Swirilo 3:39 - Xitsonga (Bibele)

³⁹ Xana munhu la hanyaka a nga tivilerisa hi yini-ke? Munhu un'wana ni un'wana a a tivilerise hi swidyoho swa yena.

BIBELE Mahungu Lamanene

³⁹ Xana munhu ú vilelela yini loko a beriwa swidyoho swa yena, kambe a nga tekeriwanga vutomi xana?

Swirilo 3:39 Iomraidhean Croise

2 TIHOSI 3:13

Elixa a ku eka hosi ya Israele: “Ndzi ni mhaka yihi na wena-ke? Yana eka vaprofeta va tata wa wena, ni le ka vaprofeta va mana wa wena!” Hosi ya Israele yi ku eka yena: “E-e, hikuva Yehovha u vitanile tihosi letinharhu ku ti nyiketa emavokweni ya Mowabu.”

2 TIHOSI 6:32

Elixa a a tshamile endlwini ya yena kutani vakulukumba va tshamisile na yena; kavaloko hosi yi rhuma nandza un'wana eka yena. Loko ntsumi yi nga si fika eka yena, Elixa a ku eka vakulukumba: “Vonani, n'wana wa mudlayi loyi, u rhumile munhu ku ndzi tsema nhloko! Vonani! Loko ntsumi yi fika, pfalani nyangwa, mi n'wi susumeta hi rivanti: xana a mi twi swigingi swa hosi ya yena leyi n'wi landzaka?”

2 TIHOSI 6:33

Kakuloko a ha vulavula na vona, ntsumi yi ngirimela eka yena, yi ku: “Waswivo, khombo leri, ri huma eka Yehovha; xana ndza ha langutela yini eka Yehovha?”

Ezra 9:13

“Loko ku ri laha hi nga humelela hi leswo tala, hikwalaho ka ku endla ka hina ka ku biha, ni milandzu leyikulu ya hina (kasi wena Xikwembu xa hina, u hi tsetselele, a ku hi banga hi ku biwa loku ringanaka ni makhombo ya hina, u tlhele u hi hlayisela masalela layonghasi);

Ntirho 11:6

Ku ku boxela xihundla xa vutlhari bya xona lebyi enteke, Ku tlula ku twisisa ka wena, U ta swi vona leswaku Xikwembu xi rivele vukulu bya xidyoho xa wena.

Ntirho 15:13

Loko u pfukela Xikwembu vurhenha, Ni loko nomu wa wena wu humesile marito layo nghasi.

Pisalema 107:17

Swihunguki a swi hlomurisiwa Hi tindlela ta swona leto biha ni ku homboloka ka swona;

Swivuriso 19:3

Vuhunguki bya munhu byi n'wi hambukisa ndlela, Mbilu ya yena yi hlunamela Yehovha.

Esaya 51:20

Vana va wena a va ri na gome va wile emahlanganweni ya mitsendzele hinkwayo tanihi mhalamhala exirimbaneni va pyopyiwile hi vukari bya Yehovha, ni ku wumeta ka Xikwembu xa wena.

Yeremiya 10:19

Yo! Yowee! Ndzi tshovekile! Mbanga ya mina ya pandza! Kambe ndzi ri: “Hakunene, hi rona khombo ra mina, swi ndzi fanele ku swi yingisela.”

Yeremiya 30:15

“U rilela yini hikwalaho ka mbanga ya wena? Mbanga ya wena a yi nga holi. Ndzi ku endlele sweswo hikwalaho ka ku tala ka ku homboloka ka wena, hikuva swidyoho swa wena swi tele.

Swirilo 3:22

I tintswalo ta Yehovha leti ti endleke leswaku hi nga tshuki hi lova, Hikuva tintswalo ta yena a ti si hela;

Levhitika 26:41

(kambe na mina ndzi lwile na vona, kutani ndzi va nghenisile etikweni ra valala va vona); kutakuloko timbilu ta vona leta ku ka ti nga yimbanga ti titsongahata, ni loko va amukela ku biwa ka milandzu ya vona,

Levhitika 26:43

kambe tiko ri ta sala ntsena vona va nga ri kona, kutani ri ta titsakela eTisavateni ta rona, hi nkarhi lowu ri nga ta tshama ntsena va nga ri kona, kutani va ta amukela ku biwa ka milandzu ya vona, hikuva va sandzile ku lerisa ka mina ni mimoya ya vona yi vengile milawu ya mina.

Mikiya 7:9

Ndzi ta rhwala ku kariha ka Yehovha, hikuva ndzi n'wi dyoherile, leswaku a ta ndzi pfuna emitengweni ya mina, kutani a ndzi avanyisela. U ta ndzi humesela eku vonakaleni, kutani ndzi ta hlalela ku lulama ka yena.

Tinhlayo 11:11

Kutani Muxe a ku eka Yehovha: “U vavisela yini nandza wa wena, a ku ndzi twelanga vusiwana ha yini, leswi u ndzi tikeriseke hi ndzhwalo wa tiko leri hinkwaro?

Tinhlayo 16:41

Siku leri tlhandlamaka, nhlengeletano hinkwayo ya vana va Israele yi dzumadzumela Muxe na Aroni, yi ku: “Hi n'wina lava mi dlayaka tiko ra Yehovha.”

Tinhlayo 17:12

Kavaloko vana va Israele va ku eka Muxe: “Waswivo, hi file, hi lovile, hi lovile hinkwerhu!

Nhlavutelo 16:9

Kutani vanhu va hisiwa hi mumu lowukulu kutani va sandza vito ra Xikwembu lexi nga ni matimba ehenhla ka makhombo walawo; kambe a va hundzukanga leswaku va xi dzunisa.