Swirilo 2:10 - Xitsonga (Bibele)

¹⁰ Vakulu va nhwanyana wa Siyoni va titshamele ehansi, va timiyelela; Va ticherile tinhloko ta vona hi ntshuri, Va tibohile tinguvu leto khwaxa. Vanhwanyana va Yerusalema, va khomiwile hi tingana, va korhamele ehansi.

BIBELE Mahungu Lamanene

¹⁰ Varhangeri va le Siyoni va tshame hansi va ku dúú! Va tichele ntshuri etinhlokweni, va tlhela va ambala swiambalo leswo khwaxa; vanhwana va le Yerusalema va korhamise tinhamu, va languta ehansi.

Swirilo 2:10 Iomraidhean Croise

2 SAMIELE 13:19

Kavaloko Tamari a teka nkuma a wu hoxa enhlokweni ya yena, a handzula nguvu ya mavalavala leyi a yi ambaleke, a tlakusa voko enhlokweni ya yena, a suka a famba, a ri karhi a huwelela.

Esaya 15:3

Emintsendzeleni va tifunengeta hi maxaka; ehenhla ka tindlu ni le tihubyeni, hinkwavo va vovola, va rila hi xivitwana.

Esaya 3:24

Ematshan'weni ya leswo nun'hwela, ku ta va ku bola; ni le matshan'weni ya deveci, ku ta va pindza; ematshan'weni ya misisi leyi horhiweke, ku ta va mimpandhla; ematshan'weni ya tinguvu leto kokakoka, ku ta va saka lero khwaxa; ematshan'weni ya vumbhurhi, ku ta va xisandzu lexi funghiweke hi ndzilo.

Esaya 3:26

Tinyangwa ta Siyoni ti ta konya ti vovola, kutani u ta tshamisa ehansi a rila.

Esaya 36:22

Kavaloko Eliyakimi, n'wana Hilkiya, ndhuna ya yindlu ya hosi, na Xebina, mutsari, na Yowa, n'wana Asafa, muhlayisi wa timhaka, va ta eka Hezekiya, tinguvu ta vona ti handzuriwile va n'wi byela marito ya Rhabi-Xake.

Esaya 47:1

Xika, u tshamisa entshurini, wena nhwanyana, n'wana wa Babilona! Tshamisa ehansi, a ku na xiluvelo, wena, n'wana wa Vakalediya! Hikuva va nga ka va nga ha ku vuri loyi a titsetselelaka ni la rhandzaka mitsako.

Esaya 47:5

Tshamisa, u ku ntsee, u nghena emunyameni, nhwanyana wa Vakalediya! Hikuva va nga ka va nga ha ku vuri mufumi wa matiko.

Yeremiya 8:14

Hi tshamisela yini kwala? Hlengeletanani, hi ta nghena emitini ya makhokholo, hi fa kona, hikuva Yehovha, Xikwembu xa hina, u ta hi lovisa, u hi nwisile mati lama bavaka, hikuva hi dyohele Yehovha.

Swirilo 1:1

Wu tshamile wu ri woxe ha yini, muti lowu ingi wu ri ni vanhu vo tala xana? Muti lowu ngi wu ri nkulukumba exikarhi ka matiko, Wu hundzukile ha yini wu fana ni noni? Lowu ngi wu ri ntsindza exikarhi ka matiko, Wu hundzukile lowu fuyiweke ha yini-ke?

Swirilo 1:4

Magondzo ya Siyoni ma rila, hikuva a ka ha ri na lava yaka emikhubyeni; Tinyangwa hinkwato ta yena ti onhakile, Vaprista hinkwavo va yena va hefemuteka, Vanhwanyana va yena va ni tingana, na yena u le nhlomulweni lowukulu.

Swirilo 3:28

Swi lulamile, ni loko a titshamela a ri swakwe, a timiyelela Nkarhi lowu Xikwembu xi n'wi leriseke wona.

Swirilo 4:16

Mombo wa Yehovha wu hangalasile, Evukarini bya yena a nga tlheli a va languta. A va vanga na xichavo eka vaprista, A va tsetselelanga swidyuhati.

Swirilo 4:5

Lava ngi va dya swo nandziha Va fa hi ndlala emitsendzeleni; Lava ngi va phutseriwile hi xivunguvungu, Va sivamile ethyakeni.

Swirilo 5:12

Tihosi tin'wana ti hayekiwile hi mavoko ya tona; Mimombo ya vakulukumba a yi xiximiwanga.

Swirilo 5:14

Lavakulu va lan'wile tihuvo, Ni majaha ma tshikile magubu ya wona.

Ezekiele 27:30

Va ta twakarisa rito ra vona eka wena, va rila hi ku vaviseka, va ta tichela ntshuri ehenhla ka tinhloko ta vona, va puluvundza eminkumeni.

Ezekiele 27:31

Va ta tiendla mimpandhla hikwalaho ka wena, va tiboha hi tinguvu leto khwaxa, va rilela wena hi ku vaviseka ka timbilu hi ku rila loku chavisaka.

Ezekiele 7:18

Va ta ambala tinguvu leto khwaxa, ku chava ku va funengeta; tingana ti le mimombyeni ya vona, tinhloko ta vona ti byewuriwile.

Yuwele 1:8

U kolola kukota wanhwana la ambaleke xuka ro khwaxa, a rilela nuna wa vuntshwa bya yena!

Amosi 5:13

Hikwalaho lowo tlhariha wa timiyelela emikarhini leyi, hikuva i mikarhi leyo biha.

Amosi 8:13

“Hi siku lero vanhwana vo saseka ni majaha, va ta karhala hi torha.

Amosi 8:3

Tinsimu ta yindlu ya vuhosi, ti ta hundzuka swirilo hi siku rero,” ku vula Hosi Yehovha. “Ku ta tala mitsumbu, yi ta cukumetiwa hinkwako, ku miyeriwile.”

Yonasi 3:6

Kuteloko timhaka teto ti fike eka hosi ya Ninivha, yi suka exiluvelweni xa yona, yi susa nkhancu wa yona wa vuhosi, yi ambala nguvu yo khwaxa, yi tshamisa enkumeni.

Yoxuwa 7:6

Yoxuwa a handzula tinguvu ta yena, kutani a tiwisa ehansi hi mombo wa yena emahlweni ka areka ya Yehovha ku fika nimadyambu, a ri ni vakulukumba va Israele, kutani va chela ntshuri etinhlokweni ta vona.

Nhlavutelo 18:19

Kutani va tichela ntshuri etinhlokweni, va huwelela, va rila, va kolola, va ku: “Yo, yo, muti lowukulu, lowu, lava nga ni tingalava elwandle va nga fuwa hi rifuwo lerikulu ra wona, hi nkarhi wu ri wun'we, wu onhiwile!