Swirilo 1:7 - Xitsonga (Bibele)

⁷ Emasikwini ya mahlomulo ni ya ku onhaka ka yena, Yerusalema, u tsundzuka swilo swa yena hinkwaswo leswi rhandzekaka, leswi ngi a ri na swona emikarhini yo rhanga. U swi tsundzuka sweswi loko tiko ra yena ri wele emavokweni ya valala, Ku nga ri na loyi a n'wi pfunaka; Valala va n'wi vona, kutani va hlekela ku onhaka ka yena.

BIBELE Mahungu Lamanene

⁷ Enkarhini lowu wa mahlomulo ni wa ku pepetseka ka yena, Yerusalema ú tsundzuka swilo swa yena hinkwaswo swa nkoka leswi a a ri na swona ku sukela khale. Loko vanhu va yena va wele emavokweni ya valala, ku pfumaleke ni un'we wa ku n'wi pfuna; valala va n'wi langutile, va n'wi hlekula, va tsakela ku wa ka yena.

Swirilo 1:7 Iomraidhean Croise

Ntirho 29:2

“Loko ndzi nga vona kambe tin'hweti ta khale, Ni masiku lawa Xikwembu xi nga ndzi hlayisa exikarhi ka wona,

Pisalema 42:4

Ndza xi anakanya, ni mbilu ya mina yi nyuka endzeni ka mina, Hi laha ingi ndzi tshamaka ndzi famba ni vunyingi, Ndzi byi fambisa, byi ya endlwini ya Xikwembu, Hi marito ya ku tsaka ni tinsimu ta ku khensa, Ta vunyingi lebyi nga enkhubyeni.

Pisalema 77:3

Loko ndzi ringeta ku tsundzuka Xikwembu, ndza konya; Ndzi anakanya, kutani moya wa mina wu karhala.

Pisalema 79:4

Hi hundzukile xisandzu eka lava akisaneke na hina, Ku tlanga, ni xihlekiso xa lava nga ematlhelweni.

Esaya 64:10

Miti ya wena leyi hlawulekeke yi hundzukile mananga; Siyoni u hundzukile mananga, Yerusalema, i rhumbi.

Esaya 64:11

Yindlu ya hina leyi hlawulekeke, leyo kwetsima, leyi vatata wa hina va ku dzuniseke eka yona, yi herisiwile hi ndzilo, kutani hinkwaswo leswi ngi hi swi tsakerile swi onhiwile.

Yeremiya 37:7

“Ku vula Yehovha, Xikwembu xa Israele: Byela hosi ya Yuda la rhumeleke eka mina ku ndzi vutisa u ku: ‘Vona, mavandla ya Faro lama humeke ku ta mi tatisa, ma ta tlhelela etikweni ra rikwavo le Egipta;

Yeremiya 48:27

Xana a ku endlanga Israele xisandzu xa wena xana? A lo khomiwa hi vukhamba leswi u n'wi nikinelaka nhloko loko u vulavula ta yena xana?

Swirilo 4:17

Ni namuntlha mahlo ya hina ma hela Hi ku langutela ku pfuniwa ka hina ka hava; Eku languteleni ka hina, a hi langutela hi ku tshemba Eka tiko leri nga riki na ku hi ponisa.

Ezekiele 25:3

u ku eka vana va Amoni: Yingisani rito ra Hosi Yehovha! Hosi Yehovha u ri: Leswi u nga te: ‘Ha, ha!’ Hi vukwetsimelo bya mina siku byi nyamisiweke, ni tiko ra Israele, siku ri onhiwaka; ni va yindlu ya Yuda siku va yisiwaka evukhumbini,

Ezekiele 25:6

“Hikuva Hosi Yehovha u ri: Leswi u phakateke mandla ya wena ni ku raha hi nenge, kutani u tsakele xisolo xa tiko ra Israele hi moya wa wena hinkwawo;

Hosiya 2:7

Kutakuloko a landzelela varhandziwa va yena, a nga ka a nga kumani na vona, u ta va lavisisa, kambe a nga ka a nga va kumi. Kwalaho u ta ku: ‘Ndzi ta famba ndzi tlhelela eka nuna wa mina lowo sungula, hikuva a swi sasekile eka mina enkarhini wolowo ku tlurisa sweswi.’

Mikiya 4:11

Sweswi matiko layo tala ma ku hlengeletanele, ma ku: “U sandziwile, mahlo ya hina ma ta vona khombo ra Siyoni!”

Luka 15:17

Ku va laha a tiehleketaka, a ku: ‘Malandza layo tala swonghasi ma kona eka tatana, ma ni vuswa lebyo tala; kasi mina halenu, ndza fa hi ndlala.

Luka 16:25

Kambe Abrahama a ku: ‘N'wananga, tsundzuka leswaku u kumile rifuwo evutomini bya wena; kasi Lazaro a a ri eku vavisekeni, kutani sweswi, wa chaveleriwa halenu, kasi wena u twisiwa ku vaviseka.