Tito 1:11 - Xitsonga (Bibele)

¹¹ lava hambukisaka vanhu hinkwavo va tindlu tin'wana, va dyondzisa leswi nga faneriki, hi ku tihlengeletela rifuwo ra ku homboloka.

BIBELE Mahungu Lamanene

¹¹ Swa fanela leswaku volavo va miyetiwa, hikuva va kokela kule vanhu hinkwavo va mindyangu yin'wana, va dyondzisa leswi va nga fanelangiki ku swi dyondzisa, hi ku navela rifuwo ro homboloka.

Testamente Leyimpsha Xichangana

¹¹ Svafanela lesvaku volavo vamiyetiwa, hikuva vakokela kule vanhu hinkwavu va minjangu yin'wana, vajondzisa lesvi vangafanelangiki kusvijondzisa, hi kunavela rifuwo rohomboloka.

Tito 1:11 Iomraidhean Croise

Pisalema 107:42

Lava lulameke va swi vona va tsaka, Kambe lavo homboloka hinkwavo va pfala milomu.

Pisalema 63:11

Kambe hosi yi ta titsakela eka Xikwembu; Un'wana ni un'wana la hlambanyaka ha xona u ta tidzunisa, Hikuva nomu wa lava hembaka wu ta siviwa.

Yeremiya 8:10

“Hikwalaho ndzi ta nyika van'wana vasati va vona, ni vaphangi masimu ya vona; hikuva hinkwavo va tinyiketile ku navela ka rifuwo, ku sungula eka lontsongo ku yisa eka lonkulu, muprofeta ni muprista, va endla hi vunwa.

Ezekiele 13:19

Ma ndzi sola emahlweni ka tiko ra mina, ku amukela swandla swa koro, ni swipandzwa swa vuswa; ma ndzi sola loko mi lovisa mimoya leyi nga taka yi nga fi, ni loko mi ponisa mimoya leyi nga taka yi nga hanyi, mi va mi hembela tiko ra mina leri yingisaka mavunwa.

Ezekiele 16:63

leswaku u anakanya mikarhi leyi nga hundza, u va ni tingana, kambe u miyela, ni ku tisola, loko ndzi ta ku rivalela mitirho hinkwayo ya wena, ku vula Hosi, Yehovha.”

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Mikiya 3:5

Ku vula Yehovha ematshan'weni ya vaprofeta lava xisaka tiko ra mina, volavo, loko va ha nhlampfunha hi meno va vula ku rhula, kambe loko va nga nyikiwanga nchumu, va ri pfuxela nyimpi.

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

Luka 20:40

Kutani a va ha tiyanga ku n'wi vutisa mhaka yin'wana.

Yohane 10:12

Kambe la tirhelaka mali, a nga ri murisi, loyi tinyimpfu ti nga riki ta yena, kuteloko a vona xinkankanka xi ta, a tshika tinyimpfu, a baleka; kutani xinkankanka xi khoma tinyimpfu, xi ti hangalasa.

Varhoma 3:19

Kambe ha swi tiva leswaku hinkwaswo leswi vuriwaka hi nawu, swi byeriwa lava nga enawini, leswaku milomu hinkwayo yi siviwa; vanhu hinkwavo va ta kumiwa va ri ni nandzu emahlweni ka Xikwembu.

2 Vakorinto 11:10

Vunene bya Kriste lebyi nga eka mina byi ta ndzi yimela, ndzi nga ka ndzi nga tekeriwi nkarhi wolowo wa ku tidzunisa hi lexi ndzi nga na xona ematikweni ya Akaya.

1 Timotiya 5:13

Na swona leswi va lolohaka, va tolovela ku hungasela etindlwini hinkwato; kambe a va lolohi ntsena, va ni ku vulavula ngopfu, va tinghenisa etimhakeni leti nga riki ta vona, va vulavula leswi nga faneriki.

1 Timotiya 5:4

Kambe loko yi ri noni leyi nga ni vana, kumbe vatukulu, a va dyondze eku sunguleni ku hlayisa va yindlu ya vona, ni ku endlela vatswari va vona hilaha va nga endleriwa hakona, hikuva i xilo lexi amukelekaka emahlweni ka Xikwembu.

1 Timotiya 6:5

ni ku hambana etimhakeni ta vuhava ta vanhu lava nga ni ku anakanya loku boleke va lahlekeriwe hi ntiyiso va ringanisa leswaku vukhongeri byi hlola ku fuwa.

2 Timotiya 2:18

lava hambukeke eka ntiyiso, va ri ku pfuka ka vafi ku humelele khale, kutani va mbundzuxa ku pfumela ka van'wana.

2 Timotiya 3:6

Exikarhi ka vona ku ni van'wana lava tinghenisaka etindlwini va titekela mimoya ya vavasati lava tikeriweke hi swidyoho, lava fambisiwaka hi ku navela ka tinxakaxaka,

Tito 1:7

Hikuva swi fanele murisi leswaku a va munhu la nga riki na xisandzu, hikuva i mulaveleri wa Xikwembu; a nga tshuki a va la tirhandzaka, ni mukarihi, ni la pyopyiwaka hi vhinyo, ni la lavaka rifuwo hi ku dyelela;

Tito 1:9

la namarhelaka rito hilaha dyondzo yi kombaka hakona a ta lulamela ku khongotela hi dyondzo leyi hanyisaka, ni ku laya vakaneti.

Tito 3:10

Hambana ni munhu la dyondzisaka leswi hambanisaka loko u n'wi pfuxile kan'we kumbe kambirhi,