Swivuriso 3:9 - Xitsonga (Bibele)

⁹ Dzunisa Yehovha hi rifuwo ra wena, Ni swirhangana swa hinkwaswo leswi ku taleleke:

BIBELE Mahungu Lamanene

⁹ Nkhensa HOSI Xikwembu hi leswi u nga na swona, u xi humesela ni leswi u nga ta rhanga u swi tshovela emasin'wini hinkwawo ya wena,

Swivuriso 3:9 Iomraidhean Croise

Genesa 28:22

Kutani ribye leri ndzi ri yimiseke ndzi ri endla xitsundzuxo, yi ta va yindlu ya Xikwembu; kutani eka hinkwaswo leswi u nga ta ndzi nyika swona, ndzi ta ku humesela hakunene ku avanyisa ka vukhume.”

2 TIKRONIKA 31:10

Kutani Azariya, muprista lonkulu, wa yindlu ya Sadoki. A hlamula, a ku eka yena: “Ku suka enkarhini lowu va sunguleke ku tisa mihlengo endlwini ya Yehovha, hi dyile, hi xurhile, hi siyile leswo tala hikuva Yehovha u katekisile tiko ra yena; kutani leswi seleke, hi swona leswo tala leswi.”

2 TIKRONIKA 31:21

Etimhakeni hinkwato leti a ti endleke ta ntirho wa yindlu ya Xikwembu, ni ta nawu, ni ta ku lerisa, a swi endla hi mbilu hinkwayo ya yena, a ri karhi a lava Xikwembu xa yena, kutani a kateka.

Pisalema 144:13

Tingula ta hina ti tele swakudya swa tinxakaxaka. Tihomu ta hina ti andzile hi makume ya madzana, Ti dya emadyelweni ya hina hi madzana ya madzana.

Eksoda 22:29

“U nga tshuki u hlwela ku humesa nhlengo wa leswi teleke enguleni, ni wa leswi kamiweke etimbiteni. U ta ndzi nyika mativula ya vana va wena.

Eksoda 23:16

U ta hlayisa nkhuvo wa ku tshovela, wu nga wa swirhangana swa ntirho wa wena, leswi u swi byaleke emasin'wini. Va ta hlayisa ni nkhuvo wa ku hlengeleta, eku heleni ka lembe, loko u hlengeletile mitirho ya masimu ya wena.

Eksoda 23:19

“U ta tisa endlwini ya Yehovha Xikwembu xa wena, swirhangana swa mihandzu leyo sungula ya tiko ra wena. U nga tshuki u sweka ximbutana hi ntswamba wa mana wa xona.

Eksoda 34:26

“U ta tisa endlwini ya Yehovha Xikwembu xa wena, swirhangana swa ku sungula swa masimu ya wena. “U nga tshuki u sweka ximbutana hi ntswamba wa mana wa xona.”

Swivuriso 11:25

La hananaka u ta nona, La cheletaka u ta cheletiwa na yena.

Swivuriso 14:31

La xanisaka xisiwana u sandza muendli wa xona, Kambe la nga ni vunene eka xisiwana, wa n'wi dzunisa.

Esaya 43:23

A ku ndzi humeselangi tinyimpfu ta tiholokosta ta wena, a ku ndzi tlangelanga hi timhamba ta wena. A ndzi ku sindzisanga ku humesa mihlengo, a ndzi ku karhatelanga mirhi ya risuna.

Levhitika 19:25

Hi lembe ra vuntlhanu, mi ta dya mihandzu ya yona leswaku mirhi yi tshama yi mi vekela mihandzu: hi mina Yehovha, Xikwembu xa n'wina.

Tinhlayo 15:20

Mi ta pambula swinkwa, swi va swirhangana swa mbila ya n'wina; yi va mhamba leyi ndziwitiwaka, mi ta yi humesa kukota mhamba leyi ndziwitiwaka ya xivuya.

Matewu 25:17

Loyi ingi a nyikiwile titalenta timbirhi, a ya bindzula ha tona, kutani a kuma tin'wana timbirhi.

1 Vakorinto 16:2

Hi siku ro rhanga ra vhiki, un'wana ni un'wana wa n'wina a a tivekele hitlhelo, leswi a swi hlengeletaka, hilaha a swi nyikiweke hakona, ku nga languteriwi ku ta ka mina ku humesa mihlengo.

Duteronoma 14:29

Kutani Mulevhi u ta ta (hikuva a nga na ku averiwa ni ndzhaka na wena), ni muluveri, ni xisiwana ni wansati wa noni, lava nga emitini ya wena, va ta dya va xurha; hi kona Yehovha, Xikwembu xa wena a nga ta ku katekisa emitirhweni hinkwayo leyi u nga ta yi tirha hi mavoko ya wena.