Tito 1:16 - Xitsonga (Bibele)

¹⁶ Hi nomu va vula leswaku va tiva Xikwembu, kambe va xi landzula hi mitirho ya vona; i manyala, ni lava alaka ku yingisa, kutani va tsandzeka ku tirha mitirho leyo saseka, hambi wu ri wun'we.

BIBELE Mahungu Lamanene

¹⁶ Hi milomo ya vona, va vula leswaku va tiva Xikwembu, kambe hi mintirho ya vona va xi landzula. Va nyangatsa, va ala ku yingisa, a va koti ku endla ntirho ni wun'we lowunene.

Testamente Leyimpsha Xichangana

¹⁶ Hi milomo ya vona, vavula lesvaku vativa Xikwembu, kambe hi mintirho ya vona vaxilandzula. Hikolaho vanyenyentsa, vayala kuyingisa, avakoti kuyendla ntirho ni wun'we lowunene.

Tito 1:16 Iomraidhean Croise

Ntirho 15:16

Ngopfungopfu xi nga tsandzeka ku tshemba munhu wa thyaka la onhakeke, La nwaka ku homboloka kukotisa mati!

Swivuriso 30:12

Ku ni rixaka rin'wana leri baseke emahlweni ka rona, Kasi a ri si tihlantswa thyaka ra rona;

Esaya 29:13

Hosi yi te: “Loko tiko leri, ri titshinetile eka mina hi milomu, va ndzi chava hi nomu, kasi timbilu ta vona ti le kule na mina, ni xichavo lexi va ndzi chavaka ha xona, wu ri nawu ntsena wa vanhu lowu va wu dyondzeke.

Esaya 48:1

Yingisani, n'wina va yindlu ya Yakobo, lava mi thyiweke hi vito ra Israele, lava mi humeke exihlobyeni xa Yuda; n'wina lava mi hlambanyaka hi vito ra Yehovha, lava mi dzunisaka vito ra Xikwembu xa Israele, lava mi nga ni ku kanganyisa ni ku pfumala ku lulama,

Esaya 58:2

Va ndzi lava hi masiku hinkwawo, va lava ku tiva tindlela ta mina; tanihi leswo nge i tiko leri fambaka hi ku lulama, leri nga tshikangiki ku lerisa ka Xikwembu xa rona, va kombela ka mina ku avanyisa ka ku lulama, va lava leswaku Xikwembu xi va tshinelela.

Esaya 59:13

Hi tiarisile hi va hi hemba mavunwa eka Yehovha, hi hundzukele Xikwembu xa hina hi vulavurile swa ku pfukela van'wana matimba, ni ku tiarisa; hi ehleketile ni ku vula etimbilwini ta hina marito ya mavunwa.

Yeremiya 12:2

U va simekile va va va engetela timitsu, va mirile, kutani va vekile mihandzu; u kusuhi ni milomu ya vona, kambe u kule ni timbilu ta vona.

Yeremiya 5:2

Ni loko va ku: ‘Yehovha wa hanya!’ Va hlambanya hi vunwa.”

Yeremiya 6:30

Va ta vuriwa silivhere leyi tshikiweke hikuva Yehovha u va tshikile.”

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Tinhlayo 24:16

Rito ra la yingisaka marito ya Xikwembu, La tivaka vutivi bya La nge henhlahenhla, La hlalelaka mahlori ya La nga ni matimba hinkwawo, La khinsamaka, kutani mahlo ya yena ma pfuleka.

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Vaefesa 5:6

Munhu a nga tshuki a mi kanganyisa hi ku vulavula ka swahava, hikuva hikwalaho ka swona leswo, ku kariha ka Xikwembu ku ta ta ehenhla ka vanhu lava nga pfumeriki.

1 Timotiya 1:9

a ri karhi a tiva leswaku nawu a wu vekeriwanga la lulameke kambe lavo homboloka, ni lava alaka ku yingisa, ni lava nga riki na xichavo, ni vadyohi, ni lava nga khongeriki, ni lava sandzaka, ni lava dlayaka vatata wa vona ni vamana wa vona,

1 Timotiya 5:8

Loko un'wana a nga hlayisi varikwavo, ngopfu va yindlu ya yena, u landzurile ku pfumela, u tlula hi ku biha la nga pfumeriki.

2 Timotiya 3:17

leswaku munhu wa Xikwembu a ta hetiseka, a ta lunghiseriwa ntirho wun'wana ni wun'wana lowunene.

Tito 3:1

U va tsundzuxa ku yingisa vuhosi ni tindhuna, ni ku ya hi nawu, ni ku tilunghisela mitirho hinkwayo leyo saseka;

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

1 Yohane 2:4

La nge: “Ndza n'wi tiva,” kasi a nga hlayisi milawu ya yena wa hemba, kutani ntiyiso a wu kona eka yena.

Yuda 1:4

Hikuva exikarhi ka n'wina, ku nghene hi ku wonga, vanhu van'wana, lava ku avanyisiwa ka vona ku tsariweke khale; vanhu lava nga chaviki Xikwembu, va hundzula tintswalo ta Xikwembu xa hina manyala, kutani va landzula Yesu Kriste loyi a nga yena Mufumi a ri swakwe, ni Hosi ya hina.

Nhlavutelo 21:27

A ku na xilo xa thyaka lexi nga ta nghena kona, hambi la endlaka manyala ni mavunwa; kambe ku ta nghena ntsena lava tsariweke ebukwini ya vutomi ya Xinyimpfana.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

1 SAMIELE 15:22

Samiele a ku: “Xana Yehovha u tsakisiwa hi tiholokosta ni magandzelo ku fana ni loko va yingisa rito ra Yehovha xana? Waswivo! Ku yingisa ku tlula magandzelo; ku hlayisa rito ra yena, ku tlula mafurha ya tinyimpfu.

1 SAMIELE 15:24

Kavaloko Sawulo a ku eka Samiele: “Ndzi dyohile, hikuva ndzi tlurile ku lerisa ka Yehovha ni marito ya wena; hi leswi ndzi chaveke tiko, ndzi yingiseke rito ra rona.