Tito 2:12 - Xitsonga (Bibele)

¹² ti hi dyondzisa leswaku hi tshika ku sandza swa Xikwembu, ni ku navela ka misava, hi ta hanya emikarhini ya sweswi hi ku tikhoma, ni ku lulama, ni vukhongeri,

BIBELE Mahungu Lamanene

¹² ti hi dyondzisa ku tshika ku hanya ehandle ka Xikwembu ni ku navela swa misava, kutani hi hanya emisaveni leyi hi ku tikhoma, ni ku lulama, ni vukhongeri,

Testamente Leyimpsha Xichangana

¹² tihijondzisa kutshika kusandza sva Xikwembu ni kunavela sva misava, kutani hihanya misaveni leyi hi kutikhoma, ni kululama, ni vukhongeli,

Tito 2:12 Iomraidhean Croise

Pisalema 105:45

Leswaku va ta hlayisa ku lerisa ka yena, Va famba hi milawu ya yena. Dzunisani Yehovha!

Pisalema 4:3

Tivani leswaku Yehovha u tihlawulele munhu la khongelaka; Loko ndzi vitana ka yena, Yehovha wa ndzi yingisa.

Ezekiele 36:27

Ndzi ta veka endzeni ka n'wina moya wa mina ndzi endla leswaku mi famba eku leriseni ka mina, mi va mi hlayisa milawu ya mina ni ku endla ha yona.

Matewu 12:32

Loko munhu a sandza N'wana wa Munhu, u ta rivaleriwa; kambe la sandzaka Moya lowo Kwetsima a nga ka a nga rivaleriwi, ni siku ni rin'we, hambi ku ri laha emisaveni hambi ku ri enkarhini lowu nga ta humelela.

Matewu 16:24

Yesu a engeta a ku eka vadyondzisiwa va yena: “Kungakuloko munhu a rhandza ku ndzi landza, a a titshike, a tirhwalela xihambano xa yena, a ndzi landza hi le ndzhaku.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo, ni le ku leriseni hinkwako ka Hosi, va nga soriwi ha nchumu.

Luka 1:75

hi mukhuva lowo saseka, lowu lulameke emahlweni ka yena, hi masiku hinkwawo ya ku hanyaka hina.

Yohane 14:30

A ndzi nga ha tshami ndzi vulavula na n'wina ngopfu hikuva hosi ya misava leyi, ya ta, kambe a yi na matimba ehenhla ka mina.

Yohane 6:25

Kuteloko va n'wi kumile entsungeni wa lwandle, va ku eka yena: “Rabi, u tile rini la?”

Timhaka 24:16

Hikwalaho ndzi tiyisaka hi matimba hi masiku hinkwawo leswaku ndzi va ni ripfalo leri nga ndzi soriki emahlweni ka Xikwembu ni vanhu.

Timhaka 24:25

Kakuloko a vula ku lulama ni ku tikhoma, ni ku avanyisiwa loku nga ta ta, Felikisi a khomiwa hi ku chava, kutani a hlamula, a ku: “U nga tifambela sweswi; siku ndzi kumaka nkarhi ndzi ta tlhela ndzi ku vitana.”

Varhoma 12:2

Mi nga tshuki mi tifanisa ni misava leyi, kambe mi hundzuka hi vuntshwa bya miehleketo ya n'wina, mi ta twisisa hakona leswaku ku rhandza ka Xikwembu, hi lokunene, ka tsakisa, ku hetisekile.

Varhoma 6:12

Kutani sweswi vudyoho byi nga tshuki byi fuma emirini wa n'wina lowu faka, leswaku mi nga byi yingisi eku naveleni ka byona.

Varhoma 6:19

Ndzi vula hi mukhuva wa vanhu, hikwalaho ka ku tsana ka nyama ya n'wina, ndzi ri: Kukota leswi ingi mi nyiketile swirho swa n'wina ku va makhumbi ya thyaka ni ya ku homboloka, mi yisiwa hakona eku hombolokeni, hi mukhuva wolowo sweswi, nyiketani swirho swa n'wina, ma va makhumbi ya ku lulama, mi fika hakona eku kwetsimeni.

Varhoma 8:13

Hikuva, loko mi hanya eku rhandzeni ka nyama mi ta fa; kambe loko mi dlaya mitirho ya miri hi Moya, mi ta hanya.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

2 Vakorinto 7:1

Sweswi, varhandziwa, loko hi ri ni ku tshembisiwa kuloko, a hi tihlantsweni thyaka hinkwaro ra miri ni ra moya, hi ri karhi hi hetisa ku hlawuleka ka hina exichabyeni xa Xikwembu.

Vagalatiya 1:4

la tinyiketeke hikwalaho ka ku dyoha ka hina, a ta hi simula emisaveni ya sweswi, leyo biha, hi ku rhandza ka Xikwembu la nga Tata wa hina;

Vagalatiya 5:24

Kambe lava nga Vakriste, va vambile nyama ni ku rhandza ni ku navela ka yona.

Vaefesa 1:4

hilaha xi hi hlawuleke eka yena, loko misava yi nga si tumbuluka, leswaku hi kwetsima, kutani hi pfumala xisandzu emahlweni ka xona,

Vaefesa 2:2

leswi khale mi nga famba ka swona, hi maendlelo ya misava leyi, loko ma ha fumiwa hi hosi leyi fumaka matimba ya mimpfhuka, wu nga moya lowu tirhaka sweswi, eka vanhu lava tiarisaka;

Vakolosa 1:22

kutani u mi hlanganisile hi miri wa yena wa nyama, hi rifu ra yena, a ta mi humesa emahlweni ka yena mi basile, mi nga ri na xivati ni nandzu;

1 Vatesalonika 4:7

Hikuva Xikwembu a xi hi vitanelangi ethyakeni, kambe eku kwetsimeni.

1 Vatesalonika 4:9

Loko ku ri ku rhandzana ka vamakwavo, a hi mhaka leyi ndzi fanelaka ku mi tsalela ha yona, hikuva mi dyondzisiwe hi Xikwembu ku rhandzana,

1 Timotiya 4:12

Ku nga tshuki ku va ni la tsan'waka vuntshwa bya wena, kambe u va wena xikombiso xa vapfumeri, eku vulavuleni, ni le ku tihanyeleni, ni le rirhandzwini, ni le ku pfumeleni, ni le ku tengeni.

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

1 Timotiya 6:9

Kambe lava rhandzaka ku fuwa, va wela emiringweni, ni le ntlhan'wini, ni le ku naveleni loko tala ka vuphukuphuku loku onhaka, loku nwerisaka vanhu eku loveni ni le ku lahlekeni.

2 Timotiya 3:12

Kambe hinkwavo lava rhandzaka ku hanya hi vukhongeri lebyi nga eka Yesu Kriste, va ta xanisiwa.

2 Timotiya 4:10

hikuva Demasi u ndzi siyile hi ku rhandza swa nkarhi wa sweswi, kutani u tifambele eTesalonika; Kreskene u yile eGalatiya, na Tito u yile eDalamatiya;

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

Vaheveru 8:11

Kutani a va nga ha tshami va dyondzisana, un'wana ni un'wana a dyondzisa warikwavo, kumbe makwavo, a ku: ‘Tiva Hosi!’ Hikuva va ta ndzi tiva hinkwavo ku sungula hi lontsongo, ku ya fika eka lonkulu.

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

2 Petro 2:9

naswona, Hosi yi tiva ku kutsula emiringweni lava nga ni xichavo, ni ku hlayisela lavo homboloka ku biwa hi siku ra ku avanyisa;

2 Petro 3:11

Kutani leswi hinkwaswo swi nga ta hela, swa mi fanela ngopfungopfu ku hanya hi mukhuva wa ku tenga, ni ku chava Xikwembu;

1 Yohane 2:27

Kambe loko mi ri n'wina, ku cheleriwa loku mi ku amukeleke eka yena ku tshame eka n'wina, kutani a swi mi faneri ku dyondzisiwa hi munhu, kambe hilaha ku cheleriwa kuloko ku mi dyondzisaka hinkwaswo leswi nga ntiyiso, ma nga ri mavunwa, mi ta tshama eka yena hilaha ku mi dyondziseke.

1 Yohane 2:6

La vulaka leswaku u tshame eka yena, u fanele ku famba hi mukhuva lowu na yena a fambeke ha wona.

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi tshama eku biheni.

Yuda 1:18

hilaha va mi byeleke leswaku, “enkarhini wa makumu, vahleki va ta va kona lava nga ta famba hi ku navela ka vona, va nga chavi Xikwembu.”

Nhlavutelo 14:12

Hilaha ku nga kona ku tiyisela ka vakwetsimi, va nga lava hlayisaka ku lerisa ka Xikwembu, ni ku pfumela eka Yesu.