Sofoniya 3:6 - Xitsonga (Bibele)

⁶ “Ndzi lovisile matiko, marhangu ya wona ma mbundzukile; ndzi onhile tindlela ta wona a ka ha ri na la fambaka kona, miti ya wona yi onhakile, a ka ha ri na munhu kona, a ka ha ri na la nga akaka kona.

BIBELE Mahungu Lamanene

⁶ HOSI Xikwembu xi vurisa sweswo, xi ri: “Ndzi herisile vamatiko, swihondzo swa vona swi hundzuke marhumbi; emagondzweni ya vona, ndzi mirisile nhova, leswaku ku nga ha famba-fambi munhu eka wona; miti ya vona yi hlaseriwile, a ka ha ri na munhu la tshamaka eka yona.

Sofoniya 3:6 Iomraidhean Croise

Esaya 14:26

Hi wona makungu lawa ndzi ma kaneleke ehenhla ka misava hinkwayo; hi rona voko leri tshambulutiweke ehenhla ka matiko hinkwawo!

Esaya 37:36

Hi vusiku byebyo, ntsumi ya Yehovha yi huma, yi dlaya vavanuna va 185 000 emixaxeni ya Vaaxuru nimixo, kuteloko va pfukile, maswivo a yi ri mitsumbu ntsena.

Esaya 6:11

Kutani ndzi ku: “Ku ta va ku fika rini, Hosi?” A ku: “Miti yi ko yi mbundzuka, yi pfumatiwa vaaki, ni tindlu ti pfumala vanhu, ni tiko ri onhaka ri va rhumbi;

Yeremiya 9:12

Munhu la tlhariheke i mani la nga twisisaka timhaka leti? Ni loyi nomu wa Yehovha wu vulavuleke na yena, a nga hi tivisa leswaku tiko ri onhiwile, ha yini, ni loko ri hisiwile kukotisa loko ma ri mananga, ku nga ri na loyi a hundzaka kona xana?

Levhitika 26:31

Ndzi ta onha miti ya n'wina, ma va marhumbi ndzi hlanhla vukwetsimelo bya n'wina; ndzi nga ka ndzi nga nun'hweteli mirhi ya risuna ya mihlengo ya n'wina.

Sofoniya 2:5

Va ni khombo lava akeke etikweni leri nga etlhelweni ra lwandle, tiko ra Vakereti! Rito ra Yehovha ri kona ehenhla ka wena, Kanana, tiko ra Vafilista; ndzi ta ku lovisa, u va u pfumala ni la nga ta aka eka wena!

Zakariya 7:14

“Ndzi va hangalasile hi mheho exikarhi ka matiko hinkwawo lawa va nga ma tivangiki, tiko ri sala ri onhakile endzhaku ka vona, ku pfumaleka la hundzaka kona ni la tlhelelaka kona, va hundzurile tiko lerinene rhumbi.”

Matewu 23:38

Maswivo yindlu ya n'wina yi ta sala yi ri rhumbi;

1 Vakorinto 10:11

Timhaka teto hinkwato ti va humelele leswaku xi va xitsundzuxo; kambe ti tsariwile leswaku hi dyondza ha tona, hina lava humeleleke emikarhini ya makumu.

1 Vakorinto 10:6

Kambe timhaka teto ti ve swifaniso eka hina, leswaku hi nga tshuki hi navela leswo biha, kukota leswi va swi naveleke.

Yoxuwa 23:4

Vonani, ndzi mi averile hi vuhlolotwana matiko lama saleke ku suka eYordani, ni matiko hinkwawo lawa ndzi ma heriseke ku fika eLwandle Lerikulu, evupeladyambu, leswaku yi va ndzhaka ya n'wina hi tinxaka ta n'wina.