Swivuriso 24:12 - Xitsonga (Bibele)

¹² Loko u ku: “A ndzi va tivanga!” La pimaka timbilu a nga swi voni xana? Loyi a xiyaka moya wa wena a nga swi tivi xana? A nga ka a nga hakeli munhu ha un'we hi ku ringanisa mitirho ya yena xana?

BIBELE Mahungu Lamanene

¹² Loko u ku: “Leswi, hina a hi nga swi tivi!” xana Loyi a vonaka swa le mbilwini, a nge swi kumi leswaku wa hemba xana? Loyi a hlayisaka vutomi bya wena, ú ta swi tiva, kutani ú ta avanyisa un'wana ni un'wana hi ku ya hi mintirho ya yena.

Swivuriso 24:12 Iomraidhean Croise

Ntirho 34:11

Hikuva u tlherisela eka munhu leswi ringanaka mitirho ya yena. U n'wi nyika ku ringana mikhuva ya yena.

Pisalema 121:3

A nga ka a nga pfumeri leswaku nenge wa wena wu rhetemuka, A nga khudziheri, muhlayisi wa wena!

Pisalema 121:8

Yehovha u ta ku sirhelela eku sukeni ni le ku fikeni ka wena, Ku sungula sweswi, ni ku fika ni makumu.

Pisalema 17:3

U kambile mbilu ya mina, u yi lavisise nivusiku; U ndzi ringile, kambe a ku kumanga nchumu: Ku anakanya ka mina a ku tluli rito ra mina.

Pisalema 44:21

Xana Xikwembu ingi xi nga swi tivanga, Leswi xi tivaka leswi fihliweke etimbilwini xana?

Pisalema 62:12

Ni tintswalo ti na wena, Hosi; Hikuva u tlherisela un'wana ni un'wana hi ku ringana ka mitirho ya yena.

Pisalema 66:9

Xi hanyisile mimoya ya hina, A xi pfumelanga leswaku milenge ya hina yi khunguvanyeka.

Pisalema 7:9

Herisa lunya ra lavo homboloka, Kambe u tiyisa la lulameke, Wena la kambaka timbilu ni swisuti, oho Xikwembu xo lulama!

Pisalema 94:9

La nga mirisa ndleve, a nga ka a nga twi xana? La nga vumba tihlo, a nga ka a nga voni xana?

Swivuriso 12:14

Hi ta nomu wa yena, munhu u ta xurha vunene, Leswi mavoko ya munhu ma swi tirhaka swi ta tlheriseriwa eka yena.

Swivuriso 16:2

Mikhuva hinkwayo ya munhu yi lulamile emahlweni ka yena, Kambe Yehovha u pima mimoya.

Swivuriso 21:2

Tindlela hinkwato ta munhu ti lulamile emahlweni ya yena, Kambe Yehovha hi yena la pimaka timbilu.

Swivuriso 5:21

Hikuva mafambele ya munhu ma le mahlweni ka Yehovha. Hi yena la tivaka mitila ya yena hinkwayo.

Swivuriso 5:22

Muxisi u ta phasiwa hi ku biha ka yena, U ta bohiwa hi mapindza ya ku dyoha ka yena.

Eklesiasta 5:8

Loko u nga vona etikweni rin'wana xisiwana xi xanisiwa, ni ku lulama ni ku avanyisa loko swi hombolokisiwa, u nga tshuki u hlamala ha swona, hikuva la tlakukeke ehenhla ka un'wana la tlakukeke u kona la langutelaka, ni Muungameri u kona la nga ehenhla ka vona.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Yeremiya 32:19

U nkulukumba emakungwini, u ni matimba eku endleni; mahlo ya wena ma languta mikhuva hinkwayo ya vana va vanhu ku tlherisela eka un'wana ni un'wana hi mikhuva ya yena, mihandzu ya ku endla ka yena.

Swirilo 3:36

Loko va tlherisa munhu enandzwini wa yena, Xana Hosi a nga swi voni xana?

Daniele 5:23

Kambe u tikurisile emahlweni ka Hosi ya matilo; ku tisiwile emahlweni ka wena mindzheko ya yindlu ya yena; kutani wena, ni tindhuna ta wena, ni vasati va wena, ni swigangu swa wena, mi nwile vhinyo emindzekweni yoleyo, kutani u dzunisile swikwembu swa silivhere, ni swa nsuku, ni swa koporo, ni swa nsimbhi ni swa mitsandze, ni swa maribye, leswi nga riki na ku vona, ni ku yingisa, ni ku tiva; kasi Xikwembu lexi nga fumbarhela ku hefemula ka wena, ni mitila hinkwayo ya wena evokweni ra xona, a ku xi dzunisanga.

Matewu 16:27

Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

Timhaka 17:28

hikuva eka yena hi ni vutomi, ni ku fambafamba, ni ku hanya; kukotisa loko vabumabumeri van'wana va n'wina va nga vula, va ku: ‘Hi rixaka ra xona kunene.’

Varhoma 2:16

swi ta humelela hi siku leri Xikwembu xi nga ta avanyisa leswi fihliweke swa vanhu ha Yesu Kriste, hilaha Evhangeli ya mina yi vulaka hakona.

Varhoma 2:6

loko xi rihisela un'wana ni un'wana hi mitirho ya yena.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Nhlavutelo 1:18

ni Loyi a hanyaka; a ndzi file, kutani sweswi, ndza hanya hi masiku ni masiku; ndzi ni mimpfungura ya xivandla xa vafi ni ya rifu.

Nhlavutelo 2:18

“Tsalela ni ntsumi ya kereke ya Tiyatira, u ku: “ ‘Hi leti vuriwaka hi N'wana wa Xikwembu loyi mahlo ya yena ma fanaka ni langavi ra ndzilo, ni milenge ya yena yi kotisaka koporo leyi vangamaka.

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

Nhlavutelo 22:12

“Vonani, ndzi hatlisa ndzi ta, ndzi tamela hakelo ya mina, ndzi ta hakela un'wana ni un'wana hi leswi ringanaka ku tirha ka yena.

1 SAMIELE 16:7

Kambe Yehovha a ku eka Samiele: “U nga languti nghohe ya yena, hambi xi ri xiyimo xa yena, hikuva ndzi n'wi cukumetile; Yehovha a nga languti leswi langutiwaka hi vanhu, hikuva vanhu va languta nghohe, kambe Yehovha u languta mbilu.”

1 SAMIELE 2:3

Mi nga ha tarisi marito ya n'wina ya ku tikurisa; Ku tikukumuxa ku nga ha humi emilon'wini ya n'wina; Hikuva Yehovha i Xikwembu lexi nga ni vutivi, Hi yena la ringanisaka maendlelo ya vanhu.

1 SAMIELE 2:6

I Yehovha la lovisaka ni la hanyisaka, Wa xikisa vanhu exivandleni xa vafi, kutani a va humesa kona. I Yehovha la endlisaka vusiwana ni ku fuwisa,

1 SAMIELE 25:29

Loko munhu a pfuka ku ku landzela ni ku lava vutomi bya wena, vutomi bya hosi yanga byi ta hlayiseka eka Yehovha, Xikwembu xa wena, enyandzeni ya vahanyi; loko byi ri vutomi bya valala va wena, u ta byi cukumeta ekule hi xipelupelu.