Swivuriso 19:12 - Xitsonga (Bibele)

¹² Ku kariha ka hosi ku fana ni ku dzuma ka nghala, Kambe rirhandzu ra yena ri fana ni mberha ebyanyini.

BIBELE Mahungu Lamanene

¹² Loko hosi yi karihile, yi fana ni nghala leyi bongaka, kasi ku tsakeriwa hi yona, swi fana ni mberha ebyanyini.

Swivuriso 19:12 Iomraidhean Croise

Genesa 27:28

Xikwembu a xi ku nyike swa mberha ya tilo, ni swa mafurha ya misava, ni ndzalo ya vuswa, ni vhinyo.

2 SAMIELE 23:4

La fanaka ni vurhonga loko dyambu ri huma, Ninhlekanhi, loko mapapa ma nga ri kona, Ku vonakala ka yena ku mirisa byanyi bya misava endzhaku ka mpfula.”

Estere 1:12

Kambe nkosikazi Vhasiti a ala ku ta hi nomu wa hosi lowu yisiweke eka yena hi tindhuna; hosi yi kariha ngopfu ha swona, kutani vukari bya yena byi pfurha endzeni ka yena.

Estere 7:8

Hosi yi vuya hi le ntangeni wa yindlu ya vuhosi, yi vuyela endlwini, laha ingi ku nwiwa vhinyo. Kasi Hamani a tiwisele exilawini lexi Estere a nga eka xona. Hosi yi ku: “Xana hileswaku, u pfukela nkosikazi matimba emahlweni ka mina endlwini ya mina?” Mhaka yoleyo ya ku ya ha huma enon'wini wa hosi, ku funengetiwa nghohe ya Hamani.

Pisalema 133:3

Ku fana ni mberha ya Hermoni, Leyi welaka etintshaveni ta Siyoni; Hikuva hi kona Yehovha a leriselaka mikateko. Ni vutomi, hi laha ku nga heriki.

Pisalema 72:6

Yi ta fana ni mpfula loko yi na emadyelweni, Yi kotisa mberha leyinene leyi tsakamisaka misava.

Swivuriso 20:2

Vukari bya hosi byi kotisa ku dzumadzuma ka nghala, La yi karihelaka u dyohela moya wa yena.

Swivuriso 28:15

Hosi ya mona leyi fumaka tiko ra vapfumari, I nghala leyi dzumadzumaka, ni bere leyi nga ni ndlala.

Eklesiasta 8:4

Hikuva rito ra hosi ri ni matimba, kutani i mani la nga ta ku eka yena: ‘U endla yini?’

Esaya 18:4

Hikuva Yehovha u ndzi byerile, a ku: “Ndzi ta miyela, ndzi languta ndzi ri le ndlwini ya mina, tanihi mumu lowu nandzihaka loko dyambu ri xile, tanihi hunguva ya mberha enkarhini wa ximumu loko ku tshoveriwa.”

Daniele 5:19

Kutani hikwalaho ka vukulukumba lebyo ngi xi n'wi nyikile byona, vanhu va tinxaka hinkwato, ni va matiko hinkwawo, ni va tindzimi hinkwato, a va ri ni ku chava, va rhurhumela emahlweni ka yena; a tshama a dlaya loyi a rhandzaka ku n'wi dlaya, a hanyisa loyi a rhandzaka ku n'wi hanyisa, a tlakusa loyi a rhandzaka ku n'wi tlakusa, a tsongahata loyi a rhandzaka ku n'wi tsongahata.

Daniele 6:24

Kutani hi ku lerisa ka hosi, ku tisiwa vavanuna valavo lava hehleke Daniele, va hoxiwa ekheleni ra tinghala vona, ni vana va vona, ni vasati va vona; kutani va nga si fika ehansi ekheleni, tinghala ti hatlisa ti va khoma, ti tshova marhambu hinkwawo ya vona.

Hosiya 14:5

Ndzi ta fana ni mberha eka Israele; u ta baleka ku fana ni khon'wa, a mila timitsu kukotisa Lebanoni.

Mikiya 5:7

Lava seleke va ka Yakobo va ta va exikarhi ka matiko lamanyingi kukotisa mberha leyi humaka eka Yehovha, ni mathonsi lama nga ehenhla ka byanyi; lama nga languteleki ku lerisa ka munhu, hambi ku ri ku fumiwa hi vana va vanhu.

Duteronoma 33:28

Israele u akile hi ku rhula, Xihlovo xa Yakobo xi pfelela Etikweni ra koro ni ra vhinyo; Kunene tilo ra yena ri tshona mberha.