Swirilo 2:19 - Xitsonga (Bibele)

¹⁹ Pfuka, u ngurhangurha nivusiku, emasungulweni ya ku langutela, U chulula mbilu ya wena tanihi mati emahlweni ka mombo wa Hosi! Yimisa mavoko ya wena eka yena ematshan'weni ya vutomi bya vana va wena Lava faka hi ndlala etisongeni ta mitsendzele hinkwayo.

BIBELE Mahungu Lamanene

¹⁹ Pfuka u tlhava mukhosi, u rila vusiku hinkwabyo. Paluxa hinkwaswo leswi nga mbilwini ya wena, u swi humesela erivaleni emahlweni ka N'wini wa hinkwaswo; tlakusela mavoko ya wena eka yena, u khongelela vana va wena, lava faka hi ndlala emahandzeni ya magondzo hinkwawo.

Swirilo 2:19 Iomraidhean Croise

Ntirho 3:24

Hikuva vuswa bya mina i mbitsi yanga, Ku kolola ka mina ku khuluka kukota makhukhumba.

Pisalema 119:55

Nivusiku ndzi anakanya vito ra wena, Yehovha, Kutani ndzi hlayisa nawu wa wena.

Pisalema 134:2

Tlakusani mavoko ya n'wina evukwetsimelweni bya yena, Mi ri karhi mi tlangela Yehovha!

Pisalema 141:2

Xikhongelo xa mina a xi tlhandlukele eka wena tani hi mirhi ya risuna, Ni ku tlakuka ka mavoko ya mina a ku fane ni gandzelo ra madyambu!

Pisalema 142:2

Ndzi chululela ku vilela ka mina emahlweni ka yena, Ndzi n'wi vekele ku kohleka ka mina.

Pisalema 142:3

Loko moya wa mina wu ri ni gome endzeni ka mina, Wena wa yi tiva ndlela ya mina. Va ndzi rhiyile hi ntlhamu endleleni leyi ndzi fambaka ka yona.

Pisalema 28:2

Yingisa rito ra mikhongelo ya mina loko ndzi huwelela eka wena, Ni loko ndzi tlakusa mavoko ya mina evukwetsimelweni bya wena.

Pisalema 42:3

Mihloti ya mina i swakudya swa mina nhlekanhi ni vusiku, Hi leswi va tshamaka va ku eka mina: “Xi kwihi Xikwembu xa wena?”

Pisalema 42:4

Ndza xi anakanya, ni mbilu ya mina yi nyuka endzeni ka mina, Hi laha ingi ndzi tshamaka ndzi famba ni vunyingi, Ndzi byi fambisa, byi ya endlwini ya Xikwembu, Hi marito ya ku tsaka ni tinsimu ta ku khensa, Ta vunyingi lebyi nga enkhubyeni.

Pisalema 42:8

Ninhlekanhi, Yehovha u ndzi ha tintswalo ta yena; Nivusiku, ndzi tshama ndzi yimbelela risimu ra yena, Ndzi khongela Xikwembu xa vutomi bya mina.

Pisalema 62:8

N'wina vanhu, tshembani Xikwembu hi masiku hinkwawo, Halatani timbilu ta n'wina emahlweni ka xona; Xikwembu i vuchavelo bya hina.

Pisalema 63:4

Hikwalaho ndzi ta ku khensa eku hanyeni ka mina, Ndzi ta yimisa mavoko ya mina hi vito ra wena.

Esaya 26:9

Moya wa mina wu ku naverile nivusiku, ni mbilu ya mina ya ku lava exikarhi ka mina, hikuva loko u ba misava hi ku yi avanyisa, vanhu va misava va dyondza ku lulama.

Esaya 51:20

Vana va wena a va ri na gome va wile emahlanganweni ya mitsendzele hinkwayo tanihi mhalamhala exirimbaneni va pyopyiwile hi vukari bya Yehovha, ni ku wumeta ka Xikwembu xa wena.

Yeremiya 14:18

Loko ndzi humela ehandle, ku vonaka lava tlhaviweke hi fumu; ni loko ndzi nghena emutini, ku vonaka lava faka hi ndlala. Kambe loko a ri muprofeta ni muprista, va tsendzeleka etikweni leri va nga ri tiviki.’ ”

Yeremiya 9:20

Hikwalaho, vavasati, yingisani rito ra Yehovha, kutani tindleve ta n'wina ti amukela rito ra nomu wa yena: Mi dyondzisa vana va n'wina ku yimbelela xirilo kutani mi dyondzisana risimu ra ku rila.

Ezekiele 5:10

Vona, vatatana va ta dya vana va vona exikarhi ka n'wina, ni vana va ta dya vatata wa vona; ndzi ta hetisa exikarhi ka vona ku avanyisa ka mina, ndzi hangalasa hi matlhelo hinkwawo leswi nga ta sala swa wena.

Ezekiele 5:16

Va ta hlamala ni ku chava siku ndzi nga ta rhumela miseve leyo biha ya ndlala leyi lovisaka, leyi ndzi nga ta yi rhumela ku mi lovisa ha yona, hikuva ndzi ta engetela makhombo ya n'wina hi ndlala, ndzi mi tsonela timbuva ta vuswa.

Mikiya 1:16

Tsemela misisi ya wena, u byewula nhloko hikwalaho ka vana va wena lava rhandzekaka! Anamisa mpandhla wa wena wu kula, hikuva va yisiwa evukhumbini, ekule na wena.

Nahume 3:10

Hambiswiritano, na wona, wu susiwile, wu ye evukhumbini; vana va wona va fayeteriwe emakun'wini hinkwawo ya mitsendzele va hlahluva timbhuri ta wona hi vuhlolotwana, ni vakulukumba va wona hinkwavo va bohiwa hi tiketana.

Matewu 14:25

Kambe hi nkarhi wa vumune wa vusiku, Yesu a ta eka vona, a famba ehenhla ka mati.

Marka 1:35

Nimpundzu a pfuka bya ha ri vusiku, a huma endlwini, a ya mananga, a ya khongela kona.

Marka 13:35

Hitekani-ke, hikuva a mi tivi nkarhi n'wini wa yindlu a nga ta ta ha wona, kumbe nimadyambu, kumbe nivusiku lebyikulu, kumbe loko nkuku wu ringa, kumbe nimixo;

Luka 6:12

Emasikwini lawa Yesu a ya entshaveni ku ya khongela; kutani a tshama a khongela Xikwembu vusiku hinkwabyo.

1 Timotiya 2:8

Hikwalaho ndzi rhandza leswaku vavanuna va khongela hinkwako va ri karhi va tlakusa mavoko layo basa, ku nga ri na ku kariha ni ku kanetana.

Vaavanyisi 7:19

Kavaloko Gidiyoni a famba ni vanhu va dzana lava ingi a ri na vona, va fika emakun'wini ya mixaxa, ka ha ku sungula ku langutela ka vusiku lebyikulu, ka ha ku vekiwa valanguteri. Kutani va yimba tinanga, va faya timbita leti nga emavokweni ya vona.

1 SAMIELE 1:15

Hana a hlamula a ku: “E-e, hosi yanga. Ndzi wansati la twaka ku vaviseka emoyeni wa mina. A ndzi nwangi vhinyo, hambi byi ri byalwa, kambe ndzi halatile moya wa mina emahlweni ka Yehovha.

1 SAMIELE 7:6

Kavaloko va hlengeletana eMispa, kutani va ka mati, va ma halatela emahlweni ka Yehovha. Va titsona swakudya hi siku lero, va ku: “Hi dyohele Yehovha!” Kutani Samiele a avanyisa vana va Israele eMispa.