Swivuriso 23:7 - Xitsonga (Bibele)

⁷ Hikuva hilaha xi anakanyaka embilwini ya xona, Xi tano, xi ta ku eka wena: “Dyana, u nwa!” Kambe mbilu ya xona a yi kona eka wena;

BIBELE Mahungu Lamanene

⁷ hikuva ú pimile embilwini leswi a lavaka leswaku u dya swona; hi nomo, wa vula a ku: “Dyana, u tlhela u nwa!” kambe a nga ku tsakeli.

Swivuriso 23:7 Iomraidhean Croise

Pisalema 12:2

Va hembelana ku yenga ku le milon'wini ya vona, Va vulavula, va ni timbilu timbirhi.

Pisalema 55:21

Nomu wa yena wu tlula phehlwa hi ku nandziha; Kambe ku lwa ku kona embilwini ya yena; Marito ya yena ma tlula mafurha hi ku olova, Kambe i mabanga lama hlomuriweke.

Swivuriso 19:22

Lexi sasaka munhu i vunene bya yena; Munhu wa xisiwana u tlula lowa vunwa.

Swivuriso 26:23

Milomu leyo nandziha ni mbilu yo biha, Yi kotisa mabuwu ya silivhere lama namekiweke ehenhla ka mbita ya vumba.

Swivuriso 26:24

La vengaka u kanganyisa hi milomu ya yena, Embilwini u kanela ku dyelela;

Swivuriso 26:25

Loko a vulavula hi vunene, u nga kholwi ha yena, Hikuva manyala ya ntlhanu na mambirhi ma le mbilwini ya yena.

Daniele 11:27

Tihosi letimbirhi ti ta ehleketa ku onha etimbilwini ta tona, kutani etafuleni ri ri rin'we va ta vulavula swin'we hi mavunwa. Kambe leswo swi nga ka swi nga tiyi, hikuva vuheriso byi ta fika hi nkarhi lowu hlawuriweke ntsena.

Luka 7:39

Mufarisi la nga n'wi vita, kakuloko a vona sweswo, a ehleketa embilwini ya yena, a ku: “Munhu loyi, loko ngi a ri muprofeta, ingi a tivile nsati loyi a n'wi khumbaka, leswaku i mani, ni leswaku i munhu wihi, hikuva i xidyohi.”

Vaavanyisi 16:15

Delila a ku eka yena: “U vurisa ku yini leswaku wa ndzi rhandza, kasi mbilu ya wena a yi ka mina? Vona u ndzi vungunyile kanharhu, kambe a ku si ndzi byela laha matimba ya wena lamakulu ma humaka kona.”