7 - Xitsonga (Bibele)

⁷ leswaku, leswi hi nga hlayiwa lava lulameke hi tintswalo ta xona, hi ta va ni ku tshemba ku endliwa vadyandzhaka va vutomi lebyi nga heriki.

BIBELE Mahungu Lamanene

⁷ leswaku, hi tintswalo ta xona, hi ta endliwa lava lulameke emahlweni ka xona, ni ku amukela ndzhaka ya vutomi lebyi nga heriki, lebyi hi byi langutelaka.

Testamente Leyimpsha Xichangana

⁷ lesvaku, hi timpsalu ta xona, hitayendliwa lavalulameke mahlweni ka xona, ni kuyamukela ndzhaka ya vutomi lebzingaheliki, lebzi hibzilangutelaka.

Tito 3:7 Iomraidhean Croise

Matewu 25:34

“Hilaha Hosi yi nga ta byela va le vokweni ra yena ra xinene, yi ku: ‘Tanani n'wina lava katekisiweke hi Tatana, amukelani ndzhaka ya ku fuma, leyi mi nga lunghiseriwa kaharhi loko misava yi tumbuluka;

Marka 10:17

Kuteloko a humele endleleni, un'wana a tsutsuma, a khinsama emahlweni ka yena, a n'wi vutisa, a ku: “Mufundhisi lonene, ndzi ta endla yini ku dya ndzhaka ya vutomi le byi nga heriki?”

Varhoma 11:6

Kambe loko ku ri hi tintswalo, a ka ha ri hi mitirho; hikuva loko ku ri hi mitirho, tintswalo a ti nga ha vi tintswalo.

Varhoma 3:24

kutani va hlayiwa lava lulameke hi tintswalo ta Xikwembu hi ku nyikiwa, hi ku kutsula loku nga ka Yesu Kriste;

Varhoma 3:28

Hikwalaho hi heta mhaka hi ku vula leswaku munhu u hlayiwa la lulameke hi ku pfumela, ku nga ri hi mitirho ya nawu.

Varhoma 4:16

Hikwalaho-ke, swi humelele hi ku pfumela, leswaku swi endliwa hi tintswalo, leswaku ku tshembisa ka Xikwembu ku ta tiya eka rixaka hinkwaro, ku nga ri eka rixaka leri nga rona hi nawu ntsena, kambe ku va ni ka leri nga rona hi ku pfumela ka Abrahama, loyi a nga tata wa hina hinkwerhu,

Varhoma 4:4

Kasi, loko yi ri hakelo ya la tirhaka, a yi hlayiwi leswaku i tintswalo, kambe va ri i nandzu.

Varhoma 8:17

Kutani loko hi ri vana, hi vadyandzhaka na swona; ndzi ri vadyandzhaka va Xikwembu, ni vadyandzhakakulobye na Kriste, loko kunene hi twa ku vaviseka na yena, hi ta kwetsimisiwa na yena.

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Vagalatiya 2:16

hambiswiritano, hi ku tiva leswaku munhu a nga hlayiwi la lulameke hi mitirho ya nawu, kambe hi ku pfumela eka Yesu Kriste, na hina hi pfumele ka Yesu Kriste, hi ta hlayiwa lava lulameke hi ku pfumela eka Kriste, ku nga ri hi mitirho ya nawu; hikuva a ku na munhu la nga ta hlayiwa la lulameke hi mitirho ya nawu.

Vagalatiya 3:29

Kutani loko mi ri va Kriste, hilaha mi nga rixaka ra Abrahama, mi ri vadyandzhaka, hilaha ku tshembisiweke hakona.

Vagalatiya 4:7

Hikwalaho u nga ha tshami u ri nandza, kambe u n'wana, kutani loko u ri n'wana, u mudyi wa ndzhaka hi ku rhandza ka Xikwembu.

2 Vatesalonika 2:16

Kutani Hosi ya hina Yesu Kriste yena hi xiviri, ni Xikwembu, Tata wa hina, la hi rhandzeke, la hi nyikeke hi tintswalo ta yena ku chavelela loku nga heriki, ni ku tshemba lokunene,

Tito 1:2

hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

Tito 2:11

Hikuva tintswalo ta Xikwembu, leti nga hlayisaka vanhu hinkwavo, ti vonakarile,

Tito 2:13

hi ri karhi hi langutela ku tshemba loku nga ni ku kateka, ni ku humelela ka ku vonakala ka Xikwembu lexikulu, ni Mukutsuri wa hina, Yesu Kriste,

Vaheveru 1:14

Xana hinkwato a hi mimoya leyi tirhaka xana, leyi rhumiweke entirhweni, yi rhumeriwa lava nga ta fuwa ndzhaka ya ku hlayiseka xana?

Vaheveru 11:7

Hi ku pfumela, Nowa, kuteloko a tivisiwile hi Xikwembu timhaka leti nga siki vonakaka, u chavile, kutani a aka ngalava ku hanyisa va yindlu ya yena; kutani ha yona u avanyisile misava a va a vekiwa mudyandzhaka wa ku lulama loku humaka eku pfumeleni.

Vaheveru 11:9

Hi ku pfumela, u tshamile a ri muluveri etikweni leri a ri tshembisiweke, a tshama emitsongeni na Isaka, na Yakobo, lava ingi va ri vadyandzhaka swin'we na yena va ku tshembisa ku ri kun'we.

Vaheveru 6:17

Hi sweswo ni Xikwembu, loko xi rhandza ku kombisisa vadyandzhaka va ku tshembisa ku tiya ka makungu ya xona, xi nghenisa ku hlambanya,

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

1 Petro 3:7

Hi mukhuva wolowo, na n'wina vavanuna, tshamani ni vasati va n'wina hi mukhuva lowu sasekeke, mi tiva leswaku va kotisa swibya leswi nga tiyangiki, mi va ni xichavo, hikuva na vona, swin'we na n'wina, va ta dya ndzhaka ya tintswalo ta vutomi, leswaku ku khongela ka n'wina ku nga ti tsandzekisiwa.