Sofoniya 3:17 - Xitsonga (Bibele)

¹⁷ Yehovha, Xikwembu xa wena, u le xikarhi ka wena; i nhenha leyi ponisaka; u ta ku tsakela hi ku tsaka lokukulu, a va a miyela hikwalaho ka rirhandzu ra yena, u ta ku tsakela hi ku yimbelela.

BIBELE Mahungu Lamanene

¹⁷ HOSI Xikwembu xa wena, xi na wena, yona nhenha leyi yi ku hlurisaka valala; xi ta tlhela xi ku komba rirhandzu ra xona, xi ta tsaka swinene ha wena,

Sofoniya 3:17 Iomraidhean Croise

Genesa 1:31

Xikwembu xi languta hinkwaswo leswi xi swi endleke, kutani maswivo, a swi ri swinene ngopfu. Kutani ku va madyambu, ku va nimixo, ri va siku ra ntlhanu na rin'we.

Genesa 17:1

Kuteloko Abrama a hanyile malembe ya 99, Yehovha a tikombisa eka Abrama, a ku eka yena: “Hi mina Xikwembu xa matimba hinkwawo.

Genesa 18:14

Xana yi kona mhaka leyi nga hlulaka Yehovha? Enguveni leyi, ndzi ta vuya eka wena haxawu, kutani Sara u ta va a kume n'wana.”

Genesa 2:2

Kutani hi siku ra ntlhanu na mambirhi, Xikwembu xi heta ntirho hinkwawo lowu xi nga wu endla; kutani hi siku ra ntlhanu na mambirhi, xi wisa entirhweni hinkwawo lowu xi wu endleke.

Pisalema 147:11

Yehovha u tsakela lava n'wi chavaka, Lava tshembaka tintswalo ta yena.

Pisalema 149:4

Hikuva Yehovha u tsakisiwa hi tiko ra yena, U twarisa lava nga emahlomulweni hi ku va ponisa.

Pisalema 78:65

Hosi yi phaphama tani hi munhu la etleleke, Tanihi nhenha leyi baka huwa, leyi vulavurisiwaka hi vhinyo.

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Esaya 18:4

Hikuva Yehovha u ndzi byerile, a ku: “Ndzi ta miyela, ndzi languta ndzi ri le ndlwini ya mina, tanihi mumu lowu nandzihaka loko dyambu ri xile, tanihi hunguva ya mberha enkarhini wa ximumu loko ku tshoveriwa.”

Esaya 63:1

I mani loyi a pfaka eEdomu, la humaka eBosira a ambele tinguvu leto tshwuka, leto vangama, la tikurisaka evukulukumbeni bya matimba ya yena? “Hi mina la vulavulaka hi ku lulama, la kotaka ku ponisa.”

Esaya 63:12

la nga fambisa voko ra xinene ra Muxe hi voko ra yena lero kwetsima; la nga avanyisa mati emahlweni ka vona, ku tiendlela vito leri nga heriki,

Esaya 65:19

Kutani ndzi ta titsakela ha Yerusalema, ndzi ta tsaka hikwalaho ka tiko ra mina; kutani ku nga ka ku nga ha twakali rito ra swirilo, hambi ku ri ku huwelela ka ku chava.

Esaya 9:6

Hikuva hi velekeriwe n'wana, hi nyikiwe n'wana wa wandzisanyana, vuhosi byi vekiwile ekhatleni ra yena. U ta thyiwa Muhlamarisi, Mutsundzuxi, Xikwembu xa matimba, Tatana la nga riki na ku hela, Hosi ya ku rhula;

Yeremiya 32:41

Ndzi ta titsakela ku va endla swinene, ndzi va simeka etikweni leri hi kunene, hi mbilu ya mina hinkwayo, ni moya wa mina hinkwawo.

Hosiya 14:4

Ndzi ta horisa vuhundzuki bya vona ndzi va rhandza hi mbilu hinkwayo ya mina; hikuva vukari bya mina byi sukile eka vona.

Yuwele 2:21

“U nga chavi, wena misava; u tsaka, u tsaka ngopfu; hikuva Yehovha u ta endla leswikulu.

Sofoniya 3:15

Yehovha u susile ku avanyisiwa ka wena, u hlule loyi a nga nala eka wena; hosi ya Israele, Yehovha, u le xikarhi ka wena: a ku nga ha tshami u vona makhombo.

Sofoniya 3:5

Yehovha u lulamile exikarhi ka wona a nga ka a nga endli swo biha, hi siku rin'wana ni rin'wana u humesa ku avanyisa ka yena eku vonakaleni, a nga tshiki ku endlisa sweswo; kambe lowo biha a nga tivi tingana.

Tinhlayo 14:8

Loko Yehovha a titsakele ha hina, u ta hi nghenisa etikweni leri, u ta hi nyika rona, ri nga tiko leri pfelelaka hi ntswamba ni vulombe.

Luka 15:32

kambe a hi fanele ku tsaka ni ku tlangela, hikuva makwenu loyi a a file, kambe u hanyile; a a lahlekile, kambe u kumiwile.’ ”

Yohane 13:1

Nkhuvo wa Paseka loko wu lave ku va kona, Yesu, hi ku tiva leswaku nkarhi wa yena wu fikile wa ku suka emisaveni, ni ku ya eka Tata wa yena, leswi a nga rhandza vanhu va yena va le misaveni, u va rhandze ni ku yisa eku heteleleni.

Yohane 15:11

Ndzi mi byerile timhaka leti leswaku ku tsaka ka mina ku tshama eka n'wina, ni leswaku ku tsaka ka n'wina ku hetiseka.

Duteronoma 23:15

“U nga tshuki u nyiketa n'wini wa rona khumbi leri chaveleke eka wena loko ri balekele n'wini wa rona;

Duteronoma 30:9

kutani Yehovha, Xikwembu xa wena, u ta andzisa ku kateka ka wena emitirhweni hinkwayo ya mavoko ya wena, u ta andzisa mihandzu ya khwiri ra wena, ni mihandzu ya swifuwo swa wena, ni mihandzu ya misava ya wena; hikuva Yehovha u ta tlhela a titsakela ha wena a ku katekisa, hilaha u titsakeleke hakona hi vatata wa wena;

Vaheveru 7:25

Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.