Swirilo 1:6 - Xitsonga (Bibele)

⁶ Vubombi hinkwabyo bya nhwanyana wa Siyoni byi herile, Vakulu va yena va fana ni tinhongo Leti nga voniki madyelo, Leti balekaka emahlweni ka lava ti hlongorisaka, ti heleriwe hi matimba.

BIBELE Mahungu Lamanene

⁶ Vukosi hinkwabyo byi sukile eSiyoni, wona muti wo saseka. Tihosana ta wona sweswi ti fana ni timbavala leti pfumalaka madyelo: Ti tsutsuma lava va ti hlongorisaka, ti nga ri na matimba.

Swirilo 1:6 Iomraidhean Croise

2 TIHOSI 19:21

Hi rona rito leri Yehovha a ri vulaka ehenhla ka yena: “ ‘Wa ku sandza, wa ku monya, wanhwanyana, n'wana Siyoni.

2 TIHOSI 25:4

Kutani rirhangu ra muti ri boxiwa, vavanuna hinkwavo va nyimpi va huma nivusiku hi ndlela ya nyangwa, exikarhi ka makhumbi mambirhi, ekusuhi ni ntanga wa hosi; kutani va famba hi ndlela ya rivala loko Vakalediya a va ri karhi va rhendzela muti.

2 TIHOSI 25:5

Kambe nyimpi ya Vakalediya yi hlongorisa hosi, va yi kuma erivaleni ra Yeriko, kutani nyimpi hinkwayo ya yona yi yi tshika yi hangalaka.

Pisalema 50:2

ESiyoni laha ku sasekeke ngopfu, Xikwembu xi ni ku kwetsima.

Pisalema 96:9

Khinsamelani Yehovha hi swilombiso leswi hlawuriweke, Mi rhurhumela emahlweni ka yena n'wina hinkwenu vaaki va misava.

Esaya 1:21

Yo! Muti lowu tshembekeke, wu hundzukile wa mbiri A wu tele swo lulama, ku lulama a ku akile kona, kasi sweswi, i vadlayi.

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Esaya 4:5

kavaloko empfhukeni hinkwawo wa ntshava ya Siyoni, ni le henhla ka nhlengeletano ya yena, Yehovha u ta humelerisa papa ni musi ninhlekanhi, hi ku vangama ka malangavi ya ndzilo nivusiku.

Yeremiya 13:18

Byela hosi ni nkosikazi, u ku: “Titsongahateni, mi tshamisa ehansi hikuva harhi ya vuhosi ya ku kwetsima ka n'wina yi wile etinhlokweni ta n'wina.”

Yeremiya 29:4

“Ku vula Yehovha wa mavandla Xikwembu xa Israele, eka lava bohiweke hinkwavo, lava ndzi va rhurhiseke Yerusalema, ndzi va yiseke Babilona, a ku:

Yeremiya 47:3

Vanhu va huwelela, ni vaaki hinkwavo va misava va kolola, hikwalaho ka mpfumawulo wa ku kandziya ka mikondzo ya tihanci ta yena ta matimba, ni ku tsutsuma ka tigolonyi ta yena, ni ku dzumadzuma ka masondzo ya tona, vatatana a va languti vana va vona, hikuva ku karhele mavoko.

Yeremiya 48:41

Keriyoto u khomiwile, ni makhokholo ma ngheniwile. Esikwini leri, timbilu ta tinhenha ta Mowabu ti ta kotisa mbilu ya wansati la velekaka.

Yeremiya 52:11

Kutani a boxa mahlo ya Sedekiyasi, a va a lerisa leswaku va n'wi boha hi tiketana timbirhi ta koporo; kutani hosi ya Babilona yi n'wi yisa eBabilona, yi n'wi nghenisa ekhotsweni ku fika eku feni ka yena.

Yeremiya 52:13

A hisa yindlu ya Yehovha, ni yindlu ya hosi; a hisa tindlu hinkwato ta Yerusalema ni tindlu hinkwato ta vakulukumba.

Ezekiele 24:21

‘U nge eka va yindlu ya Israele: Hosi Yehovha u ri: Vonani, ndzi ta nyamisa leswo kwetsima swa mina, ku nga ku tikukumuxa ka matimba ya n'wina, ni ku navela ka mahlo ya n'wina, ni leswi rhandziwaka hi mimoya ya n'wina; varisanyana va n'wina ni vanhwanyana va n'wina lava mi va siyeke va ta wisiwa hi fumu.

Ezekiele 24:25

“Loko u ri wena, n'wana wa munhu, kutakuloko ndzi suse matimba ya vona exikarhi ka vona, ku nga ku tsaka ka vutikukumuxo bya vona, ni ku navela ka mahlo ya vona, ni ku anakanya ka mimoya ya vona, va ri vana va vona va xinuna ni vanhwanyana va vona,

Duteronoma 28:25

“Yehovha u ta endla leswaku u hlaseriwa emahlweni ka valala va wena: u ta huma ku lwa na vona hi ndlela yin'we, kambe u ta hlongorisiwa emahlweni ka vona hi tindlela ta ntlhanu na timbirhi, kutani u ta va xihlamariso ematikweni hinkwawo ya misava.

Duteronoma 32:30

Xana munhu a nga hlongorisa ku yini va 1 000 xana? Ni vambirhi va nga hlongorisa va 10 000 xana? Loko ngi ribye ra vona ri nga va xavisanga, Ni loko Yehovha a nga va nyiketanga xana?