Swirilo 2:21 - Xitsonga (Bibele)

²¹ Lavantshwa ni lava kuleke va latene ehansi etimbaleni, Vanhwana ni majaha va mina va wele ehansi hi fumu; Kunene u dlele siku ra vukari bya wena, U dlayile, kutani a wu vanga u tsetselela.

BIBELE Mahungu Lamanene

²¹ Swihlangi ni vanhu lavakulu va lo n'wálálálá, entshurini wa magondzo; majaha ni vanhwana wa mina Yerusalema, va dlawe hi tlhari, siku leri a wu hlundzukile, u dlayetela u nga tsetseleli.

Swirilo 2:21 Iomraidhean Croise

2 TIKRONIKA 36:17

A rhuma eka vona hosi ya Vakalediya ku va pfuka, a dlaya hi tlhari majaha ya vona evukwetsimelweni bya vona; a nga tsetselelanga majaha, hambi vanhwanyana hambi vakulukumba, hambi misisi leyo basa; a n'wi nyiketa hinkwaswo.

Estere 3:13

Matsalwa ma rhumeriwa ematikweni hinkwawo ya hosi hi vatsutsumi, va ku: “Ku lovisiwa, ku dlayiwa, ku herisiwa Vayuda hinkwavo, lavakulu ni lavatsongo, vana ni vavasati, hi siku rin'we, hi siku ra khume na manharhu ra n'hweti ya khume na timbirhi, yi nga n'hweti ya Adara, va phanga ni xuma xa vona.”

Esaya 27:11

Loko marhavi ma omile va ma tshova; vavasati va ta ma tshivela, hikuva i tiko leri nga tlharihangiki; hikwalaho muvumbi wa rona a nga ri tweli vusiwana.

Yeremiya 11:22

Hikwalaho Yehovha wa tinyimpi u vula a ku: ‘Langutani, ndzi ta va ba! Lavantshwa va ta fa hi tlhari, ni vana va vona va xinuna ni va xisati va fa hi ndlala.

Yeremiya 13:14

Kambe ndzi ta va faya un'wana ni un'wana ni warikwavo, vatatana swin'we ni vana,’ ku vula Yehovha. ‘Ndzi nga ka ndzi nga vi na musa, ni loko ku ri ku tsetselela, hambi ku ri ku va twela vusiwana, leswaku ndzi nga va lovisi.’ ”

Yeremiya 18:21

Hikwalaho, nyiketa ndlala vana va vona, u va tshiketela fumu; vasati va vona a va feriwe hi vana va ve tinoni, kutani vanuna va vona a va dlawe hi rifu, ni majaha ya rikwavo a ma tlhaviwe hi fumu enyimpini!

Yeremiya 21:7

Endzhaku ka sweswo, ku vula Yehovha, ndzi ta nyika Sedekiyasi, hosi ya Yuda, ni malandza ya yena, ni tiko, ni lava siyiweke emutini lowo hi ntungu, ni matlhari, ni ndlala, ndzi ta va nyiketa emavokweni ya Nebukadnetsara, hosi ya Babilona, ni le mavokweni ya lava nga vavalala eka vona, ni le mavokweni ya lava lavaka vutomi bya vona, kutani u ta va ba hi vukari bya matlhari, a nga ka a nga va tweri vusiwana, a nga ka a nga va tsetseleri a nga ka a nga vi na nsovo.” ’

Yeremiya 4:31

Hikuva ndzi twa nkosi wo nge i wa la velekaka, mikosi ya wansati la nga ekhombyeni ra ku veleka n'wana wa mativula; i nkosi wa nhwanyana wa Siyoni, a hefemuteka, a ri karhi a tshambuluta mavoko a ku: “Yo! Yowee! Moya wa mina wu tikeriwile hi vadlayi.”

Yeremiya 51:22

Ndzi faya ha wena wanuna ni wansati; ndzi faya ha wena lonkulu ni lontsongo; ndzi faya ha wena jaha ni wanhwana.

Yeremiya 6:11

Ndzi tele hi mahlundzu ya Yehovha, ndzi karhele ku ma sivela. “Ma halatela eka vana va entsendzeleni, ni le nhlengeletanweni ya majaha; hikuva wanuna u ta khomiwa swin'we ni nsati; la dyuhaleke ni la heteke masiku ya yena.

Yeremiya 9:20

Hikwalaho, vavasati, yingisani rito ra Yehovha, kutani tindleve ta n'wina ti amukela rito ra nomu wa yena: Mi dyondzisa vana va n'wina ku yimbelela xirilo kutani mi dyondzisana risimu ra ku rila.

Yeremiya 9:21

Hikuva rifu ri tlulela hi mafasitere ya hina, ri nghena etindlwini ta hina leti sasekisiweke ku ta dlaya vana emitsendzeleni, ni majaha etihubyeni.

Swirilo 1:15

“Hosi yi herisile exikarhi ka mina, tinhenha ta mina hinkwato, Kutani u rhambile nyimpi Ku ta dlayetela malandza ya mina lamantshwa; Hosi yi kandziyile exikandziyelweni xa nhwanyana, n'wana Yuda.

Swirilo 1:18

“Yehovha u lulamile, kasi ndzi arile ku lerisa ka yena: Oho! Yingisani n'wina matiko hinkwawo, Kutani mi vona ku vaviseka ka mina; Vanhwanyana ni majaha ya mina va yile evukhumbini.

Swirilo 1:4

Magondzo ya Siyoni ma rila, hikuva a ka ha ri na lava yaka emikhubyeni; Tinyangwa hinkwato ta yena ti onhakile, Vaprista hinkwavo va yena va hefemuteka, Vanhwanyana va yena va ni tingana, na yena u le nhlomulweni lowukulu.

Swirilo 2:17

Yehovha u endlile lexi a xi kaneleke, U hetisile makungu lawa ingi a ma lerisile emikarhini ya khale; U mbundzuxile, kutani a nga tsetselelanga; U tsakisile lava ku vengaka, u tlakusile rimhondzo ra lava va nga valala eka wena.

Swirilo 2:2

Hosi yi mbundzuxile miako hinkwayo ya Yakobo, a nga tsetselelanga nchumu; U mbundzuxile hi vukari lebyi pfurhaka bya yena makhokholo ya nhwanyana wa Yuda, U ma wisele ehansi, A onha ku fuma ni tihosi ta kona.

Swirilo 3:43

“U funengele vukari bya wena, kutani u hi hlongorisa; U dlele, kutani a ku vanga u tsetselela.

Ezekiele 24:21

‘U nge eka va yindlu ya Israele: Hosi Yehovha u ri: Vonani, ndzi ta nyamisa leswo kwetsima swa mina, ku nga ku tikukumuxa ka matimba ya n'wina, ni ku navela ka mahlo ya n'wina, ni leswi rhandziwaka hi mimoya ya n'wina; varisanyana va n'wina ni vanhwanyana va n'wina lava mi va siyeke va ta wisiwa hi fumu.

Ezekiele 5:11

Hikwalaho ndza hanya, ku vula Hosi Yehovha, hikuva u nyamisile yindlu ya mina hi swilo hinkwaswo swo biha swa wena, ni manyala hinkwawo ya wena, na mina ndzi ta ku onha, tihlo ra mina ri ta leva, ndzi nga ka ndzi nga ku tweli vusiwana.

Ezekiele 7:4

Mahlo ya mina ma nga ka ma nga ku tsetseleri; ndzi ta pfumala tintswalo, hikuva ndzi ta ku rihisa mitirho ya wena leyo biha, ni manyala ya wena ma ta va exikarhi ka wena, kutani mi ta tiva leswaku hi mina Yehovha.

Ezekiele 7:9

Tihlo ra mina ri nga ka ri nga ku tsetseleri, ndzi ta pfumala tintswalo, hikuva ndzi ta ku rhwexa tindlela ta wena, ni manyala ya wena ma ta va exikarhi ka wena, mi ta tiva leswaku hi mina Yehovha la baka.

Ezekiele 8:18

Loko ndzi ri mina, ndzi ta endla hi vukari bya mina; tihlo ra mina ri nga ka ri nga tsetseleri, ri ta pfumala tintswalo. Hambi va ta huwelela etindleveni ta mina hi rito lero tlakuka, ndzi nga ka ndzi nga va yingisi.”

Ezekiele 9:10

Na mina ndzi nga ka ndzi nga va tsetseleri, ndzi nga ka ndzi nga va tweli vusiwana, ndzi ta va rihisa mitirho ya vona etinhlokweni ta vona.”

Amosi 4:10

“Ndzi mi rhumele ntungu lowu fanaka ni wa le Egipta, ndzi dlayile majaha ya n'wina hi tlhari, tihanci ta n'wina ti phangiwa, ku nun'hwa loku humaka emixaxeni ya n'wina ndzi ku fikisile etinhompfini ta n'wina; hambiswiritano, a mi tlhelelanga eka mina,” ku vula Yehovha.

Amosi 8:13

“Hi siku lero vanhwana vo saseka ni majaha, va ta karhala hi torha.

Zakariya 11:6

Hikuva a ndzi nga ha tsetseleli vaaki va misava, ku vula, Yehovha; ndzi ta nyiketa vanhu hinkwavo, un'wana ni un'wana emavokweni ya warikwavo, ni le mavokweni ya hosi ya yena; va ta onha misava, kasi a ndzi nga va lamuleri emavokweni ya vona.”

Duteronoma 28:50

va nga vanhu va mimombo yo tiya, lava va nga ka va nga tweli wa khale vusiwana, va nga vi na tintswalo eka n'wana;

Duteronoma 32:25

Ehandle va ta dlawa hi tlhari, Endzeni, va ta fa hi nchavo: Jaha ri ta lova kukotisa wanhwanyana, La an'waka, kukota nkulukumba.

Yoxuwa 6:21

Va yirisa hinkwaswo leswi nga emutini, vavanuna ni vavasati ni lavantshwa, ni va khale, ni tihomu, ni tinyimpfu ni timbhongolo, va swi dlaya hi matlhari.

1 SAMIELE 15:3

Sweswi, famba u ya hlasela Amaleke, mi yirisa hinkwaswo leswi nga swa yena; u nga tshuki u n'wi tsetselela, kambe u ta dlaya vavanuna ni vavasati, ni vana ni swihlangi leswi an'waka ni tihomu ni tinyimpfu, ni tikamela ni timbhongolo.’ ”