Swirilo 1:20 - Xitsonga (Bibele)

²⁰ “Yehovha, languta mahlomulo ya mina! Marhumbu ya mina ma pfuma, Mbilu ya mina yi hundzukile endzeni ka mina, Hikuva ndzi tiarisile ngopfu. Ehandle tlhari ri dlayile vana va mina; endzeni, i rifu ntsena.

BIBELE Mahungu Lamanene

²⁰ “We HOSI, ndzi langute, hikuva ndzi le maxangwini, moya wa mina wu le ku karhatekeni; ndzi le ku vavisekeni lokukulu, hikuva ndzi tiarisile ngopfu. Ehandle, vana va mina va dlawa hi tlhari, etindlwini, va fa hi ntungu.

Swirilo 1:20 Iomraidhean Croise

Ntirho 30:27

Marhumbu ya mina ma vila, ma nga miyeli; Ndzi kumeriwe hi masiku ya swirilo.

Ntirho 33:27

A yimbelela emahlweni ka vanhu a ku: ‘Ndzi dyohile, ndzi homboloxe ku lulama. Kambe a ndzi beriwanga ku dyoha ka mina.

Pisalema 22:14

Ndzi khuluka kukotisa mati, Marhambu ya mina hinkwawo ma sulekile; Mbilu ya mina yi fana ni xihlenge xa tinyoxi, Yi nyukile emarhumbyini ya mina.

Pisalema 38:8

Ndzi heleriwe hi matimba, ndzi tshovatshoviwile ngopfu; Ndzi rila hikwalaho ka ku tsekatseka ka mbilu ya mina.

Swivuriso 28:13

La fihlaka swidyoho swa yena, a nga ka a nga kateki, Kambe la swi vulaka, a tshika, u ta kuma tintswalo.

Esaya 16:11

Hikwalaho marhumbu ya mina ma pfuma ehenhla ka Mowabu, tanihi xitendze, ni mbilu yanga yi endlisa sweswo ehenhla ka Kiri-Herexe.

Esaya 38:14

A ndzi rila kukotisa mbewulana loko yi haha; a ndzi rila kukotisa tuva; mahlo ya mina a ma karhala hi ku languta ehenhla: Oho Yehovha! Ndzi le ku vavisekeni, wa nga ndzi sirheleta!”

Yeremiya 14:18

Loko ndzi humela ehandle, ku vonaka lava tlhaviweke hi fumu; ni loko ndzi nghena emutini, ku vonaka lava faka hi ndlala. Kambe loko a ri muprofeta ni muprista, va tsendzeleka etikweni leri va nga ri tiviki.’ ”

Yeremiya 14:20

Ha Yehovha, hi titivela ku dyoha ka hina, ni milandzu ya vatata wa hina, hikuva a hi ri karhi hi ku dyohela.

Yeremiya 2:35

Hambiswiritano, u ri: ‘E-e, a ndzi na nandzu. Hakunene ku kariha ka yena ku hambukile!’ Languta, ndzi ku tengisa hikuva u ri: ‘A ndzi dyohanga.’

Yeremiya 3:13

Ntsena u fanele ku tivula ku biha ka wena, hikuva u tshikile Yehovha, Xikwembu xa wena, kambe u ri karhi u tsutsumela matlhelo hinkwawo eka swikwembu swa vamatiko, ehansi ka mirhi hinkwayo leyi nga ni matluka, kutani a mi yingisanga rito ra mina, ku vula Yehovha.

Yeremiya 31:20

“Xana Efrayimi i n'wana la rhandziwaka eka mina xana, kumbe n'wana loyi ndzi n'wi tsakelaka xana? Hikuva hi masiku loko ndzi n'wi vula, ndzi anakanya yena hi ku tlurisa; hikwalaho marhumbu ya mina ma pfumaka hikwalaho ka yena; kunene ndzi ta n'wi tsetselela, ku vula Yehovha.

Yeremiya 4:19

Marhumbu yanga! Marhumbu yanga! Yowee! Ku vaviseka ka mbilu yanga! Mbilu ya pandza, ndzi nga ka ndzi nga miyeri; hikuva moya wa mina wu twa mpfumawulo wa mhalamhala ni wa nkosi wa nyimpi.

Yeremiya 48:36

“Hikwalaho mbilu ya mina yi rila kukota tinanga hikwalaho ka Mowabu; mbilu ya mina yi rila kukota tinanga hikwalaho ka vanhu va Kiri-Herexe, hikuva leswi hlengeletiweke hi vona, swi lovile.

Swirilo 1:11

Vanhu va yena hinkwavo va hefumuteka, va lava vuswa; Va nyikile swilo swa vona leswi pfumariwaka ku lava swakudya Leswi nga pfuxaka vutomi bya vona. “Languta, Yehovha, u vona ku sandziwa ka mina.

Swirilo 1:18

“Yehovha u lulamile, kasi ndzi arile ku lerisa ka yena: Oho! Yingisani n'wina matiko hinkwawo, Kutani mi vona ku vaviseka ka mina; Vanhwanyana ni majaha ya mina va yile evukhumbini.

Swirilo 1:8

Yerusalema, u dyohile, u dyohile; Hikwalaho-ke, u hundzukile manyala, Hinkwavo lava nga n'wi fundzha, sweswi va n'wi tsan'wa, hikuva va vona vusweti bya yena, Na yena, wa hefemuteka, kutani u tshinela endzhaku.

Swirilo 1:9

Thyaka ra yena ri kona emadziveni ya nguvu ya yena, A nga anakanyangi ku hela ka yena, U wile hi mukhuva lowu hlamarisaka, a ku na loyi a n'wi chavelelaka. Yehovha, languta ku onhaka ka mina, hikuva nala wa tidzunisa.

Swirilo 2:11

Mahlo ya mina ma vava hi ku rila, marhumbu ya mina ma pfuma, Xivindzi xa mina xi halakela ehansi Hikwalaho ka mbanga ya nhwanyana wa tiko ra mina, Loko vana ni lava an'wisaka va titivala erivaleni ra muti.

Swirilo 5:16

Misingasoro yi wile etinhlokweni ta hina; Hi ni khombo hina, hikuva hi dyohile!

Ezekiele 7:15

“Ehandle ku ni fumu, emutini ku ni ntungu ni ndlala. La nga emasin'wini u ta dlawa hi fumu, la nga emutini u ta lovisiwa hi ntungu ni ndlala.

Daniele 9:5

Hi dyohile, hi endlile leswo homboloka: hi endle hi vuphukuphuku ni ku tiarisa, hi hambukile ku leriseni ka wena.

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.

Habakuku 3:16

Ndzi swi twile, kutani miri wa mina wu rhurhumela; eritweni rolero, milomu ya mina yi tsekatseka, ku bola ku nghena emarhambyini ya mina, ndzi ri karhi ndzi rhurhumela, loko ndzi fanekele ku languta ndzi wisile siku lero ra khombo, siku leri tiko ri nga ta hlomeriwa hi la nga ta ta ri hlasela.

Duteronoma 32:25

Ehandle va ta dlawa hi tlhari, Endzeni, va ta fa hi nchavo: Jaha ri ta lova kukotisa wanhwanyana, La an'waka, kukota nkulukumba.