Swivuriso 15:5 - Xitsonga (Bibele)

⁵ Xihunguki xi monya dyondzo ya tata wa xona, Kambe la yingiselaka ku layiwa wa tlhariha.

BIBELE Mahungu Lamanene

⁵ Xiphukuphuku xi sandza swiletelo swa tata wa xona, kambe loyi a pfulekeke miehleketo, ú pfumela ku tshinyiwa.

Swivuriso 15:5 Iomraidhean Croise

1 TIKRONIKA 28:20

Davhida a engeta a ku eka Solomoni, n'wana wa yena: “Tiya mbilu u tiya, u endla hakona! U nga chavi, u nga heli mbilu, hikuva Yehovha, Xikwembu, Xikwembu xa mina, u ta va na wena, a nga ka a nga ku tshiki, a nga ka a nga ku rivali, mitirho hinkwayo ya ntirho wa yindlu ya Yehovha yi ko yi hela.

1 TIKRONIKA 28:9

Na wena, Solomoni, n'wananga, tiva Xikwembu xa tata wa wena, u xi tirhela hi mbilu leyi tengeke ni ku tsaka ka moya; hikuva Yehovha a kamba timbilu hinkwato, kutani a tivisisa makungu hinkwawo ya ku anakanya. Kungakuloko u n'wi lavisisa, u ta n'wi kuma; kambe loko u n'wi tshika, u ta ku cukumeta hilaha ku nga heriki.

Pisalema 141:5

La lulameke! Loko a ndzi ba, ti ta va tintswalo; Loko a ndzi laya, ma ta va mafurha enhlokweni ya mina; Nhloko ya mina a yi nga ma ali; Hikuva ndzi ta va ndzi khongela emaxangwini ya vona.

Swivuriso 1:23

Hundzukani hi ku tshinya ka mina! Maswivo, ndzi ta mi chelela moya wa mina, Ndzi mi dyondzisa timhaka ta mina.

Swivuriso 1:7

Ku chava Yehovha, i masungulo ya vutivi hinkwabyo; Kambe lavo rivala va tsan'wa vutlhari ni dyondzo.

Swivuriso 10:1

N'wana la tlhariheke u tsakisa tata wa yena, Kambe n'wana wo hunguka i nhlomulo eka mana wa yena.

Swivuriso 13:1

N'wana wo tlhariha u yingisela tidyondzo ta tata wa yena, Kambe musandzi a nga yingisi ku layiwa.

Swivuriso 13:18

Vusiwana ni tingana i swa la alaka ku layiwa, Kambe la amukelaka ku tshinyiwa u ta dzunisiwa.

Swivuriso 15:4

Nomu wa ku olova i murhi wa vutomi, Loko wu ri wo homboloka wu soholota moya.

Swivuriso 15:6

Endlwini ya la lulameke ku ni xuma lexo tala, Kambe rifuwo ra lowo biha i ku kanakana.

Swivuriso 19:20

Yingisela ku byeriwa, u amukela ku laya, U ta tlhariha mundzuku.

Swivuriso 25:12

Eka tindleve ta munhu loyi a yingisaka, la layaka hi ku twisisa U kotisa senga ra nsuku ni harhi ya nsuku lowunene.

Swivuriso 6:23

Hikuva xitsundzuxo i rivoningo, ni dyondzo i ku vonakala, Ku tshinya ka ku laya i ndlela ya vutomi:

Tito 1:13

Loko a va vula sweswo, u vule swinene. Hikwalaho u va tshinya hi matimba, leswaku va pfumala xisandzu eku pfumeleni ka vona;

Tito 2:15

Vula timhaka leti, u khongotela, u tshinya hi matimba hinkwawo; munhu a nga tshuki a ku sandza.