Tito 2:2 - Xitsonga (Bibele)

² Vavanuna lava kuleke va fanele ku tikhoma, va chava ku hlekiwa, va ve ni ku anakanya loku lulameke eku pfumeleni, ni le rirhandzwini, ni le ku yingiseleni.

BIBELE Mahungu Lamanene

² Byela vavanuna lava kuleke leswaku va fanele ku dya va pima, va va ni ndzhuti, va kota ku tikhoma, va tiya swinene eku pfumeleni, ne rirhandzwini, ne ku chivirikeni.

Testamente Leyimpsha Xichangana

² Vavanuna lava vajuhaleke vafanela kutiva kutikhoma vava lava vaxiximekaka, vava ni kuyehleketa lokunene, vava ni rirhandzu ni kupfumela loku kuhanyaka ni kulehisa mbilu.

Tito 2:2 Iomraidhean Croise

Ntirho 12:12

Swikoxa swi ni vutlhari, Ni va malembe yo tala, va ni ku twisisa.

Pisalema 92:14

Va ha veleka vana eku dyuhaleni ka vona, Va ta tala hi mongo va va lavantshwa,

Swivuriso 16:31

Misisi ya timpfu i harhi ya xichavo, Yi kumeka endleleni ya ku lulama.

Esaya 65:20

Kona a ku nga ha vi na swihlangi leswi velekiweleke masiku ma nga ri mangani, hambi swikoxa leswi nga hetisiki ntsengo wa masiku ya swona; hikuva u ta fa a ri lontshwa, loyi a nga ta fa a ri ni dzana ra malembe, kambe ndzhukano wu ta wela xidyohi, loko xi ta va ni dzana ra malembe.

Levhitika 19:32

“ ‘U ta yima emahlweni ka misisi leya timpfu, u xixima nkulukumba, u chava Xikwembu xa wena. Hi mina Yehovha.

Marka 5:15

Kuteloko va fikile eka Yesu, va vona loyi ingi a ri ni vandla ra mademona a tshamile, a ambele, a ri munhu, kutani va chava ngopfu.

Luka 8:35

Kutani vanhu va huma, va ya vona leswi humeleleke. Kuteloko va fika eka Yesu, va kuma munhu loyi mademona ma nga huma eka yena, a tshamisile emilengeni ya Yesu, a ambele, a ri munhu; kutani va chava ngopfu.

Timhaka 24:25

Kakuloko a vula ku lulama ni ku tikhoma, ni ku avanyisiwa loku nga ta ta, Felikisi a khomiwa hi ku chava, kutani a hlamula, a ku: “U nga tifambela sweswi; siku ndzi kumaka nkarhi ndzi ta tlhela ndzi ku vitana.”

Varhoma 12:3

Hikuva hi tintswalo leti ndzi ti nyikiweke, ndzi byela munhu un'wana ni un'wana exikarhi ka n'wina leswaku, a nga tshuki a tiringanisa hi vukulu ku tlurisa leswi fanelaka, kambe a a ve ni miehleketo ya ku titsongahata a ya hi mpimo wa ku pfumela loku Xikwembu xi ku aveleke un'wana ni un'wana.

1 Vakorinto 15:34

Pfukani, mi hanya hi ku lulama, mi nga tshuki mi dyoha, hikuva van'wana a va na ku tiva ka Xikwembu; ndzi vula sweswo ku mi khomisa tingana.

1 Vakorinto 9:25

Kambe un'wana ni un'wana la nga ni mpika ya ku kamana, u titsona hinkwaswo; kasi vona va endlisa sweswo leswaku va nyikiwa harhi leyi bolaka; kambe hina hi endlela leyi nga boriki.

2 Vakorinto 5:13

Hikuva loko hi ri handle ka hina, hi le ka Xikwembu; kutani loko hi tlhariha, hi tlhariha hikwalaho ka n'wina.

Vagalatiya 5:23

A ku na nawu lowu alaka leswo tano.

Vafilipiya 4:8

Loko swi ri tano, vamakwerhu, hinkwaswo leswi nga ntiyiso, hinkwaswo leswi sasekeke, hinkwaswo leswi lulameke, hinkwaswo leswi tengeke, hinkwaswo leswi rhandzekaka, hinkwaswo leswi khensiwaka, hinkwaswo leswi nga ni vunene ni ku dzunisiwa, leswo hinkwaswo, mi va mi swi anakanya.

1 Vatesalonika 5:6

Hikwalaho-ke, hi nga tshuki hi etlela kukota van'wana, kambe a hi hitekeni, hi ri karhi hi tikhoma.

1 Vatesalonika 5:8

Kambe hina hi nga va nhlekanhi, a hi tihlayiseni, kutani hi ambala xisirhelelo xa xifuva, ku nga ku pfumela ni rirhandzu, hi havaxela ni xihuku xa ku tshemba ku hlayiseka.

1 Timotiya 1:10

ni lava dlayaka vanhu, ni vaoswi, ni va Sodoma, ni lava yivaka vanhu, ni vahembi, ni lava hundzukaka eku hlambanyeni ka vona, hambi xi ri xilo xihi ni xihi lexi lwaka ni dyondzo leyi lulameke,

1 Timotiya 1:14

kutani tintswalo ta Hosi ya hina ti ndzi tele hi ku tlurisisa, Swin'we ni ku pfumela, ni rirhandzu leri nga ka Yesu Kriste.

1 Timotiya 1:2

Tintswalo, ni ku tsetseleriwa, ni ku rhula, a swi ve na wena, swi huma eka Xikwembu Tatana, ni le ka Yesu Kriste Hosi ya hina.

1 Timotiya 1:5

Hikuva laha ku lerisa ku kongomaka kona, i rirhandzu leri humaka embilwini leyi tengeke, ni le ripfalweni lerinene, ni le ku pfumeleni loku nga riki na ku kanganyisa.

1 Timotiya 3:11

Na vona vasati va vona va ve lava fundzhekaka, va nga vi valumbeti, kambe va va ni ku hiteka, ni ku tshembeka eka hinkwaswo.

1 Timotiya 3:2

Kambe swi fanele leswaku murisi a pfumala xisandzu, a va nuna wa nsati un'we, a va ni ku hiteka, ni ku tlhariha, ni mafundza, a rhandza ku amukela vaendzi, a tiva ku dyondzisa,

1 Timotiya 3:4

la fumaka yindlu ya yena swinene, la hlayisaka vana va yena eku yingiseni hi xichavo hinkwaxo,

1 Timotiya 3:8

Na vona vadiyakoni, va ve vanhu lava fundzhekaka, va nga tshuki va va ni tindzimi timbirhi, va nga tinyiketi evhinyweni hi ku tlurisa, va nga tshuki va bindzula hi ku kanganyisa;

1 Timotiya 5:1

U nga holoveri xidyuhati hi matimba, kambe u n'wi khongotela kukotisa loko a ri tata wa wena; lavantshwa, va khongotele kukotisa vamakwenu;

Tito 1:13

Loko a va vula sweswo, u vule swinene. Hikwalaho u va tshinya hi matimba, leswaku va pfumala xisandzu eku pfumeleni ka vona;

Tito 1:8

kambe a va munhu la amukelaka vaendzi, la rhandzaka vanhu lavanene, la tlhariheke, la lulameke, la kwetsimeke, la hanyaka hi ku tikhoma,

Tito 2:7

eka hinkwaswo u tiendla ntila wa mitirho leyinene, hi ku dyondzisa loku tengeke, loku nga riki na xisandzu,

Filemoni 1:9

hikwalaho ka rirhandzu, ndzi tihlawulele ku ku khongotela, mina ndzi nga Pawulo, mina la dyuhaleke, kambe sweswi ndzi nga mubohiwa hikwalaho ka Yesu Kriste,

1 Petro 1:13

Hikwalaho, na n'wina, tiboheni swisuti swa ku twisisa ka n'wina mi hanya hi ku tikhoma, mi tshemba hi mukhuva lowu hetisekeke tintswalo leti mi nga ta nyikiwa tona siku Yesu Kriste a nga ta humelela;

1 Petro 4:7

Kambe ku hela ka hinkwaswo ku kusuhi; tlharihani hakona, mi hiteka eku khongeleni.

1 Petro 5:8

Tikhomeni, mi hiteka; hikuva nala wa n'wina, a nga Diyavulosi wa mi wonga kukota nghala leyi vombaka, yi lava loyi yi nga n'wi dyaka.

2 Petro 1:6

ni le ku tiveni, ku tikhoma; ni le ku tikhomeni, ku yingisela; ni le ku yingiseleni, vukhongeri;