Swirilo 2:4 - Xitsonga (Bibele)

⁴ U kungile vurha bya yena kukotisa nala, A yima a tshambuluta voko ra yena lera xinene tanihi nhenha, Kutani a dlaya hinkwaswo leswi rhandzekaka loko swi voniwa; Entsongeni wa nhwanyana wa Siyoni, u chulurile vukari bya yena kukotisa ndzilo.

BIBELE Mahungu Lamanene

⁴ Ú kongile vurha bya yena kukota nala, a khoma nseve hi voko ra yena ra xinene. Ú lwile na hina, a dlaya hinkwaswo leswi a swi hi tsakisa; ehenhla ka Tempele ya le Yerusalema, ú chulurile vukari bya yena tanihi ndzilo.

Swirilo 2:4 Iomraidhean Croise

2 TIKRONIKA 34:21

“Fambani, mi ya ndzi vutisela Yehovha, ni lava seleke va Israele ni va Yuda, emhakeni ya marito ya buku leyi va yi kumeke, hikuva vukari bya Yehovha lebyi a hi karihelaka ha byona byikulu, hikuva vatata wa hina a va hlayisangi rito ra Yehovha ku endla hinkwaswo hilaha ku tsariweke hakona ebukwini leyi.”

2 TIKRONIKA 34:25

Hikuva va ndzi tshikile va hisele swikwembu swin'wana mirhi ya risuna, va ta ndzi pfuka hi mitirho hinkwayo ya mavoko ya vona; hikwalaho vukari bya mina byi pfurhela ndhawu leyi, byi nga ka byi nga timeki.”

Ntirho 19:11

Vukari bya yena byi pfurhile ehenhla ka mina. U ndzi languta kukota nala wa yena;

Ntirho 6:4

Miseve ya lowa matimba yi ndzi tlhavile, Mbilu ya mina yi nwile vuxungu bya yona; Michavo ya Xikwembu yi sisimukile ku ndzi lwisa.

Pisalema 37:14

Lavo homboloka va hlomula tlhari, va konga vurha, Ku wisa ehansi la nga enhlomulweni ni xisiwana, Ni ku dlaya lava fambaka hi ndlela ya ku lulama.

Pisalema 7:13

Xi n'wi copa hi miseve leyi dlayaka, Hi miseve leyi a yi pfurhisaka.

Esaya 42:25

Hikwalaho u cheletile Israele hi ku pfurha ka vukari bya yena, ni ku leva ka mivango. Mivango yi pfurhile, yi n'wi rhendzele hinkwako, kambe a nga swi twanga, yi n'wi lovisile kutani a nga swi hlayisanga.

Esaya 63:10

Kambe vona va tiarisile, kutani va vavisile moya wa yena lowo kwetsima; kutani yena u hundzuke nala wa vona, a va a lwa na vona.

Esaya 63:6

Ndzi pyanyaterile matiko evukarini bya mina, ndzi va pyopyisile eku kariheni ka mina, ndzi halatile ngati ya vona emisaveni.”

Yeremiya 10:20

Tende ra mina ri onhakile, ni tingoti ta mina hinkwato ti tsemekile; vana va mina va ndzi tshikile, kutani a va ha ri kona; a ka ha ri na loyi a nga yimisaka tende ra mina, ni loko ku ri ku pfuxa mitsonga ya mina.

Yeremiya 21:12

n'wina yindlu ya Davhida! Yehovha u ri: “Avanyisani hi ku lulama ka ha ri mixo; mi lamulela xisiwana emavokweni ya loyi a n'wi xanisaka, leswaku vukari bya mina byi nga pfurhi kukotisa ndzilo, kutani wu hisa ku nga ri na loyi a wu timhaka hikwalaho ka vumbabva bya ku endla ka n'wina.” ’

Yeremiya 21:5

Kutani mina hi xiviri, ndzi ta lwa na n'wina hi voko leri tlakukeke, ni voko ro nonon'hwa, hi ku hlunama, ni ku kariha, ni ku leva lokukulukumba.

Yeremiya 30:14

Varhandziwa va wena hinkwavo va ku rivele; a va ha vuri nchumu ha wena hikuva ndzi ku tlhavile swa nga i nala, ni ku holoveriwa loku nonon'hwaka, hikwalaho ka ku tala ka ku homboloka ka wena, hikuva swidyoho swa wena swi tele ngopfu.

Yeremiya 36:7

Kumbe va ta veka xikhongelo xa vona emahlweni ka Yehovha, va hundzuka un'wana ni un'wana emikhuveni ya yena leyo biha, hikuva ku kariha ku kurile, na kona ku leva kukulu loku Yehovha a ku vuleke ehenhla ka tiko leri.”

Yeremiya 4:4

Yimbelani Yehovha, kutani mi yimbisa timbilu ta n'wina, n'wina vanhu va Yuda, na n'wina lava akeke eYerusalema, swi nga ri leswaku ku kariha ka mina ku nga humi kukotisa ndzilo, kutani ka mi hisa, ku nga timiwi, hikwalaho ka ku biha ka timbilu ta n'wina.

Yeremiya 42:18

Hikuva, ku vula Yehovha wa mavandla, Xikwembu xa Israele, a ku: Kukotisa loko ndzi chulurile vukari bya mina, ni ku leva ka mina, ehenhla ka vaaki va Yerusalema, ndzi ta chulula ku leva ka mina ehenhla ka n'wina loko mi yile eEgipta, mi ta endliwa xisandzu, ni ku chaviwa, ni ndzhukano ni ku sandziwa kutani mi nga ka mi nga tlheli mi vona xivandla lexi.

Yeremiya 7:20

Hikwalaho, ku vula Hosi Yehovha: Langutani, vukari bya mina ni ku holova ka mina ku ta halatiwa endhawini leyi ehenhla ka vanhu, ni tihomu, ni mirhi ya tiko, ni mihandzu ya misava; kambe ka ha ta hisa, ku nga ka ku nga timiwi.”

Swirilo 1:13

“U rhumerile ndzilo a ri ehenhla emarhambyini ya mina, kutani u ma hetile; U rhiyile vurimba emilengeni ya mina, U ndzi tlherisele endzhaku, A ndzi nyiketa eku onhakeni leswaku ndzi fa hi masiku.

Swirilo 2:5

Hosi yi hundzukile yi kotisa nala, yi mitile Israele; Yi mbundzuxe tindlu hinkwato ta yena ta vuhosi, Yi herise makhokholo ya yena, Kutani yi andzisele nhwanyana wa Yuda tingana ni mahlomulo.

Swirilo 3:3

Kunene u yimile emahlweni ka mina, A ndzi hundzuluxela voko ra yena siku hinkwaro.

Swirilo 4:1

Xana nsuku wu hundzukisile ku yini ntima? Nsuku lowu nga ringiwa endzilweni wu hundzukisile mavala hi yini? Maribye ya vukwetsimelo ma hangalasile ku yini Emitsendzeleni hinkwayo xana?

Swirilo 4:11

Yehovha u hetisile vukari bya yena; U halatile vukari lebyi pfurhaka bya yena. Kutani u tshiverile ndzilo eSiyoni, Lowu nga dya masungulo ya yena.

Ezekiele 13:13

“Hikwalaho, ku vula Hosi Yehovha: Hi vukari bya mina ndzi ta pfuxa xidzedze; hi vukari bya mina ku ta na mpfula leyikulu, ndzi ta nisa xihangu xo mbundzuxa.

Ezekiele 20:34

Ndzi ta mi humesa evanhwini, kutani ndzi ta mi hlengeleta ematikweni lawa mi hangalasiweke ka wona, hi xandla lexi nga ni matimba, ni voko leri tshalambutiweke, ni vukari lebyi chuluriweke.

Ezekiele 22:22

Kukotisa leswi silivhere yi n'okisiwaka efulweni, na n'wina mi ta n'okisiwa exikarhi ka wona, mi ta swi tiva leswaku hi mina Yehovha ndzi cheleke vukari bya mina ehenhla ka n'wina.”

Ezekiele 24:25

“Loko u ri wena, n'wana wa munhu, kutakuloko ndzi suse matimba ya vona exikarhi ka vona, ku nga ku tsaka ka vutikukumuxo bya vona, ni ku navela ka mahlo ya vona, ni ku anakanya ka mimoya ya vona, va ri vana va vona va xinuna ni vanhwanyana va vona,

Ezekiele 36:18

Kutani ndzi chulurile henhla ka vona vukari bya mina hikwalaho ka ngati leyi va nga yi halata etikweni, ni swifaniso leswi va ri nyamiseke ha swona.

Ezekiele 5:13

“Vukari bya mina byi ta va pfurhela hi ku hetiseka. Ndzi ta tirihisela, va ta tiva leswaku mina Yehovha, ndzi Xikwembu lexi nga ni rilondzo, loko ndzi va ndzi hetisela vukari bya mina ehenhla ka vona.

Ezekiele 6:12

La nga ta va ekule u ta fa hi ntungu, la nga ta va ekusuhi u ta wisiwa hi fumu, la nga ta sala u ta lovisiwa hi ndlala. Hi mukhuva lowo ndzi ta hetisa ehenhla ka vona vukari bya mina.

Ezekiele 7:14

Va tlhavile mukhosi, va lunghisile hinkwaswo, kambe a ku na loyi a humaka nyimpi, hikuva vukari bya mina byi le henhla ka vunyingi hinkwabyo bya vona.

Levhitika 26:17

Ndzi ta mi languta hi vukari; mi ta tlhaviwa hi valala va n'wina; lava mi vengaka va ta mi fuma, kutani mi ta baleka mi nga hlongorisiwi hi munhu.

Nahume 1:2

Yehovha i Xikwembu lexa rilondzo, xi rihisaka; Yehovha wa rihisela, u tele vukari; Yehovha u tirihisela eka lava n'wi lwisaka, vukari bya yena u byi hlayisela lava nga valala eka yena.

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Duteronoma 32:22

Hikuva ndzilo wa vukari bya mina wu tshiveriwile, Wu ta pfurha ku fikela endhawini ya lava feke, Wu ta hisa misava ni mihandzu ya yona, Wu hisa ni masungulo ya tintshava.

1 SAMIELE 28:16

Samiele a ku: “U ndzi vutisela yini leswi Yehovha a ku sukeleke a hundzuke nala wa wena?