Timhaka 10:2 - Xitsonga (Bibele)

² a a ri munhu wa vukhongeri, la chavaka Xikwembu kun'we ni va yindlu ya yena hinkwavo; a a hanana ngopfu eka swisiwana swa tiko; a nga rhuteri ku khongela Xikwembu.

BIBELE Mahungu Lamanene

² a a ri munhu wa vukhongeri, a chava Xikwembu kun'we ni va yindlu ya yena hinkwavo; a a pfuna vanhu va tiko hi swihanano swo tala, a nga rhuteli ku khongela Xikwembu.

Testamente Leyimpsha Xichangana

² aali munhu wa vukhongeli, achava Xikwembu kun'we ni vamunti wa yena hinkwavu; aapfuna vanhu va tiko hi tinyiko letinyingi, angakarhali kukhongela Xikwembu.

Timhaka 10:2 Iomraidhean Croise

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

1 TIHOSI 8:43

Wena, yingisa u ri ematilweni, laha u akeke kona, u tirha, u nyika muluveri loyi, hinkwaswo leswi a nga ta swi kombela eka wena, leswaku matiko hinkwawo ya misava ma tiva vito ra wena, ma ku chava kukotisa tiko ra wena ra Israele, ma ta tiva leswaku vito ra wena ri khongeriwa eNdlwini leyi ndzi yi akeke.

2 TIKRONIKA 6:33

wena yingisa u ri ematilweni, laha u akeke kona, u tirha, u nyika muluveri loyi, hinkwaswo leswi a swi kombeleke eka wena, leswaku matiko hinkwawo ya misava ma tiva vito ra wena, ma ku chava kukotisa tiko ra wena ra Israele, ma ta tiva leswaku vito ra wena ri khongeriwa endlwini leyi ndzi yi akeke!

Ntirho 1:1

Munhu a a ri kona etikweni ra Usi, vito ra yena a a ri Yobo. A a ri munhu la fambaka hi ku tenga ni ku lulama; a chava Xikwembu, a tinga swo biha.

Ntirho 1:5

Kuteloko va hetile mikhuvo ya vona, Yobo a a va vitana ku ta va basisa, a pfuka nimixo, a tlhava magandzelo yo hisiwa lama ringanaka ntsengo wa vona hinkwavo, hikuva Yobo a a ku: “Kumbe vana va mina va dyohile; va rivele Xikwembu etimbilwini ta vona.” Yobo a a tshama a endlisa sweswo hi masiku hinkwawo.

Pisalema 102:15

Hi laha matiko hinkwawo ma nga ta chava vito ra Yehovha, Ni tihosi hinkwato ta misava ti chava ku kwetsima ka wena.

Pisalema 119:2

Ku katekile lava hlayisaka ku tsundzuxa ka yena, Lava n'wi lavaka hi timbilu hinkwato ta vona;

Pisalema 25:5

Ndzi fambise entiyisweni wa wena u ri karhi u ndzi dyondzisa; Hikuva hi wena Xikwembu xa ku hlayiseka ka mina; Hi masiku, ndzi ku tshembile.

Pisalema 41:1

Ku katekile loyi a anakanyaka xisiwana, Hi siku ra khombo, Yehovha u ta n'wi lwela.

Pisalema 55:17

Nimadyambu, nimixo, ninhlekanhi, ndza konya, ndzi ni mahika; Kambe u ta yingisa rito ra mina.

Pisalema 86:3

U ndzi twela vusiwana, oho Yehovha! Hikuva ndzi huwelela eka wena siku hinkwaro.

Pisalema 88:1

Oho Yehovha, Xikwembu xa ku hlayiseka ka mina! Ndzi huwelela eka wena nhlekanhi ni vusiku.

Eklesiasta 7:18

Swi sasekile loko u tamela lexi, na rona voko ra wena ri nga tshuki ri fularhela lexiya, hikuva la chavaka Xikwembu u huma emakhombyeni hinkwawo.

Esaya 59:19

Va ta chava vito ra Yehovha ku suka evupeladyambu, ni ku twala ka yena ku suka le vuxeni; loko nala a ta ta kukotisa nambu, moya wa Yehovha wu ta n'wi tsutsumisa.

Daniele 6:10

Kambe Daniele, loko a tiva leswaku nawu wolowo wu tsariwile, a tiyela endlwini ya yena; kutani mafasitere ya yindlu ya yena leyi nga ehenhla ma pfuleriwe hitlhelo ra Yerusalema, a khinsama hi matsolo kanharhu hi siku, a khongela a va a vonga Xikwembu xa yena, kukotisa leswi a tshamaka a endla eku sunguleni.

Daniele 6:16

Kutani hosi yi lerisa leswaku Daniele a tisiwa a hoxiwa ekheleni ra tinghala. Kutani hosi yi vulavula, yi ku eka Daniele: “Xikwembu xa wena lexi u xi tirhelaka hi ku tiyisela, a xi ve xona lexi ku lamulelaka.”

Daniele 6:20

Kuteloko yi fike ekheleni, yi vitana Daniele hi rito leri hlomukeke; kutani hosi yi vulavula, yi ku eka Daniele: “Daniele, nandza wa Xikwembu lexi hanyaka, Xikwembu xa wena lexi u xi tirhelaka hi ku tiyisela, xana xi kotile ku ku lamulela etinghaleni xana?”

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Matewu 25:17

Loyi ingi a nyikiwile titalenta timbirhi, a ya bindzula ha tona, kutani a kuma tin'wana timbirhi.

Luka 18:1

Naswona, Yesu a va byela xifaniso ku kombisa leswaku vanhu va fanele ku khongela hi mikarhi hinkwayo, va nga tshuki va karhala.

Luka 2:25

EYerusalema, a ku ri ni munhu la vuriwaka Simiyoni. Munhu loyi a a lulamile, a chava Xikwembu, a langutele ku chaveleriwa ka Israele. Moya lowo Kwetsima a wu ri eka yena.

Timhaka 10:22

Va ku: “Korneliyo ndhuna ya dzana, wanuna la lulameke, la chavaka Xikwembu, la dzunisiwaka hi tiko hinkwaro ra Vayuda, u lerisiwile hi ntsumi leyo kwetsima ya Xikwembu ku ku vitanela emutini wa yena, a ta yingisa leswi u nga ta n'wi byela swona.”

Timhaka 10:31

‘Korneliyo, mikhongelo ya wena yi yingisiwile, ni ku hanana ka wena ku fikile emahlweni ka Xikwembu xi va xitsundzuxo eka xona.

Timhaka 10:35

kambe exikarhi ka matiko hinkwawo, loyi a xi chavaka, a endla leswi lulameke, xa n'wi tsakela.

Timhaka 10:4

Yena loko a yi langutile, a tshuka hi ku chava, a ku: “Ku ni yini, Hosi?” Yi ku eka yena: “Mikhongelo ni ku hanana ka wena swi tlhandlukele emahlweni ka Xikwembu swi va switsundzuko eka xona.

Timhaka 10:7

Kuteloko ntsumi leyi vulavuleke na yena yi sukile, a vitana malandza mambirhi ya yena swin'we ni nhenha leyi chavaka Xikwembu eka lava tshamaka na yena;

Timhaka 11:14

hi yena la nga ta ku byela timhaka leti u nga ta ponisiwa ha tona, wena ni va yindlu ya wena hinkwavo.’

Timhaka 13:16

Kwalaho Pawulo a yima; kuteloko a va kwehletile hi voko leswaku va miyela, a ku: “Vavanuna va Israele na n'wina lava chavaka Xikwembu, yingisani.

Timhaka 13:26

“Vavanuna varikwerhu, va rixaka ra Abrahama, ni lava nga exikarhi ka n'wina lava chavaka Xikwembu, rito ra ku ponisa loku, ri rhumeriwile n'wina.

Timhaka 13:50

Kambe Vayuda va hlohlotela vavasati lava chaviwaka, lava gandzelaka Xikwembu, ni vakulukumba va muti, kutani va pfuxela Pawulo na Barnaba ku xaniseka, kutani va va hlongola etikweni ra vona.

Timhaka 18:8

Kambe Krispo, hosi ya sinagoga, ni va yindlu ya yena hinkwavo, va pfumela eka Hosi; ni Vakorinto lavo tala loko va twa Pawulo, va pfumela, na vona, va va va khuvuriwa.

Timhaka 2:5

Kambe a ku ri ni Vayuda lava akeke eYerusalema, lava chavaka Xikwembu, va huma ematikweni hinkwawo lama nga ehansi ka tilo.

Timhaka 22:12

“Kavaloko Ananiya, munhu la gandzelaka Xikwembu hi mukhuva wa nawu, la dzunisiwaka hi Vayuda hinkwavo lava akeke eDamaska, a ta eka mina,

Timhaka 8:2

Kutani vavanuna van'wana va vakhongeri, va lahla Stefano; va ba nkosi lowukulu ehenhla ka yena.

Timhaka 9:11

Hosi yi ku eka yena: “Suka u ya entsendzeleni lowu va nge wo Lulama, kutani u lava endlwini ya Yuda munhu la thyiweke Sawulo wa Tarso;

Timhaka 9:31

Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

Timhaka 9:36

Emutini wa Yopa, a ku ri ni wansati wa mudyondzisiwa, loyi va nge i Tabita (hileswaku Dorkasi, loko ku hlamuseriwa), a tele mitirho ya tintswalo, ni ya ku hanana.

Vakolosa 4:2

Tiyiselani emikhongelweni, mi hitekela kona hi ku khensa;

1 Vatesalonika 5:17

Mi nga rhuteli ku khongela.

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

Yoxuwa 24:15

Kambe loko swi bihile emahlweni ya n'wina ku tirhela Yehovha, hlawulani namuntlha loyi mi rhandzaka ku n'wi tirhela, hambi swikwembu leswi vatata wa n'wina va swi tirheleke ehase ka nambu, hambi swikwembu swa Vaamori, etikweni leri mi akeke eka rona. Loko ndzi ri mina ni yindlu ya mina, hi ta tirhela Yehovha.”

Nhlavutelo 15:4

I mani la nga taka a nga ku chavi, Hosi? I mani la nga taka a nga dzunisi vito ra wena xana? Hikuva hi wena ntsena la kwetsimeke; hikwalaho matiko hinkwawo ma ta ta, ma khinsama emahlweni ka wena, hikuva ku avanyisa ka wena ku hume erivaleni.”