Swirilo 3:57 - Xitsonga (Bibele)

⁵⁷ U ndzi tshinelele ekusuhi siku leri ndzi nga huwelela eka wena, U ku: ‘U nga tshuki u chava.’

BIBELE Mahungu Lamanene

⁵⁷ Siku ndzi ku vitaneke, u tile kusuhi na mina, u ku: ‘U nga chavi!’

Swirilo 3:57 Iomraidhean Croise

Genesa 26:24

Yehovha a tikombisa eka yena hi vusiku byebyo, a ku eka yena: “Hi mina Xikwembu xa Abrahama, tata wa wena, u nga chavi nchumu, hikuva ndzi na wena, ndzi ta ku katekisa, ndzi andzisa vatukulu va wena hikwalaho ka Abrahama, nandza wa mina.”

2 TIHOSI 19:6

Kutani Esaya a ku eka vona: “Mi ta vurisa sweswo eka hosi ya n'wina, mi ku: ‘Yehovha u vurisile sweswo, a ku: “U nga chavi hikwalaho ka marito lawa u ma yingiseke, lawa malandza ya hosi ya Asiriya ma ndzi sandzeke ha wona.

Pisalema 138:3

Siku leri ndzi nga rila ka wena, u ndzi twile, U ndzi tiyisile, matimba ma nghene emoyeni wa mina.

Pisalema 145:18

Yehovha u le kusuhi ni hinkwavo lava n'wi khongelaka, Ni ka hinkwavo lava n'wi khongelaka hi timbilu.

Pisalema 69:18

Tshinelela moya wa mina, u wu kutsula, Ndzi ponise hikwalaho ka valala va mina.

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Esaya 58:9

U ta vitana, kutani Yehovha u ta hlamula; u ta huwelela, kutani u ta ku: ‘Hi mina loyi!’ Loko u susa mpingu hi le xikarhi ka wena, loko u tshika ku sandza ni ku lumbeta,

Yeremiya 1:17

Wena-ke, tibohe xisuti, u yima, u va byela hinkwaswo leswi ndzi nga ta ku lerisa swona; u nga chavi emahlweni ka vona, ndzi nga ti tshuka ndzi ku chavisa emahlweni ka vona.

Timhaka 18:9

Kutani Hosi yi humelela eka Pawulo nivusiku, yi ku eka yena: “U nga chavi; kambe vulavula, u nga miyeri,

Timhaka 27:24

yi ku: ‘Pawulo, u nga tshuki u chava, hikuva u fanele ku ya humelela emahlweni ka Khezari kutani waswivo, Xikwembu xi ku nyikile hinkwavo lava u endzaka na vona engalaveni.’

Vaheveru 7:19

hikuva nawu a wu hetisangi nchumu; kasi ku nghenile ku tshemba loku wu tlurisaka, loku hi tshinelelaka Xikwembu hakona.

Yakobo 4:8

Tshinelelani Xikwembu, kutani xi ta mi tshinelela. Hlambani mandla, n'wina vadyohi; na n'wina va timbilu timbirhi hlantswani timbilu ta n'wina.

Nhlavutelo 1:17

Kuteloko ndzi n'wi vonile, ndzi wela emilengeni ya yena wongi hi loko ndzi file, kutani a veka voko ra yena ra xinene ehenhla ka mina, a ku: “U nga chavi, ndzi Lowo rhanga ni Lowa makumu,

Nhlavutelo 2:10

U nga chavi nchumu eka leswi u nga ta xanisiwa ha swona. Vona, Diyavulosi u ta nghenisa van'wana va n'wina ekhotsweni leswaku mi ringiwa kutani mi ta va ni nhlomulo wa masiku ya khume. U va u tshembeka ku yisa eku feni, kutani ndzi ta ku nyika harhi ya vutomi.