Swirilo 4:17 - Xitsonga (Bibele)

¹⁷ Ni namuntlha mahlo ya hina ma hela Hi ku langutela ku pfuniwa ka hina ka hava; Eku languteleni ka hina, a hi langutela hi ku tshemba Eka tiko leri nga riki na ku hi ponisa.

BIBELE Mahungu Lamanene

¹⁷ Mahlo ya hina ma tshamela ku fehla hi ku langutela ku pfuniwa, kambe mupfuni ku hava! Hi tshamile eswihondzweni swa varindzi, hi ri karhi hi langutela ku ponisiwa hi tiko leri nga pfuniki nchumu.

Swirilo 4:17 Iomraidhean Croise

2 TIHOSI 24:7

Hosi ya Egipta a ya ha engetanga yi huma etikweni ra yona, hikuva hosi ya Babilona a yi tekile hinkwaswo leswi ngi swi ri swa hosi ya Egipta, ku suka exinambyaneni xa Egipta ku fika enambyeni wa Yufrata.

Esaya 20:5

“Kutani va ta rhurhumela, va tshutshala hikwalaho ka Etiyopiya loyi va n'wi tshembeke, ni hikwalaho ka Egipta loyi va tidzuniseke ha yena;

Esaya 28:18

Ntwanano wa n'wina ni rifu wu ta endliwa swahava, ni ku hlangana ka n'wina ni sirha ku nga ka ku nga yimi khombo leri taka tanihi ndhambi loko ri fika ri ta mi vutla;

Yeremiya 2:18

Kutani sweswi u fambela yini hi ndlela ya Egipta, ku ya nwa mati ya Nilo? U fambela yini hi ndlela ya Asiriya, ku nwa mati ya nambu?

Yeremiya 2:36

U phikelela hikwalaho ka yini ku hambuka ndlela ya wena? U ta khomisiwa tingana hi Egipta, kukota loko wa ha khomisiwile tingana i Vaaxuru.

Yeremiya 2:37

Na swona u ta huma kona, u rhwele mavoko ya wena enhlokweni, hikuva Yehovha u sandza lava u va tshembeke, kambe u nga ka u nga kumi ku tsaka eka vona.”

Yeremiya 8:20

“Ku tshovela ku hundzile, ku hundzile ni hlovo kutani hina a hi ponisiwanga.”

Swirilo 1:19

“Ndzi vitanile varhandziwa va mina, hi vona lava nga ndzi yenga; Vaprista va mina ni vakulu va mina va lovile emutini, Loko va lava swakudya leswi nga pfuxaka mimoya ya vona.

Swirilo 1:7

Emasikwini ya mahlomulo ni ya ku onhaka ka yena, Yerusalema, u tsundzuka swilo swa yena hinkwaswo leswi rhandzekaka, leswi ngi a ri na swona emikarhini yo rhanga. U swi tsundzuka sweswi loko tiko ra yena ri wele emavokweni ya valala, Ku nga ri na loyi a n'wi pfunaka; Valala va n'wi vona, kutani va hlekela ku onhaka ka yena.

Swirilo 5:6

Hi tshambulute mavoko eka Vaegipta ni ka Vaaxuru Ku xurha hi vuswa.

Ezekiele 29:16

A va nga ha tshembiwi hi va yindlu ya Israele; va tsundzuxa ku biha ka yona ka siku ingi va hundzukele eka vona; kambe va ta swi tiva leswaku hi mina Hosi Yehovha.”