Swivuriso 15:8 - Xitsonga (Bibele)

⁸ Magandzelo ya lavo biha i manyala eka Yehovha, Kambe u tsakisiwa hi xikhongelo xa vanhu vo lulama.

BIBELE Mahungu Lamanene

⁸ Magandzelo ya munhu wo homboloka, HOSI Xikwembu xa ma nyenya, kambe xi tsakela xikhongelo xa munhu wo lulama.

Swivuriso 15:8 Iomraidhean Croise

2 SAMIELE 15:12

Kakuloko Abixalomu a humesa magandzelo, a rhuma vanhu va ya lava Ahitofele, wa le Gilo: ndhuna ya Davhida, a a ri emutini wa rikwavo eGilo; kutani makungu ya lava yimeleke Abixalomu ma tiya, ni vanhu lava n'wi landzaka va engeteleka.

1 TIHOSI 3:10

Rito leri, ri tsakisa Hosi, hikuva Solomoni a a komberile swona.

1 TIKRONIKA 29:17

Oho! Xikwembu xanga! Ndzi tiva leswaku u kamba mbilu, ni leswaku! U tsakela ku lulama; loko ndzi ri mina, ndzi humesile swilo leswi hinkwaswo hi ku lulama ka mbilu yanga, kutani sweswi, tiko ra wena leri nga kwala, ndzi ri vonile hi ku tsaka loko ri ku humesela mihlengo ya rona.

Pisalema 141:2

Xikhongelo xa mina a xi tlhandlukele eka wena tani hi mirhi ya risuna, Ni ku tlakuka ka mavoko ya mina a ku fane ni gandzelo ra madyambu!

Pisalema 17:1

Yehovha! Yingisa ku lulama, u yingisela ku huwelela ka mina; U ndzi twa loko ndzi khongela hi nomu lowu nga riki na ku xisa!

Swivuriso 10:24

Lexi lowo biha a xi chavaka, hi xona lexi nga ta n'wi wela ehenhla: Kambe lavo lulama va nyikiwa ku navela ka vona.

Swivuriso 15:29

Yehovha u tshama ekule ni lavo biha, Kambe u yingisa mikhongelo ya lavo lulama.

Swivuriso 15:7

Milomu ya lavo tlhariha yi hlwanya vutivi, Kambe mbilu ya lavo hunguka a yi lulamanga.

Swivuriso 21:27

Magandzelo ya lavo biha i manyala, Ngopfu loko va gandzela hi makungu layo biha.

Swivuriso 21:3

Ku endla leswinene ni leswo lulama, Swi tsakisa Yehovha ku tlula magandzelo.

Swivuriso 28:9

La pfalaka tindleve leswaku a nga twi milawu, Xikhongelo xa yena i manyala.

Eklesiasta 5:1

Xiyisisa milenge ya wena, loko u nghena endlwini ya Xikwembu, u tshinelela ku yingisa timhaka, ku nga ri ku humesa gandzelo ra swiphukuphuku hikuva a swi tivi leswaku swi endla swo biha.

Risimu ra Tinsimu 2:14

Tuva ra mina, leri nga emipatseni ya maribye, Ni le mabakweni ya mawa, ndzi kombise mombo wa wena, a ndzi twe rito ra wena; Hikuva ra nandziha rito ra wena, ni mombo wa wena wu sasekile.

Esaya 61:8

“Hikuva mina, Yehovha, ndzi rhandza ku lulama, ndzi venga ku phanga loku endliwaka hi ku xisa; ndzi ta va nyika hi ku tshembeka hakelo ya vona, kutani ndzi ta endla na vona ntwanano lowu nga heriki.

Esaya 66:3

La tlhavaka homu, a kotisa loyi a dlayaka munhu, la gandzelaka hi nyimpfu, a kotisa loyi a tlhavaka mbyana; la humesaka nhlengo, a kotisa la humesaka ngati ya nguluve, la hisaka mirhi ya risuna, a fana ni la katekisaka swifaniso swa swikwembu. Valavo hinkwavo va titsakela etindleleni ta vona, kutani moya wa vona wu tsakela manyala ya vona.

Yeremiya 6:20

Mirhi ya risuna leyi humaka eXeba yi nga va yini ka mina ni rihlanga leri nun'hwelaka ra matiko ya le kule, ndzi nga ri endla yini? Tiholokosta ta n'wina a ti ndzi tsakisi, ni magandzelo ya n'wina a ma ndzi nandziheri.”

Daniele 9:23

Kuteloko wa ha ku sungula ku khongela, rito ri humelele, leri ndzi teleke ku ta ku tivisa rona, hikuva u ri la rhandziwaka. Yingisa rito swinene, u xiyaxiya xivono.

Levhitika 7:18

Kungakuloko va dya nyama ya gandzelo ra ku khensa hi siku ra vunharhu, la ri humeseke a nga ka a nga amukeriwi, ri nga ka ri nga hlayeriwi yena; xi ta va xilo lexi yilaka; la nga ta dya xona u ta rhwala nandzu wa yena.

Mikiya 6:6

Ndzi ta hlanganisa Yehovha ha yini ndzi va ndzi korhama exivandleni lexi tlakukeke xa Xikwembu? Xana ndzi ta n'wi hlanganisa hi magandzelo lama hisiwaka, ni marhole ya lembe rin'we?

Mikiya 6:7

Xana Yehovha u ta tsakisiwa hi makhuna ya makume ya madzana, ni madzana ya madzana ya milambu ya mafurha? Xana ndzi ta humesa n'wana wa mina wa mativula ematshan'weni ya ku homboloka ka mina ni loyi a humeke ekhwirini ra mina hikwalaho ka xidyoho xa moya wa mina?

Hagayi 2:14

Hilaha Hagayi a hlamulaka, a ku: “Swi tano ni vanhu lava, swi tano ni rixaka leri emahlweni ka mina, ku vula Yehovha, swi tano ni ntirho hinkwawo wa mavoko ya vona, ni leswi va swi tisaka kwala: Swi ni thyaka.

Malakiya 1:10

“I mani exikarhi ka n'wina la nga ta pfala tinyangwa, leswaku mi nga ha tshuki mi tshivela ndzilo wa alitari ya mina ha nchumu? A ndzi tsakisiwi ha n'wina, ku vula Yehovha wa mavandla, ndzi nga ka ndzi nga amukeri gandzelo leri tisiwaka hi mavoko ya n'wina.

Yohane 4:24

Xikwembu i Moya, lava xi gandzelaka va fanele ku xi gandzela hi moya ni ntiyiso.”