Timhaka 1:6 - Xitsonga (Bibele)

⁶ Vona lava hlengeletaneke kona, va n'wi vutisa, va ku: “Hosi, xana u ta pfuxa enkarhini wolowo ku fuma ka Israele xana?”

BIBELE Mahungu Lamanene

⁶ Kutani loko va ha hlengeletanile va ri na Yesu, va n'wi vutisa va ku: “Hosi, xana hi wona nkarhi lowu u nga ta pfuxa mfumo wa Israele ke?”

Testamente Leyimpsha Xichangana

⁶ Kutani loko vaha hlengeletanile na vali na Yesu, vamuvutisa vaku: “Hosi, xana hi wona nkama lowu ungatapfuxa mfumu wa Israyele ke?”

Timhaka 1:6 Iomraidhean Croise

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Esaya 1:26

Ndzi ta ku tlherisela vaavanyisi lava fanaka ni va khale, ni vatsundzuxi lava fanaka ni lavo rhanga. Endzhaku ka swona, u ta thyiwa muti lowu lulameke, muti lowu tshembekaka.”

Yeremiya 33:26

na kona ndzi ta tshika vatukulu va Yakobo ni va Davhida, nandza wa mina ndzi nga ha tshuki ndzi teka evaneni va yena la nga ta fuma vatukulu va Abrahama, ni va Israele, ni va Yakobo; hikuva ndzi ta vuyisa vakhomiwa va vona, ndzi va tsetselela.”

Daniele 7:27

Kutani vuhosi, ni ku fuma, ni matimba ya ku fuma hinkwako loku nga ehansi ka matilo hinkwawo, swi ta nyikiwa tiko ra vahlawuriwa va Muungameri-la-tlakukeke; ku fuma ka yena i ku fuma loku nga heriki, kutani tihosi hinkwato ti ta n'wi tirhela, ti n'wi yingisa.’

Hosiya 3:4

Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.

Amosi 9:11

“Hi siku rero, ndzi ta pfuxa ntsonga wa Davhida lowu weke, ndzi siva timfa ta khumbi ra wona, laha ri mbundzukeke ndzi ta ri lunghisa, ndzi ta wu aka wu fana ni le mikarhini ya khale;

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Matewu 17:11

Yesu a va hlamula, a ku eka vona: “Kunene Eliya u fanele ku ta, ku ta tlherisela hinkwaswo eku lulameni.

Matewu 20:21

Yesu a ku eka yena: “U lava yini?” Yeloyi a ku eka yena: “A ndzi ku, vana va mina havambirhi a va tshamise eku fumeni ka wena, un'wana evokweni ra xinene, un'wana eka lera ximatsi.”

Matewu 24:3

Kuteloko a tshamile eNtshaveni ya Mitlhwari, vadyondzisiwa va yena va ta eka yena va ri swavo, va ku eka yena: “Hi byele nkarhi lowu swi nga ta humelela ha wona, ni lexi nga ta va xikombiso xa ku ta eka wena, ni xa ku hela ka misava.”

Marka 9:12

A va hlamula, a ku: “Kunene Eliya, siku a taka, u ta lulamisa hinkwaswo, kambe ku tsarisiwe ku yini ehenhla ka N'wana wa Munhu leswaku a fanele ku twisiwa ku vaviseka lokukulu, a va a soriwa-ke?

Luka 17:20

A vutisiwa hi Vafarisi leswaku ku fuma ka Xikwembu ku ta ta rini; kutani a va hlamula, a ku: “Ku fuma ka Xikwembu a ku ti hi ku twakala;

Luka 19:11

Kakuloko va ha yingisa timhaka teto, Yesu a engeta a va byela xifaniso, hikuva a a ri ekusuhi na Yerusalema, kutani va ringanisa leswaku ku fuma ka Xikwembu ku ta hatlisa ku humelela.

Luka 22:29

Na mina ndzi ta mi nyika ku fuma kukota Tatana a ndzi nyikeke kona.

Yohane 21:21

Kakuloko Petro a n'wi vona, a ku eka Yesu: “Hosi, ku ta va yini eka yeloyi xana?”