Swirilo 1:21 - Xitsonga (Bibele)

²¹ “Va ndzi twile loko ndzi ri karhi ndzi hefemuteka, ku hava loyi a nga ndzi chavelelaka! Valala va mina hinkwavo va twile khombo ra mina, Kutani va tsakela leswi u swi endleke; Va ta fana na mina siku leri u nga ta humelerisa mhaka leyi u yi vekeke.

BIBELE Mahungu Lamanene

²¹ “Yingisa ku konya ka mina: Ndzi pfumala loyi a nga ndzi tiyisaka. Valala va mina hinkwavo va twile ta nhlomulo wa mina, kutani va tsaka hi leswi u ndzi endlaka swona; kambe we HOSI, hatlisa u tisa siku leri u ri vuleke, leswaku na vona va ta biwa kukota mina.

Swirilo 1:21 Iomraidhean Croise

Pisalema 35:15

Kambe loko ndzi lava ku wa, va tsaka, va hlengeletana; Va hlengeletana ku ndzi sola, ndzi nga swi tivi; Va nga rhuteli ku ndzi handzula.

Pisalema 37:13

Kambe hosi ya n'wi hleka, Hikuva yi vona leswaku siku ra yena ri kusuhi.

Pisalema 38:16

Hikuva ndzi te: “Va nga tshuki va titsakela ha mina, Va nga tshuki va tikurisa ehenhla ka mina loko nenge wa nga wu rhetemuka.”

Esaya 14:5

“Muxanisi u herile hi ku yini? Vuhenyi ku hava!

Esaya 14:6

Yehovha u tshovile nhonga ya vabihi ni xigombo xa tihosi leti ngi ti ba matiko evukarini bya tona, hi ku ba loku nga heriki: leti nga xanisa matiko ti nga ma nyiki nkarhi!

Yeremiya 30:16

Hambiswiritano hinkwavo lava ku dyaka va ta dyiwa hinkwavo lava ku kamanyetaka va ta yisiwa eku bohiweni, lava ku nyenyemukaka va ta nyenyemukiwa hinkwavo lava ku onhaka ndzi ta va nyiketa eku onhakeni.

Yeremiya 48:27

Xana a ku endlanga Israele xisandzu xa wena xana? A lo khomiwa hi vukhamba leswi u n'wi nikinelaka nhloko loko u vulavula ta yena xana?

Yeremiya 50:11

“Mi nga tsaka kunene, mi va mi tsakisisa, n'wina vaonhi va ndzhaka ya mina, mi tlula kukotisa thokazi erilambyaneni, mi rila kukota tihanci leta matimba.

Yeremiya 50:15

Phalalani hinkwako, mi n'wi rhendzela! U tlakuse mavoko ya yena; masungulo ya yena ma tsekatseka, rirhangu ra mbundzuka, hikuva ku rihisa ka Yehovha ku fikile; mi tirihisela eka yena, hilaha a nga mi endla hakona n'wi endleni sweswo.

Yeremiya 50:29

“Vitanani Babilona, vuvutelani hinkwavo lava copaka hi vurha; mi n'wi rhendzela ku nga poni nchumu; mi tlherisela eka yena hi ku endla ka yena, hinkwaswo leswi a swi endleke, n'wi endleni sweswo, hikuva u tiarisile eka Yehovha, Mukwetsimi wa Israele.

Yeremiya 50:31

“Vona, ndzi ta eka wena, mutikukumuxi, ku vula Hosi, Yehovha wa tinyimpi, hikuva ri tile siku ra wena, nkarhi lowu ndzi ku holovelaka ha wona.

Yeremiya 51:24

Kambe ndzi ta tlherisela Babilona ni vaaki hinkwavo va Kalediya swo biha hinkwaswo swa vona leswi va swi endleke Siyoni emahlweni ka n'wina, ku vula Yehovha.

Yeremiya 51:49

Kukotisa leswi Babilona, a wiseke lava tlhaviweke va ka Israele, na kona, lava tlhaviweke va tiko hinkwaro va ta wa eBabilona.

Swirilo 1:16

“Hi swona leswi ndzi ririsaka, tihlo ra mina ri halaka mihloti; Hikuva muchaveleri la pfuxaka moya wa mina u le kule na mina. Ndzi ta hanyisiwa hi mani? Vana va xinuna va mina va khunarhile, hikuva nala u hlurile.

Swirilo 1:2

U rila ni ku rila nivusiku, kutani mihloti ya xiririka emarhameni ya yena; Exikarhi ka varhandziwa va yena hinkwavo, a ku na la n'wi chavelelaka, Vanakulobye va yena hinkwavo va n'wi xisile. Va hundzukile valala va yena.

Swirilo 1:22

“Ku biha hinkwako ka vona a ku humelele emahlweni ka wena, Kutani u va endla hilaha u nga ndzi endla hakona Hikwalaho ka ku homboloka ka mina! Hikuva ku hefemuteka ka mina kukulu, kutani mbilu ya mina ya vava.”

Swirilo 1:4

Magondzo ya Siyoni ma rila, hikuva a ka ha ri na lava yaka emikhubyeni; Tinyangwa hinkwato ta yena ti onhakile, Vaprista hinkwavo va yena va hefemuteka, Vanhwanyana va yena va ni tingana, na yena u le nhlomulweni lowukulu.

Swirilo 1:8

Yerusalema, u dyohile, u dyohile; Hikwalaho-ke, u hundzukile manyala, Hinkwavo lava nga n'wi fundzha, sweswi va n'wi tsan'wa, hikuva va vona vusweti bya yena, Na yena, wa hefemuteka, kutani u tshinela endzhaku.

Swirilo 2:15

Hinkwavo lava hundzaka hi ndlela va phokota hi mavoko, va tsan'wa, Va nikina tinhloko hikwalaho ka nhwanyana wa Yerusalema, Va ri: “Xana hi wona muti lowu ingi va wu vula ku saseka loku hetisekeke, Ni ku tsaka ka misava hinkwayo xana?”

Swirilo 2:16

Lava ku vengaka hinkwavo va ku ahlamisele milomu ya vona, Va ba miloti, va getserisa meno, Va ku: “Hi n'wi mitile; Kunene, hi rona siku leri hi ri languteleke, hi ri kumile, hi ri vonile.”

Ezekiele 26:2

“N'wana wa munhu, leswi Tiri a vuleke ehenhla ka Yerusalema, a ku: ‘Aha! Nyangwa ya matiko yi mbundzuxiwile va ta tlhelela eka mina ndzi ta tala hikuva u onhiwile.’

Yuwele 3:14

I mitshungu! I mitshungu! Enkoveni wa ku avanyisa, hikuva ri le kusuhi siku ra Yehovha leri nga ta va kona enkoveni wa ku avanyisa.

Nhlavutelo 18:6

N'wi hakeleni kukotisa leswi a mi hakeleke; n'wi rihiseni kambirhi ku ringanisa mitirho ya yena; exinwelweni lexi a cheleke eka xona, n'wi cheleleni kambirhi.