Swivuriso 23:9 - Xitsonga (Bibele)

⁹ U nga tshuki u vulavula etindleveni ta xihunguki, Hikuva xi ta sola ku tlhariha ka timhaka ta wena.

BIBELE Mahungu Lamanene

⁹ U nga tikarhateli ku dyondzisa xiphunta, hikuva miehleketo ya wena leyinene, xi nge yi amukeli.

Swivuriso 23:9 Iomraidhean Croise

Swivuriso 1:7

Ku chava Yehovha, i masungulo ya vutivi hinkwabyo; Kambe lavo rivala va tsan'wa vutlhari ni dyondzo.

Swivuriso 14:7

Hambana ni xihunguki, Hikuva a ku na vutivi emilon'wini ya xona.

Esaya 36:21

Kutani va miyela, va nga hlamuri rito ni rin'we, hikuva hosi a yi lerisile, yi ku: “Mi nga tshuki mi n'wi hlamula.”

Matewu 7:6

“Mi nga tshuki mi hoxela timbyana swilo leswi hlawuriweke, na kona mi nga tshuki mi cukumeta tidayimani ta n'wina emahlweni ka tinguluve, swi nga ri leswaku ti nga ti kandziyela hi milenge, ti hundzukela eka n'wina, ti mi kawutlula hi meno.

Luka 16:14

Vafarisi lava nga ni makwanga, a va yingisa timhaka teto hinkwato, kutani va n'wi tsan'wa.

Yohane 10:20

Kutani lavo tala eka vona a va ku: “U ni demona, u hungukile, mi n'wi yingisela yini-ke?”

Yohane 8:52

Kutani Vayuda va ku eka yena: “Sweswi, ha swi tiva leswaku u ni rihuhu; Abrahama u file, na vona vaprofeta; kutani wena u ri: ‘Loko munhu a hlayisa rito ra mina, a nga ka a nga twi rifu ni siku ni rin'we.’

Yohane 9:40

Vafarisi van'wana lava ngi va ri na yena kwalaho, kakuloko va twa mhaka leyi, va ku eka yena: “Na hina hi file mahlo xana?”

Timhaka 17:18

Kambe tintlhari tin'wana ta dyondzo ya Epikuro ni ya Switoyika, va hlamulana na yena; kutani van'wana va ku: “Xana xivulavuri lexi, xi ri yini?” Van'wana va ku: “Wa ngi i mufundhisi wa swikwembu swin'wana,” hikuva a a va byela ta Yesu ni ta ku pfuka ka vafi.

Timhaka 17:32

Kambe loko va twa mhaka ya ku pfuka ka vafi, van'wana va hleka van'wana va ku: “Ha ha ta tlhela hi ku yingisa kambe emhakeni leyi.”