Sofoniya 3:20 - Xitsonga (Bibele)

²⁰ Enkarhini wolowo, ndzi ta mi tisa, ndzi mi hlengeleta hi nkarhi wolowo; hikuva ndzi ta mi endla lava twaleke ni lava dzunisiwaka exikarhi ka vanhu hinkwavo va misava, siku ndzi vuyisaka vakhomiwa va n'wina emahlweni ka n'wina,” ku vula Yehovha.

BIBELE Mahungu Lamanene

²⁰ Enkarhini wolowo, ndzi ta mi hlengeleta, ndzi mi tlherisela ekaya; ndzi ta endla leswaku vanhu va misava hinkwayo va mi kurisa ni ku mi dzunisa, ndzi tlhela ndzi mi katekisa mi ri karhi mi swi vona. Ndzi vurisa sweswo, mina HOSI!”

Sofoniya 3:20 Iomraidhean Croise

Pisalema 35:6

Ndlela ya vona a yi ve leya munyama, leyi rhetemukaka, Ntsumi ya Yehovha a yi va hlongorise!

Esaya 56:5

ndzi ta va nyika endlwini ya mina ni le rihlampfini ra mina vutshamo ni vito leri nga ta tlula ra vafana ni vanhwana; ndzi ta va nyika vito leri nga heriki leri nga hlanguriwiki.

Esaya 56:8

Ku vula Hosi Yehovha, la hlengeletaka Vaisraele, lava nga ya evukhumbini a ku: “Ndzi ta hlanganisa kambe van'wana eka Israele, swin'we ni lava hlengeletiweke.”

Esaya 60:15

Kasi khale a u tshikiwile, u vengiwile, u tshamile u ri swaku, sweswi ndzi ta endla ha wena ku dzuna ka mikarhi, ni ku tsaka ka tinxaka hinkwato.

Esaya 61:9

Rixaka ra vona ri ta twakala ematikweni, ni vana va vona exikarhi ka vamatiko; hinkwavo lava nga ta va vona, va ta swi tiva leswaku i rixaka leri katekisiweke hi Yehovha.”

Esaya 62:12

Va ta vuriwa tiko ro kwetsima, vakutsuriwa va Yehovha, kutani wena u ta thyiwa la laviwaka, muti lowu nga tshikiwiki.

Esaya 62:7

Mi nga tshuki mi n'wi nyika nkarhi, ku kondza a pfuxeta Yerusalema, a va a wu twarisa la emisaveni.

Esaya 66:22

“Hikuva hilaha matilo lamantshwa, ni misava leyintshwa, leyi ndzi nga ta yi tumbuluxa, swi ta tshama swi va kona, emahlweni ka mina,” ku vula Yehovha, “hi sweswo rixaka ra n'wina, ni vito ra n'wina swi ta tshama swi va kona.

Yeremiya 23:3

Kutani mina, ndzi ta hlengeleta leswi saleke swa ntlhambi wa mina ematikweni hinkwawo laha ndzi va hangalaseleke kona, ndzi va tlherisela evudyelweni bya vona, va andzisiwa, va tala.

Yeremiya 29:14

Ndzi ta kumiwa hi n'wina, ku vula Yehovha ndzi ta tlherisela ka n'wina e vabohiwa va n'wina, ndzi mi hlengeleta ematikweni hinkwawo ni le matlhelweni hinkwawo laha ndzi mi hangalaseke kona, ku vula Yehovha; ndzi ta mi vuyisela exivandleni lexi ndzi mi hangalaseke mi ri ka xona.

Yeremiya 30:3

Hikuva vona, ku vula Yehovha, ma ta masiku lawa ndzi nga ta tlherisa ha wona e vabohiwa va tiko ra mina ra Israele ni ra Yuda, ku vula Yehovha, ndzi va vuyisela etikweni leri ndzi ri nyikeke vatatana wa vona va ri fuma.”

Yeremiya 33:9

Muti lowu eka mina, wu ta va vito ro tsaka, ni tinsimu, ni ku kwetsima emahlweni ka matiko hinkwawo ya misava, lama nga ta twa vunene hinkwabyo lebyi ndzi nga ta va endlela byona; va ta chava, va rhurhumela hikwalaho ka vunene hinkwabyo ni ku tsaka hinkwako leswi ndzi nga ta va endlela swona.

Ezekiele 16:53

“Ndzi ta tlherisa vabohiwa va vona, vabohiwa va Sodoma, ni vanhwana va vona, ni vabohiwa va Samariya, ni vanhwana va vona, ni vabohiwa va wena exikarhi ka vona,

Ezekiele 28:25

“Hosi Yehovha u ri: Siku ndzi hlengeletaka yindlu ya Israele evanhwini lava va hangalasiweke xikarhi ka vona, ndzi ta tiendla la hlawulekeke ha vona emahlweni ka matiko, kutani va ta aka etikweni ra vona leri ndzi ri nyikeke nandza wa mina Yakobo.

Ezekiele 34:16

Ndzi ta lava leyi lahlekeke ndzi landza leyi tlheleke, ndzi bohelela leyi tshovekeke, ndzi tiyisisa leyi vabyaka; kambe ndzi ta lovisa leyi noneke ni leya matimba; ndzi ta ti risa hi ku avanyisa.

Ezekiele 37:12

Hikwalaho profeta, u ku eka vona: Ku vula Hosi Yehovha, a ku: Ndzi ta pfalula masirha ya n'wina, ndzi mi humesa emasirheni ya n'wina, tiko ra mina, ndzi ta mi tlherisela etikweni ra Israele.

Ezekiele 37:21

“Va byele, u ku: Hosi Yehovha a vulavula sweswo, a ku: Ndzi ta teka vana va Israele exikarhi ka matiko lawa va yeke eka wona; ndzi ta va hlengeleta hi matlhelo hinkwawo, ndzi va tisa etikweni ra vona.

Ezekiele 39:13

Vanhu hinkwavo va tiko va ta va lahla, ri ta va eka vona siku ro twala, leri ndzi nga ta titwarisa ha rona, ku vula Hosi Yehovha.

Ezekiele 39:28

va ta tiva leswaku hi mina Yehovha, Xikwembu xa vona, lexi ingi xi va yisile ematikweni, va ri makhumbi, xi tlhela xi va hlengeleta etikweni ra vona; ndzi nga ka ndzi nga siyi na un'we endzhaku.

Yuwele 3:1

“Hikuva emasikwini walawo, ni le mikarhini yoleyo, siku ndzi tlherisaka lava khomiweke va Yuda ni va Yerusalema,

Amosi 9:14

Ndzi ta tshunxa tiko ra mina ra Israele evukhumbini bya rona, kutani va ta pfuxa miti leyi onhakeke va aka kona; va ta rima masimu ya vhinya, va nwa vhinyo ya wona, va ta rima mitanga ya mirhi va dya mihandzu ya yona.

Mikiya 2:12

Ndzi ta ku hlengeleta ni lava seleke Vaisraele; ndzi va veka kun'we kukotisa tinyimpfu etshangeni, ni ntlhambi lowu nga emadyelweni wu va mpfumawulo wa vanhu lavo tala.

Mikiya 4:7

Lexi khwitaka, ndzi ta xi endla xisalela, ni lexi tshikiweke ndzi xi endla tiko lera matimba, kutani Yehovha u ta va fuma entshaveni ya Siyoni hilaha ku nga heriki.

Sofoniya 2:7

Ri ta va tiko ra nsalo wa yindlu ya Yuda; va ta dyisela mitlhambi ya vona kona; nimadyambu, va etlela etindlwini ta Axikeloni; hikuva Yehovha, Xikwembu xa vona, u ta va endzela, a tlherisela vabohiwa va vona.

Sofoniya 3:19

Vona, enkarhini wolowo, ndzi ta va ni mhaka ni vaxanisi va wena hinkwavo, ndzi hanyisa [nyimpfu] leyi khwitaka, ndzi hlengeleta leyi hlongoriweke, kutani ndzi ta va endla lava twarisiwaka ni lava twaleke ematikweni hinkwawo, laha va nga khomiwa hi tingana.

Zakariya 8:13

Kukota leswi ngi mi ri xisandzu ematikweni, n'wina, yindlu ya Yuda, na n'wina, yindlu ya Israele, ndzi ta mi hanyisa sweswi, mi va ku kateka. Mi nga chaveni, mavoko ya n'wina a ma tiye!”

Zakariya 8:8

ndzi va tisa, va ta aka eYerusalema ri ta va tiko ra mina, mina ndzi va Xikwembu xa vona hi vunene ni ku lulama.”

Malakiya 3:12

Kutani matiko hinkwawo ma ta ku: Mi katekile; hikuva mi ta va tiko leri tsakisaka, ku vula Yehovha wa mavandla.

Duteronoma 26:18

Yehovha kambe u endlile hilaha u nga tivula hakona namuntlha leswaku u va eka yena tiko ra xiviri, hilaha a ku byeleke hakona u ri karhi u yingisa milawu hinkwayo ya yena;

Duteronoma 26:19

yena kambe u ta ku tlakusa ehenhla ka matiko hinkwawo lawa a ma endleke, a ku nyika ku dzuna, ni ku twala, ni ku kwetsima, u va tiko leri hlawuleriweke Yehovha, Xikwembu xa wena, hilaha a ku byeleke hakona.”