Swirilo 2:17 - Xitsonga (Bibele)

¹⁷ Yehovha u endlile lexi a xi kaneleke, U hetisile makungu lawa ingi a ma lerisile emikarhini ya khale; U mbundzuxile, kutani a nga tsetselelanga; U tsakisile lava ku vengaka, u tlakusile rimhondzo ra lava va nga valala eka wena.

BIBELE Mahungu Lamanene

¹⁷ HOSI Xikwembu xi hetisile makungu ya xona, xi endlile hilaha xi nga vula hakona; a xi hundzukanga emakungwini ya xona ya khale. Xi hahlurile, xi nga tsetseleri, xi tsakisile valala hi ku wa ka wena, xi va engetelela matimba.

Swirilo 2:17 Iomraidhean Croise

1 TIHOSI 9:7

ndzi ta susa Israele ehenhla ka tiko leri ndzi n'wi nyikeke rona, ndzi ta cukumeta ekule na mina Yindlu leyi ndzi yi hlawuleleke vito ra mina; kutani Israele u ta va xivuriso ni xihlekiso exikarhi ka matiko hinkwawo.

Pisalema 35:24

U ndzi avanyisa hi ku lulama ka wena, Yehovha, Xikwembu xanga! Va nga tshuki va tsaka ha mina.

Pisalema 35:26

A va khomiwe hi tingana, a va kanakanisiwe kun'we Lava tsakelaka swo biha leswi ndzi telaka! A va funengetiwe hi tingana ni xisandzu Lava tikurisaka ehenhla ka mina!

Pisalema 38:16

Hikuva ndzi te: “Va nga tshuki va titsakela ha mina, Va nga tshuki va tikurisa ehenhla ka mina loko nenge wa nga wu rhetemuka.”

Pisalema 89:42

U tlakusile voko ra xinene ra vaxanisi va yena; U tsakisile vavengi hinkwavo va yena.

Pisalema 89:43

U bvinyile ku kariha ka tlhari ra yena; A ku n'wi tiyisanga eku lweni.

Esaya 14:29

“Wena tiko ra Vafilista, u nga tshuki u tsaka ku tlurisisa hi leswi nhonga leyi ngi yi ku ba yi tshovekeke; hikuva erimitswini ra nyoka ku ta huma mhiri, kutani mbhandzu wa yona yi ta va dragona leyi hahaka.

Yeremiya 18:11

“Kutani sweswi, byela vavanuna va Yuda ni vaaki va Yerusalema, u ku: ‘Yehovha u ri: “Vonani, ndzi mi lunghiserile khombo, kambe ndzi mi endlele makungu layo biha; hundzukani un'wana ni un'wana emikhuveni ya yena leyo biha, kutani mi sasekisa ku famba ka n'wina ni ku endla ka n'wina.” ’

Yeremiya 4:28

Hikwalaho tiko ri ta rila, ni matilo lama nge henhlahenhla ma ta hundzuka ntima, hikuva ndzi vula leswi ndzi swi anakanyeke, ndzi nga ka ndzi nga tshiki, ndzi nga ka ndzi nga hundzuki eka swona.”

Yeremiya 40:3

Kutani Yehovha u ku humesile, u endlile hilaha a nga vula hakona, hikuva mi dyohele Yehovha, a mi yingisanga rito ra yena, hikokwalaho mi humeleleke hi mhaka yoleyi.

Swirilo 1:5

Lava nga valala va yena va n'wi hlula, lava n'wi vengaka va titsakela. Hikuva Yehovha u n'wi rhumerile maxangu Hikwalaho ka ku tala ka swidyoho swa yena; Vana va yena lavatsongo va yile evukhumbini, va byisiwa hi valala.

Swirilo 2:8

Yehovha u kanerile ku mbundzuxa rirhangu ra nhwanyana wa Siyoni, U tshambulute ngoti, a nga tlherisanga voko ra yena eku onheni; Kutani u khomisile tingana rirhangu ni khumbi, Hinkwaswo swi ri karhi swi khomiwa hi tingana.

Swirilo 3:43

“U funengele vukari bya wena, kutani u hi hlongorisa; U dlele, kutani a ku vanga u tsetselela.

Swirilo 4:11

Yehovha u hetisile vukari bya yena; U halatile vukari lebyi pfurhaka bya yena. Kutani u tshiverile ndzilo eSiyoni, Lowu nga dya masungulo ya yena.

Ezekiele 5:11

Hikwalaho ndza hanya, ku vula Hosi Yehovha, hikuva u nyamisile yindlu ya mina hi swilo hinkwaswo swo biha swa wena, ni manyala hinkwawo ya wena, na mina ndzi ta ku onha, tihlo ra mina ri ta leva, ndzi nga ka ndzi nga ku tweli vusiwana.

Ezekiele 8:18

Loko ndzi ri mina, ndzi ta endla hi vukari bya mina; tihlo ra mina ri nga ka ri nga tsetseleri, ri ta pfumala tintswalo. Hambi va ta huwelela etindleveni ta mina hi rito lero tlakuka, ndzi nga ka ndzi nga va yingisi.”

Ezekiele 9:10

Na mina ndzi nga ka ndzi nga va tsetseleri, ndzi nga ka ndzi nga va tweli vusiwana, ndzi ta va rihisa mitirho ya vona etinhlokweni ta vona.”

Daniele 9:12

Kutani xi tiyisile timhaka leti xi ti vuleke ehenhla ka hina, ni le henhla ka vafambisi va hina lava nga hi avanyisa, xi ko xi hi terisa khombo lerikulu ronghasi, leri ku nga siki va kona ehansi ka matilo hinkwawo leri kotisaka leri humeleleke Yerusalema.

Mikiya 2:3

Hikwalaho Yehovha u ri: Vonani, ndzi anakanyela rixaka leri makhombo lawa va nga hlulekaka ku humesa tinhamu eka wona, ni ku famba va yimise tinhloko; hikuva nkarhi lowu wu bihile.

Sofoniya 1:2

“Ndzi ta susa kunene hinkwaswo leswi nga ehenhla ka misava, ku vula Yehovha.

Zakariya 1:6

Hambiswiritano, marito ya mina ni ku lerisa ka mina leswi ndzi leriseke vaprofeta, malandza ya mina, xana a swi fikelanga vatata wa n'wina? Va hundzuka, va ku: Hilaha Yehovha wa tinyimpi a tsundzukeke ku hi endla hakona, hikwalaho ka ku famba ka hina ni mitirho ya hina, kunene u hi endlile sweswo.”