Swivuriso 20:3 - Xitsonga (Bibele)

³ Ku tshika mitengo i ku tidzunisa ka munhu, Kambe xihunguki xin'wana ni xin'wana xi tinyiketa vukari.

BIBELE Mahungu Lamanene

³ Munhu la tikhomaka loko va n'wi pfuka, wa xiximiwa, swiphukuphuku swona swi tshamela ku lwisa van'wana.

Swivuriso 20:3 Iomraidhean Croise

Genesa 13:7

Kutani ku humelela mholovo exikarhi ka varisi va mitlhambi ya Abrama ni varisi va mitlhambi ya Lota (kasi Vakanana ni Vaperesi a va ri vaaki va tiko enkarhini wolowo).

Genesa 13:8

Kutani Abrama a byela Lota, a ku: “Ku nga tshuki ku humelela dzolonga exikarhi ka mina na wena, ni le xikarhi ka varisi va mina ni varisi va wena, hikuva hi vana va tata un'we.

2 TIHOSI 14:9

Yowasi, hosi ya Israele, a rhuma eka Amasiya hosi ya Yuda, a ku: “Mutwa lowu nga eLebanoni wu rhumile eka murhi wa kedari lowu nga eLebanoni, wu ku: ‘Nyika n'wana wa mina, n'wana wa wena a va nsati wa yena.’ Kambe swiharhi swa nhova leswi nga eLebanoni, swi hundza, swi kandziyela mutwa.

Swivuriso 14:17

Munhu la angwetlaka ku kariha u endla swo hunguka, Wa timhaka ta lunya wa vengiwa.

Swivuriso 14:29

La hlwelaka ku kariha u ni ku anakanya lokukulu, Kambe wa mbilu ya tihanyi, u tshovela vuhunguki.

Swivuriso 16:32

La hlwelaka ku kariha u tlula nhenha, Ni la hlulaka mbilu ya yena u tlula la tekaka miti.

Swivuriso 17:14

Ku sungula ku hambana, i ku boxa ka ndhambi; Hikwalaho, loko mholovo yi nga si sungula, suka.

Swivuriso 18:6

Nomu wa xihunguki wu n'wi nghenisa etimholoveni, Kutani ririmi ra yena ri n'wi rhambela nhonga.

Swivuriso 19:11

Munhu wa vutlhari u hlwela ku kariha, Ku twala ka yena i ku yingisela ku dyoheriwa.

Swivuriso 21:24

Musandzi i vito ra munhu la tikukumuxaka ni wa manyunyu; U endla hinkwaswo hi ku kariha ni ku tikurisa.

Swivuriso 26:17

Muhundzi wa ndlela la nghenaka etimholoveni ta van'wanana hi ku leva, U khoma mbyana hi tindleve.

Vaefesa 4:32

kambe mi yingiselana mi tsetselelana, mi rivalelana, kukotisa leswi Xikwembu, na xona, xi mi rivaleleke ha Kriste.

Yakobo 3:14

Kambe loko mi chivirikela ku biha, kutani ku tengisana ku ri kona etimbilwini ta n'wina, mi nga tshuki mi tidzunisa, ni ku hemba hi ku dyohela leswinene.

Yakobo 4:1

Ku lwa ku huma kwihi exikarhi ka n'wina, ni ku hambana ku huma kwihi xana? Xana a ku humi eku naveleni ka n'wina loku lwaka eswirhweni swa n'wina?