Swivuriso 4:4 - Xitsonga (Bibele)

⁴ Tatana a ndzi dyondzisa, a ku eka mina: “Mbilu ya wena a yi hlayise marito ya mina; U yingisa ku lerisa ka mina, u ta hanya.

BIBELE Mahungu Lamanene

⁴ tatana ú ndzi dyondzisile, a ku: “N'wananga, namarhela leswi ndzi ku byelaka swona, u hlayisa milawu ya mina embilwini ya wena, kutani u ta hanya.

Swivuriso 4:4 Iomraidhean Croise

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

Pisalema 119:11

Ndzi hlayisa rito ra wena embilwini ya mina, Leswaku ndzi nga ku dyoheli.

Pisalema 119:144

Ku lulama ka switsundzuxo swa wena hi loku nga heriki, Ndzi nyike ku twa swinene, ndzi ta hanya!

Pisalema 119:168

Ndzi ri karhi ndzi ya hi swileriso ni switsundzuxo swa wena, Hikuva mfambo wa mina hinkwawo wu le mahlweni ka wena.

Swivuriso 22:6

Dyondzisa jaha endleleni leyi a fanelaka ku famba ha yona; Ni loko a dyuhele a nga ka a nga hambuki.

Swivuriso 23:26

N'wananga, ndzi he mbilu ya wena, Mahlo ya wena a ma tsakisiwe hi ndlela ya mina.

Swivuriso 3:1

N'wananga, u nga rivali nawu wa mina, Mbilu ya wena a yi hlayise ku lerisa ka mina;

Swivuriso 3:2

Hikuva swi ta engetela masiku ya wena, Ni malembe ya ku hanya ka wena, ni ku rhula ka wena.

Swivuriso 7:2

U yingisa milawu ya mina, u ta hanya; Xiya dyondzo ya mina kukotisa swivono swa mahlo ya wena,

Esaya 55:3

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.

Yeremiya 38:20

Yeremiya a n'wi hlamula, a ku: “U nga ka u nga nyiketiwi, Kambe yingisela rito ra Yehovha leri ndzi ku byelaka rona: Swi ta saseka eka wena, kutani moya wa wena wu ta hanya;

Yohane 12:50

kambe ndza swi tiva leswaku nawu wa yena i vutomi lebyi nga heriki; kutani sweswi, leswi ndzi swi vulaka, ndzi swi vula hilaha Tatana a ndzi byeleke hakona.”

Vaefesa 6:4

Na n'wina vatatana, mi nga tshuki mi dyisa vana va n'wina mbitsi, kambe va kuriseni eku layeni ni le ku dyondziseni ka Hosi.

Duteronoma 4:9

“Ntsena tivonele, u hlayisa swinene moya wa wena, leswaku u nga tshuki u rivala swilo leswi mahlo ya wena ma swi voneke; swi nga tshuki swi huma embilwini ya wena, ni siku ni rin'we ra ku hanyaka wena; u swi dyondzisa vana va wena ni vatukulu va wena.

Duteronoma 6:6

Milawu leyi ndzi ku nyikaka namuntlha yi ta va embilwini ya wena.

2 Timotiya 1:5

ndzi anakanya ni ku pfumela loku baseke loku nga eka wena ni loku ngi ku akile khale eka Luwisa kokwa wa wena, ni ka Yunika mana wa wena; kutani ndzi tshemba ngopfu leswaku ku kona, ni ka wena.

2 Timotiya 3:15

ku suka evutsongwaneni bya wena, u tiva Matsalwa layo kwetsima, wona ma nga ku nyika vutlhari bya ku kuma ku hlayiseka hi ku pfumela eka Yesu Kriste.

Vaheveru 5:9

kutani, kuteloko a hetisekile, a va n'wini wa ku kutsula loku nga heriki, eka hinkwavo lava n'wi yingisaka;

Vaavanyisi 13:12

Manowaka a ku: “Kutaku lexi u xi vuleke loko xi endlakala, nawu lowu nga ta fuma n'wana ni ntirho wa yena wu ta va wihi xana?”