Swirilo 4:22 - Xitsonga (Bibele)

²² Nandzu wa wena wu hetisiwile, nhwanyana wa Siyoni; A ku nga ha vi na loyi a ku yisaka evukhumbini. Ku ta lavisisiwa ku homboloka ka wena, nhwanyana wa Edomu, Yehovha u ta funungula swidyoho swa wena.

BIBELE Mahungu Lamanene

²² N'wina va le Siyoni, ku biwa ka n'wina ku herile, HOSI Xikwembu a xi nga ha mi yisi evukhumbini. Kasi n'wina va le Edomu, xa ha ta mi bela swidyoho swa n'wina, xi humesela milandzu ya n'wina erivaleni.

Swirilo 4:22 Iomraidhean Croise

Pisalema 137:7

Yehovha, anakanya vana va Edomu, Hi laha va nga te hi siku ra khombo ra Yerusalema: “Hlanhlani, hlanhlani ku ya fika emasungulweni ya wona!”

Esaya 40:2

Vulavulani swa mbilu ya Yerusalema, mi n'wi tivisa leswaku vukhumbi bya yena byi herile, ni leswaku ku dyoha ka yena ku rivaleriwile, kambe u rihiwile kambirhi hi voko ra Yehovha swidyoho swa yena hinkwaswo!

Esaya 52:1

Pfuka, pfuka, ambala matimba ya wena, Siyoni! Ambala tinguvu ta nkhuvo, Yerusalema, muti lowu hlawuriweke! Hikuva sweswi, khuna ni munhu wa thyaka va nga ka va nga ha ngheni eka wena.

Esaya 60:18

“Ku nga ka ku nga ha vuriwi ta tihanyi etikweni ra wena, hambi ti ri ta ku onhaka ni ku lova emindzilekaneni ya wena; u ta thya rirhangu ra wena ‘ku hlayiseka’, ni tinyangwa ta wena ‘ku tlangela’.

Yeremiya 32:40

Ndzi ta endla ntwanano lowu nga heriki na vona, leswaku ndzi nga ka ndzi nga va fularheli, ndzi ta va endla swinene, ndzi veka xichavo xa mina etimbilwini ta vona, va nga ha ndzi fularheli.

Yeremiya 33:7

ndzi vuyisa va Yuda lava khomiweke, ni va Israele lava khomiweke, ndzi tlhela ndzi va akisa kukotisa emikarhini ya khale.

Yeremiya 33:8

Ndzi ta va basisa eku hombolokeni hinkwako ka vona loku va ndzi dyoheleke hakona, ndzi va tshikela swidyoho hinkwaswo leswi va ndzi dyoheleke ha swona, leswi va nga ndzi pfukela ha swona.

Yeremiya 49:10

Kambe mina ndzi hluvurile Esawu, ndzi hahlule vuchavelo bya yena, kutani a ku nga ha tumbeleki; rixaka ra yena ri onhiwile, ni vamakwavo, ni lava akeke na yena; a ka ha salangi munhu.

Yeremiya 50:20

Emikarhini yoleyo, ni le nguveni yeleyo, ku vula Yehovha, ku ta laviwa ku homboloka ka Israele, kambe a ku nga ha vi kona, ni swidyoho swa Yuda kutani a swi nga ha kumiwi, hikuva ndzi ta khomela lava ndzi va siyeke.

Swirilo 4:21

Tsaka, u tsakisisa, nhwanyana wa Edomu, La akeke etikweni ra Usi! Xinwelo xi ta fika ni le ka wena; Na wena u ta pyopya, u va u hluvula tinguvu.

Swirilo 4:6

Ku biwa ka nhwanyana wa tiko ra mina Ingi kukulu ku tlula ka Sodoma, La nga wisiwa hi nkarhinyana, Ku nga ri na mavoko lama rhumeriweke kona.

Ezekiele 37:28

Hilaha matiko ma nga ta tiva leswaku hi mina Yehovha la kwetsimisaka Israele loko vukwetsimelo bya mina byi ta va kona exikarhi ka vona hilaha ku nga heriki.”

Ezekiele 6:12

La nga ta va ekule u ta fa hi ntungu, la nga ta va ekusuhi u ta wisiwa hi fumu, la nga ta sala u ta lovisiwa hi ndlala. Hi mukhuva lowo ndzi ta hetisa ehenhla ka vona vukari bya mina.

Obadiya 1:10

Hikwalaho ka ku biha koloko u ku endleke eka makwenu Yakobo, u ta funengetiwa hi tingana, u lovisiwa makumu, hilaha ku nga heriki.

Malakiya 1:3

A ndzi ku: “Esawu a a ri makwa Yakobo!” ku vula Yehovha: “kutani, ndzi rhandze Yakobo, kasi Esawu, yena, ndzi n'wi vengile; ndzi onhe tintshava ta yena, ni ndzhaka ya yena ndzi yi nyike timhungubye ta mananga.”

Malakiya 1:4

Ni loko Edomu a nga ku: “Hi herisiwile; kambe hi ta tlhela hi pfuxa marhumbi.” Yehovha wa mavandla u ri: “Va ta aka, kambe mina ndzi ta mbundzuxa, kutani va ta vuriwa tiko ra ku biha, ni vanhu volavo Yehovha a va karihelaka hi masiku.”