Swirilo 2:18 - Xitsonga (Bibele)

¹⁸ Timbilu ta vona ti huwelerile eka Hosi. Rirhangu ra nhwanyana wa Siyoni, halata mihloti nhlekanhi ni vusiku u kotisa nambu! U nga tshuki u lava ku wisa, Tihlo ra wena ri nga tshuki ri tshika ku rila.

BIBELE Mahungu Lamanene

¹⁸ Tlakusa rito u rila eka N'wini wa hinkwaswo, wena muti wa Siyoni; mihloti ya wena a yi khuluke vusiku ni nhlekanhi tanihi boboma; mahlo ya wena ma nga tshuki ma wisa, u nga tshiki ku rila!

Swirilo 2:18 Iomraidhean Croise

Pisalema 119:136

Mahlo ya mina ma huma milambu ya mati lama khulukaka, Hikuva a va hlayisi nawu wa wena.

Pisalema 119:145

Ndzi huwelela hi mbilu ya mina hinkwayo: Ndzi hlamule, Yehovha, ndzi ta hlayisa timfanelo ta wena.

Yeremiya 13:17

Kungakuloko mi nga yingisi sweswo, mbilu ya mina yi ta rila exihundleni hikwalaho ka ku tikukumuxa ka n'wina, mahlo ya mina ma ta rila, ma va ma rila ma halata mihloti, hikuva ntlhambi wa Yehovha wa yisiwa evukhumbini.

Yeremiya 14:17

Kutani u va byela rito leri, u ku: ‘Mahlo ya mina ma ta huma mihloti vusiku ni nhlekanhi, ma nga ka ma nga yimi; hikuva nhwana wa tiko ra mina u tlhaviwile; mbanga ya yena hi leyikulu, i mbanga leyo vavisa ngopfu.

Yeremiya 4:31

Hikuva ndzi twa nkosi wo nge i wa la velekaka, mikosi ya wansati la nga ekhombyeni ra ku veleka n'wana wa mativula; i nkosi wa nhwanyana wa Siyoni, a hefemuteka, a ri karhi a tshambuluta mavoko a ku: “Yo! Yowee! Moya wa mina wu tikeriwile hi vadlayi.”

Yeremiya 9:1

Loko ngi nhloko ya mina yi ri mati, ni mahlo ya mina ya ri miseledyana ya mihloti, vusiku ni nhlekanhi, a ndzi ta rilela vanhwanyana va tiko ra mina lava dlayiweke!

Swirilo 1:16

“Hi swona leswi ndzi ririsaka, tihlo ra mina ri halaka mihloti; Hikuva muchaveleri la pfuxaka moya wa mina u le kule na mina. Ndzi ta hanyisiwa hi mani? Vana va xinuna va mina va khunarhile, hikuva nala u hlurile.

Swirilo 1:2

U rila ni ku rila nivusiku, kutani mihloti ya xiririka emarhameni ya yena; Exikarhi ka varhandziwa va yena hinkwavo, a ku na la n'wi chavelelaka, Vanakulobye va yena hinkwavo va n'wi xisile. Va hundzukile valala va yena.

Swirilo 2:8

Yehovha u kanerile ku mbundzuxa rirhangu ra nhwanyana wa Siyoni, U tshambulute ngoti, a nga tlherisanga voko ra yena eku onheni; Kutani u khomisile tingana rirhangu ni khumbi, Hinkwaswo swi ri karhi swi khomiwa hi tingana.

Hosiya 7:14

A va huweleri hi timbilu ta vona eka mina, kambe va rila emasangwini ya vona, va hlengeletana hinkwavo enkarhini wa mavele ni byalwa kutani va ndzi fularhela.

Habakuku 2:11

Hikuva ribye ri huwelela ri ri ekhumbini kutani yona mhandze yi ri hlamula yi ri vufulelweni!