Swirilo 1:12 - Xitsonga (Bibele)

¹² “Xana a hi nchumu eka n'wina hinkwenu lava mi fambaka endleleni! Tsundzukani, mi vona loko ku vaviseka ku ri kona loku fanaka ni loku ndzi humeleleke, Loku Yehovha a nga ndzi vavisa hakona Esikwini ra vukari lebyi pfurhaka bya yena.

BIBELE Mahungu Lamanene

¹² “N'wina hinkwenu vahundzi va ndlela, xana swilo leswi a swi vuli nchumu eka n'wina xana? Xiyaxiyani mi vona loko ku ri ni munhu la nga ni nhlomulo wo fana ni wa mina, lowu HOSI yi ndzi vangeleke wona siku leri yi ndzi hlundzukeleke ha rona.

Swirilo 1:12 Iomraidhean Croise

Pisalema 88:16

Vukari bya wena byi ndzi wele ehenhla, Ku chavisa ka wena ku ndzi tsema nhlana;

Esaya 13:13

Hikwalaho ndzi ta tsekatsekisa matilo, kutani misava yi ta susumetiwa ematshan'weni ya yona hi ku kariha ka Yehovha wa tinyimpi, siku ra vukari bya yena lebyi pfurhaka.

Yeremiya 10:19

Yo! Yowee! Ndzi tshovekile! Mbanga ya mina ya pandza! Kambe ndzi ri: “Hakunene, hi rona khombo ra mina, swi ndzi fanele ku swi yingisela.”

Yeremiya 18:16

kutani va endla tiko ra vona xihlamariso ni xisandzu hilaha ku nga heriki; hileswaku un'wana ni un'wana la nga ta hundza eka rona a hlamala, kutani a nikinisa nhloko ya yena.

Yeremiya 30:23

“Vona xihuhuri xa Yehovha hi xexo; ku kariha loku hisaka ku humele ehandle, i xihuhuri lexi mbvungunyaka, xi ta mbvungunyisa etinhlokweni ta lavo biha.

Yeremiya 30:24

Vukari bya Yehovha byi nga ka byi nga tlheri a nga si endla ni ku heta ku anakanya ka mbilu ya yena. Emikarhini yo hetelela, mi ta va ni ku twisisa ka kona.

Yeremiya 30:7

Yo! Mina! Siku leri hi lerikulu, a ku na rin'wana ro fana na rona; i mikarhi ya makhombo eka Yakobo; hambiswiritano, u ta pona ka swona.

Yeremiya 4:8

Hikwalaho mi tiboha swisuti hi nguvu leyi khwaxaka, mi rila, mi vovola; hikuva vukari lebyi hisaka bya Yehovha a byi hi tlhelelanga.

Yeremiya 48:27

Xana a ku endlanga Israele xisandzu xa wena xana? A lo khomiwa hi vukhamba leswi u n'wi nikinelaka nhloko loko u vulavula ta yena xana?

Swirilo 1:18

“Yehovha u lulamile, kasi ndzi arile ku lerisa ka yena: Oho! Yingisani n'wina matiko hinkwawo, Kutani mi vona ku vaviseka ka mina; Vanhwanyana ni majaha ya mina va yile evukhumbini.

Swirilo 2:1

Hosi yi funengetile ha yini hi ku kariha nhwanyana wa Siyoni? Ku kwetsima ka Israele, u ku susumetile a ri ehenhla, a ku hoxa emisaveni, Kutani hi siku ra vukari bya yena A nga tsundzukanga vunavelo bya milenge ya yena.

Swirilo 2:13

Xana ndzi ta ku vulavulela tihi? Kumbe ndzi nga ku fanisa na yini, nhwanyana wa Yerusalema? Ndzi ta ku fanisa na yini, leswaku ndzi ta ku chavelela, Wena nhwana, nhwanyana wa Siyoni? Hikuva ku onhaka ka wena kukulu, ku fana ni lwandle; I mani la nga ta ku horisa?

Daniele 9:12

Kutani xi tiyisile timhaka leti xi ti vuleke ehenhla ka hina, ni le henhla ka vafambisi va hina lava nga hi avanyisa, xi ko xi hi terisa khombo lerikulu ronghasi, leri ku nga siki va kona ehansi ka matilo hinkwawo leri kotisaka leri humeleleke Yerusalema.

Yuwele 2:2

siku ra munyama ni mihihi, siku ra mapapa ni tihunguva! Ra ta kukotisa loko vurhonga byi tshinelela byi ya emahlweni etintshaveni. Maswivo ku ta tiko lerikulu lera matimba, leri ku nga si vaka na rin'wana ni khale, na kona ku nga ka ku nga vi na rin'wana lero tano ku ya fika emakun'wini ya tinxaka.

Matewu 24:21

hikuva enkarhini wolowo, nhlomulo wu ta va lowukulu; ka ha ri mpfhuka ku tumbuluke misava ku fikela sweswi, khombo lero tano a ri si va kona, kutani ri nga ka ri nga tlheli ri va kona, ni siku ni rin'we.