Swivuriso 4:18 - Xitsonga (Bibele)

¹⁸ Ndlela ya lavo lulama yi kotisa ku vonakala, Ku hatima ka kona ku engeteleka ku fikela nhlekanhi lowukulu.

BIBELE Mahungu Lamanene

¹⁸ Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Swivuriso 4:18 Iomraidhean Croise

2 SAMIELE 23:4

La fanaka ni vurhonga loko dyambu ri huma, Ninhlekanhi, loko mapapa ma nga ri kona, Ku vonakala ka yena ku mirisa byanyi bya misava endzhaku ka mpfula.”

Ntirho 11:17

Vutomi bya wena byi ta tlhavela byi tlula dyambu ra nhlekanhi, Loko wu ri munyama, wu ta fana ni loko wu ri mixo.

Ntirho 17:9

Hambiswiritano, lowo lulama u tiyisela endleleni ya yena, Ni lowa mavoko yo basa u engetela ku tiya mbilu.

Ntirho 23:10

Kasi xi tiva tindlela ta mina; Ni loko xi nga ndzi ringa, a ndzi ta huma ndzi basile kukota nsuku.

Pisalema 84:7

Loko va famba, va engeteriwa matimba, Va kondza va ya humelela emahlweni ka Xikwembu le Siyoni.

Pisalema 97:11

Ku vonakala ku byaleriwe la lulameke, Ni ku tsaka ku nyikiwa va timbilu to lulama.

Swivuriso 13:9

Ku vonakala ka lavo lulama i ku tsaka, Kambe rivoni ra lavo biha ra timeka.

Swivuriso 15:24

Eka munhu lonene, ndlela ya vutomi yi tlhandlukela ehenhla, Yi n'wi tingawukisa xivandla xa vafi ehansi.

Swivuriso 2:20

Hikwalaho, famba hi mitila ya lavanene, U tiyisela endleleni ya lavo lulama.

Swivuriso 2:9

Hi kona u nga ta tiva ku lulama ni mfanelo. Ni ku saseka, ni mikhuva hinkwayo ya leswinene.

Esaya 26:7

Ndlela ya la lulameke yi latekile; u khula swinenenene ndlela ya lulameke.

Daniele 12:3

Lavo tlhariha va ta vangama kukotisa ku vangama ka le matilweni, kutani lava dyondziseke lavo tala eku lulameni, va ta fana ni tinyeleti hi mikarhi ni mikarhi, hilaha ku nga heriki.

Hosiya 6:3

A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

Matewu 5:14

“Mi ku vonakala ka misava; muti lowu nga ehenhla ka ntshava a wu tumberi.

Matewu 5:16

Ku vonakala ka n'wina a ku voningise vanhu sweswo, va ta vona mitirho ya n'wina leyo saseka, va dzunisa Tata wa n'wina la nga etilweni.

Matewu 5:45

hileswaku mi hundzuka vana va Tata wa n'wina la nga ematilweni, hikuva u tsuvukisa dyambu ra yena ehenhla ka lavo biha ni lavo saseka, u nisa mpfula ehenhla ka lavo lulama ni lavo homboloka.

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

2 Vakorinto 3:18

Hina hinkwerhu lava hlalelaka hi xivonivoni ku kwetsima ka Hosi, hi mahlo lama nga sirheriwangiki, hi hundzukile xifaniso xi ri xin'we na yena, hi ku kwetsima loku yisaka eku kwetsimeni, ku nga hi Moya wa Hosi.

Vafilipiya 2:15

leswaku mi pfumala xisandzu ni xivati, mi va vana va Xikwembu lava nga solekiki exikarhi ka rixaka leri onhakeke, lero homboloka, rolero mi nga va ni ku vangama exikarhi ka rona, kukotisa mavoningo emisaveni, mi ri karhi mi tamela rito ra vutomi;

2 Petro 1:19

Kambe, na swona, hi ni timhaka ta vaprofeta leti tiyeke hi ku tlurisa, leti mi endlaka swona loko mi ti namarhela, kukotisa rivoni leri voningaka laha ku nga ni munyama, vurhonga byi kondza byi huma, kutani nyeleti ya mixo yi tsuvukela timbilu ta n'wina.

2 Petro 3:18

Kambe kulani etintswalweni, ni le ku tiveni ka Yesu Kriste, Hosi ni Muhlayisi wa hina. Ku kwetsima a ku ve eka yena sweswi, ni ku ya fika siku leri nga taka ri nga heri. Amen!

Nhlavutelo 21:23

Kutani muti a wu na ku voningiwa hi dyambu ni n'weti, hikuva wu voningiwa hi ku kwetsima ka Xikwembu, na xona Xinyimpfana i rivoningo ra wona.

Nhlavutelo 22:5

Kutani vusiku a byi nga ha vi kona, a va nga ha pfumari ku vonakala ka rivoni, hambi ku ri ku vonakala ka dyambu, hikuva Hosi Xikwembu xi ta va voningela, kutani va ta fuma hi masiku ni masiku.

Vaavanyisi 5:31

“Oho! Yehovha! Valala hinkwavo va wena a va lovisiwe sweswo! Loko, va ri lava ku rhandzaka, va ta fana ni dyambu, Loko ri tsuvuka ematimbeni ya rona.” Kutani tiko ri etlela hi malembe ya mune wa makume.