Swirilo 4:9 - Xitsonga (Bibele)

⁹ Ku katekile lava dlayiweke hi tlhari, Ku tlula lava nga dlayiwa hi ndlala; Vona va wile va hele matimba Hi ku pfumala leswi vekiwaka hi nsimu.

BIBELE Mahungu Lamanene

⁹ Lava dlayiweke hi tlhari, va katekile ku tlula lava dlayiweke hi ndlala, va nga lava sikeke va ondza hi ku pfumaleka ka swakudya.

Swirilo 4:9 Iomraidhean Croise

2 TIHOSI 25:3

Hi siku ra ntlhanu na mune ra n'hweti, ndlala a yi ri kona emutini, vanhu va tiko a va pfumala swakudya.

Eksoda 16:3

Vana va Israele va ku: “Nge hi dlayiwe hi voko ra Yehovha etikweni ra Egipta, hi ri karhi hi titshamele xikarhi ka timbita ta nyama, hi dya ni vuswa, hi xurha. Hikuva mi hi humesile hi fika la mananga leswaku mi dlaya tiko leri hinkwaro hi ndlala.”

Esaya 22:2

wena muti wa huwa, wa dzolonga, muti lowu titsakelaka? Kasi lava feke va wena a va tlhaviwanga hi fumu, a va fanga enyimpini!

Yeremiya 16:4

“Va ta fa hi rifu lero biha, va nga ka va nga rileriwi, ni ku yimberiwa va nga ka va nga yimberiwi; kutani va ta va vulongo ehenhla ka misava. Va ta dlawa hi fumu ni ndlala, kambe mitsumbu ya vona yi ta dyiwa hi tinyanyana ta le henhla, ni swivandzana swa misava.”

Ezekiele 24:23

Mi ta tshama mi bohile duku etinhlokweni ta n'wina, mi vehele tintanghu ta n'wina emilengeni; mi nga ka mi nga rili, ni loko ku ri ku kolola; kambe mi ta tsundzuka swidyoho swa n'wina, mi rila un'wana eka un'wana.

Ezekiele 33:10

“Wena n'wana wa munhu, u nge eka va yindlu ya Israele: Mi vulavula, mi ku: ‘Hakunene swionho swa hina ni swidyoho swa hina swi le henhla ka hina, kutani ha ondza hikwalaho ka swona, hi nga hanyisa ku yini xana?’

Ezekiele 4:16

Kutani a ku: “N'wana wa munhu, ndzi ta susa timbuva ta vuswa emutini wa Yerusalema, va ta dya vuswa hi mpimo, va ri karhi va hlunama; va ta nwa mati hi mpimo, va ri karhi va tshuka.

Ezekiele 7:15

“Ehandle ku ni fumu, emutini ku ni ntungu ni ndlala. La nga emasin'wini u ta dlawa hi fumu, la nga emutini u ta lovisiwa hi ntungu ni ndlala.

Levhitika 26:39

Lava nga ta sala exikarhi ka n'wina, va ta tshwa hikwalaho ka ku dyoha ka vona etikweni ra valala va n'wina; va ta tshwa ni hikwalaho ka ku dyoha ka vatata wa vona, loku nga eka vona.

Duteronoma 28:51

va ta dya marhole ya swifuwo swa wena, ni mihandzu ya misava ya wena, u ko u herisiwa; va nga ka va nga ku siyeli nchumu, hambi yi ri koro, ni vhinyo, ni mafurha, ni marhole ya tihomu ta wena, ni swinyimpfana swa tinyimpfu ta wena, va kondza va ku herisa.