Swivuriso 19:2 - Xitsonga (Bibele)

² Ku hiseka loku nga riki na ku tiva, a ku sasekanga, Ni la angwetlisaka mikondzo ya yena u wela exidyohweni.

BIBELE Mahungu Lamanene

² Ku gingirika, munhu a nga ri na vutivi, a swi pfuni nchumu, ku tsutsuma, swi tlula hi ku famba khwatsi.

Swivuriso 19:2 Iomraidhean Croise

2 TIHOSI 4:39

Un'wana wa vona a huma a ya emasin'wini ku ya kha matsavu. Kutani a kuma vhinya ya nhova, a kha kona marhakarhaka ya nhova, a tata nguvu ya yena. Kuteloko a vuyile, a ma tsemelela embiteni ya matsavu, hikuva a va nga ma tivi.

Ntirho 31:5

“Loko ndzi tshama ndzi famba hi vunwa, Ni loko nenge wa mina wu hatlisile ku kanganyisa,

Swivuriso 1:16

Hikuva milenge ya vona yi tsutsumela eku biheni, Va hatlisa ku halata ngati.

Swivuriso 10:21

Milomu ya la lulameke yi hanyisa lavo tala, Kasi swihunguki swi lova hi ku pfumala mano.

Swivuriso 14:29

La hlwelaka ku kariha u ni ku anakanya lokukulu, Kambe wa mbilu ya tihanyi, u tshovela vuhunguki.

Swivuriso 21:5

Makungu ya la gingiritekaka ma yisa endzalweni, Kambe xihatli xi ta wela endlaleni.

Swivuriso 25:8

U nga hatlisi ku ya eku tengeni, U nga ti tshuka u nga tivi lexi u nga ta hlamula xona makumu, Loko u kanetiwa hi warikwenu.

Swivuriso 28:20

Munhu la tshembekaka u fuwile mikateko, Kambe la navelaka ku fuwa hi ku hatlisa, a nga ka a nga pfumali nandzu.

Swivuriso 28:22

Munhu wa tihlo lero biha, u tsutsumela rifuwo, Kasi a nga tivi leswaku ndlala yi ta n'wi wela ehenhla.

Swivuriso 29:20

U tsundzukile xihatli xana? Xihunguki xi nga tshembeka ku tlula xona.

Eklesiasta 12:9

Mudyondzisi a va a tlharihile; a engeta kambe a dyondzisa tiko ku tlhariha, kutani a vutisisa, a lavisisa a lunghisa marito layo tala ya vutlhari.

Eklesiasta 7:9

U nga tshuki u hatlisa ku kariha embilwini ya wena, hikuva vukari byi salela exifuveni xa xihunguki.

Esaya 27:11

Loko marhavi ma omile va ma tshova; vavasati va ta ma tshivela, hikuva i tiko leri nga tlharihangiki; hikwalaho muvumbi wa rona a nga ri tweli vusiwana.

Esaya 28:16

Hikwalaho Hosi Yehovha u vurisile, a ku: “Vonani, ndzi veke Siyoni ribye ra masungulo, leri ringiweke, ra le yinhleni, ra risima, leri tiyisiweke. La tiseketelaka eka rona a nga ka a nga hatlisi ku chava.

Hosiya 4:6

Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Yohane 16:3

Va ta mi endla hinkwaswo leswi, hikuva a va tivi Tatana na mina.

Varhoma 10:2

Hikuva ndzi mbhoni ya vona, ndzi ri: Va hisekela Xikwembu, kambe ku nga ri hi ku tiva;

Vafilipiya 1:9

Kutani lexi ndzi xi kombelaka hi ku khongela, hileswaku rirhandzu ra n'wina ri engeteleka hi masiku hi ku tiva ni miehleketo hinkwayo,