Tito 2:11 - Xitsonga (Bibele)

¹¹ Hikuva tintswalo ta Xikwembu, leti nga hlayisaka vanhu hinkwavo, ti vonakarile,

BIBELE Mahungu Lamanene

¹¹ Hakunene tintswalo ta Xikwembu ta ku ponisa vanhu hinkwavo, ti humeseriwe erivaleni;

Testamente Leyimpsha Xichangana

¹¹ Hakunene timpsalu ta Xikwembu ta kuponisa vanhu hinkwavu, tihumeseliwe rivaleni;

Tito 2:11 Iomraidhean Croise

Pisalema 67:2

Leswaku ndlela ya wena yi tiviwa emisaveni Ni ku hlayiseka ka wena exikarhi ka matiko hinkwawo!

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Pisalema 96:10

Vulani xikarhi ka matiko, mi ku: “Yehovha wa fuma. Na yona misava yi tiyile, a yi tsekatseki; Yehovha u ta avanyisa matiko hi ku lulama.”

Esaya 45:22

Hundzulekani eka mina, mi va mi ponisiwa, n'wina hinkwenu va le emakun'wini ya misava, hikuva ndzi Xikwembu, ku hava xin'wana.

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Esaya 52:10

Yehovha u funungurile voko ra yena leri hlawuriweke emahlweni ka matiko hinkwawo, kutani makumu hinkwawo ya misava ma ta vona ku hlayiseka ka Xikwembu xa hina.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Zakariya 4:7

Wena, ntshava leyikulu, u yini eka Zerubabele? U rivala ntsena! U ta humesela ehandle ribye ra yinhla exikarhi ka huwa leyi nge: ‘A ri tsetseleriwe! A ri tsetseleriwe!’ ”

Matewu 28:19

yanani hakona mi ya dyondzisa va matiko hinkwawo, mi va khuvula hi vito ra Tatana, ni ra N'wana ni ra Moya lowo Kwetsima,

Marka 16:15

Kutani a ku eka vona: “Yanani emisaveni hinkwayo, mi ya byela swivumbiwa hinkwaswo Evhangeli.

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Luka 3:6

kutani nyama hinkwayo yi ta vona ku hlayiseka ka Xikwembu.”

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Yohane 1:9

A ku ri kona ku vonakala lokunene loku voningaka munhu un'wana ni un'wana la tumbulukaka la emisaveni.

Timhaka 11:23

Kuteloko a fikile, a vona tintswalo ta Xikwembu a tsaka; kutani a va khongotela hinkwavo ku tiyisela eka Hosi hi timbilu leti chivirikaka.

Timhaka 13:43

Kuteloko nhlengeletano yi hangalakile, Vayuda lavo tala, ni vaproselita lava tirhelaka Xikwembu, va landzela Pawulo na Barnaba; valavo loko va vulavula na vona, va va khongotela ku tiyisela etintswalweni ta Xikwembu.

Timhaka 13:47

Hikuva Hosi yi hi lerisile sweswo hi rito leri nge: ‘Ndzi ku vekile ku vonakala ka matiko leswaku u va ku ponisa ka vona, ku yisa emakun'wini ya misava.’ ”

Timhaka 17:30

Kambe Xikwembu xi tshikile masiku leswaku ma hundza walawo ya ku pfumala ku tiva, kutani sweswi, xi lerisa vanhu hinkwavo, ematikweni hinkwawo, leswaku va hundzuka.

Timhaka 20:24

Kambe a ndzi vuri nchumu ha swona, ni vutomi bya mina, a ndzi byi cawuki, ndzi ko ndzi heta pfhumba ra vutomi bya mina ni ntirho lowu ndzi nga wu lerisiwa hi Hosi Yesu, ku nga ku vula vumbhoni bya Evhangeli ya tintswalo ta Xikwembu.

Varhoma 10:18

Kambe ndzi ri: “Xana a va ri twanga xana?” E-e va ri twile: “Mpfumawulo wa vona wu vile emisaveni hinkwayo, ni marito ya vona ma twakale emakun'wini ya misava.”

Varhoma 5:15

Kambe ku nyika ka tintswalo a ku fani ni ku dyoha hikuva, loko lavo tala va file hikwalaho ka ku dyoha ka munhu a ri un'we, tintswalo ta Xikwembu, ni ku nyika ka tintswalo, loku teke hi munhu a ri un'we, a nga Yesu Kriste, na swona swi andzele lavo tala ku tlurisa swonghasi.

Varhoma 5:2

a nga yena loyi hi kumeke ha yena hi ku pfumela, nkarhi wa ku tshinelela tintswalo leti hi yimeke ka tona, kutani hi tidzunisa eku languteleni ka ku kwetsima ka Xikwembu.

2 Vakorinto 6:1

Sweswi, leswi hi tirhisanaka na Xikwembu, ha mi khongotela leswaku mi nga tshuki mi va lava amukeleke tintswalo ta Xikwembu mi ti endla swahava.

Vagalatiya 2:21

A ndzi cukumeti tintswalo ta Xikwembu, hikuva loko ku lulama ku huma eka nawu, kunene Kriste u fele mahala.

Vaefesa 2:5

loko hi tifele emilandzwini ya hina, ndzi ri, xi hi hanyisile swin'we na Kriste,

Vaefesa 2:8

Hikuva mi hlayisekile hi tintswalo, hi ku pfumela, kutani leswo a swi humi ka n'wina, i ku nyika ka Xikwembu;

Vakolosa 1:23

loko kunene mi tiya emasungulweni ya ku pfumela, mi nga tsekatseki, mi nga cukumeti ku tshemba ka Evhangeli leyi mi yi tweke, yi nga yona leyi nga vuriwa eka swivumbiwa hinkwaswo swa le hansi ka tilo, yoleyo mina Pawulo ndzi endliweke nandza wa yona.

Vakolosa 1:6

leyi fikeke eka rikwenu kukotisa leswi yi fikeke ematikweni hinkwawo, laha yi vekaka mihandzu kona, kukotisa leswi yi swi endlaka exikarhi ka n'wina, ka hari mpfhuka mi yingisa mi vuya mi twisisa tintswalo ta Xikwembu kunene;

2 Vatesalonika 2:16

Kutani Hosi ya hina Yesu Kriste yena hi xiviri, ni Xikwembu, Tata wa hina, la hi rhandzeke, la hi nyikeke hi tintswalo ta yena ku chavelela loku nga heriki, ni ku tshemba lokunene,

1 Timotiya 1:14

kutani tintswalo ta Hosi ya hina ti ndzi tele hi ku tlurisisa, Swin'we ni ku pfumela, ni rirhandzu leri nga ka Yesu Kriste.

1 Timotiya 2:4

la rhandzaka leswaku vanhu hinkwavo va hlayiseka, va fika eku tiveni ka ntiyiso;

2 Timotiya 1:10

kutani sweswi ta ha ku vonakisiwa hi ku humelela ka Mulondzovoti wa hina, Yesu Kriste, la heriseke matimba ya rifu, la humeseke vutomi eku vonakaleni, ni ku tshama loku nga heriki hi Evhangeli,

2 Timotiya 4:17

Kambe Hosi yi ndzi yimerile, yi ndzi tiyisile leswaku ku dyondzisa ku tiyisiwa ha mina, vamatiko hinkwavo va ta ku twa, kutani ndzi damurhutiwile enon'wini wa nghala.

Vaheveru 12:15

mi tilangutela leswaku ku nga tshuki ku va na un'we la titsonaka tintswalo ta Xikwembu, rimitsu ro bava ri nga tshuki ri mi hlukela, ri mi pfilunganya, kutani lavo tala va onhaka ha rona.

Vaheveru 2:9

Kambe Yesu loyi ingi a vekiwile ehansinyana ka tintsumi hi nkarhi wu nga ri wungani, ha n'wi vona a rhwexiwile ku kwetsima ni xichavo hikwalaho ka rifu leri a ri tweke, leswaku hi tintswalo ta Xikwembu, a twa rifu hikwalaho ka munhu un'wana ni un'wana.