Sofoniya 3:15 - Xitsonga (Bibele)

¹⁵ Yehovha u susile ku avanyisiwa ka wena, u hlule loyi a nga nala eka wena; hosi ya Israele, Yehovha, u le xikarhi ka wena: a ku nga ha tshami u vona makhombo.

BIBELE Mahungu Lamanene

¹⁵ Ku avanyisiwa ka wena, HOSI Xikwembu xi ku herisile, xi hlongorile valala va wena. HOSI Xikwembu, Mufumi wa Israele, ú na wena, a ku na nchumu xo biha lexi u nga xi chavaka.

Sofoniya 3:15 Iomraidhean Croise

Genesa 30:23

A xurha nyimba, a veleka n'wana wa wanuna, a ku: “Xikwembu xi ndzi susele tingana ta mina.”

Pisalema 149:2

Israele a a tsakele muvumbi wa yena, Vana va Siyoni a va tsakele hosi ya vona!

Pisalema 19:9

Xichavo xa Yehovha xi tengile, xi kona hi masiku; Ku avanyisa ka Yehovha ku nene, ku lulamile hinkwako.

Pisalema 85:3

U miyetile vukari hinkwabyo bya wena, U timile ndzilo wa mahlundzu ya wena.

Esaya 12:6

N'wina la mi akeke eSiyoni mi huwelela mi tsakisisa hi tinsimu, hikuva Mukwetsimi wa Israele u nkulukumba exikarhi ka wena.”

Esaya 25:8

U ta lovisa rifu hilaha ku nga heriki: Hosi, Yehovha u ta hlangula mihloti emimombyeni hinkwayo; u ta sula tingana ta tiko ra yena hinkwaro, hikuva Yehovha u vurisile.

Esaya 33:22

Hikuva Yehovha i muavanyisi wa hina; Yehovha i mulawuri wa hina; Yehovha i hosi ya hina; u ta hi hlayisa!

Esaya 35:10

Lava kutsuriweke hi Yehovha va ta tlhela va ya Siyoni hi tinsimu ta ku tsaka, va vehele etinhlokweni ku tsaka loku nga heriki; ku kateka ni ku tsaka swi ta va hlanganisa, ku vaviseka ni nhlomulo wa mbilu swi ta baleka.

Esaya 51:22

ku vula sweswo Hosi Yehovha, Xikwembu xa wena, lexi lwelaka tiko ra xona: “Vona ndzi susile evokweni ra wena ndzheko wa xipyopyiso; u nga ka u nga ha nwi ndzheko lowu wa vukari bya mina.

Esaya 52:9

Banani mikulungwana, n'wina hinkwenu swin'we, marhumbi ya Yerusalema; hikuva Yehovha u chavelerile tiko ra yena, u kutsule Yerusalema!

Esaya 54:14

U ta tiyisiwa hi ku lulama; tshineta ekule na wena mahlomulo, hikuva a ku faneri ku chava nchumu, ni ku tshuka, hikuva leswi chavisaka swi nga ka swi nga ku tshineleri.

Esaya 60:18

“Ku nga ka ku nga ha vuriwi ta tihanyi etikweni ra wena, hambi ti ri ta ku onhaka ni ku lova emindzilekaneni ya wena; u ta thya rirhangu ra wena ‘ku hlayiseka’, ni tinyangwa ta wena ‘ku tlangela’.

Esaya 65:19

Kutani ndzi ta titsakela ha Yerusalema, ndzi ta tsaka hikwalaho ka tiko ra mina; kutani ku nga ka ku nga ha twakali rito ra swirilo, hambi ku ri ku huwelela ka ku chava.

Yeremiya 8:19

Mbilu ya mina yi hela exifuveni xa mina. Yingisani rito ra swirilo ra n'wana wa tiko ra mina leri humaka etilweni leri nga ekule; ri ku: “Xana Yehovha a nga ha ri kona eSiyoni xana? Xana hosi ya yena a ya ha ri kona-ke?” “Va ndzi karihisela yini hi swifaniso swa vona leswi vatliweke, byi nga vuhava bya matiko?”

Ezekiele 35:10

“Hikuva wena u te: ‘Matiko lamambirhi, ni matikwana lamambirhi ma ta va ya mina, kutani hi ta ma fuma,’ kasi Yehovha a a ri kona kwalaho.

Ezekiele 36:15

ndzi nga ka ndzi nga ha ku twisi tinhlambha ta matiko, u nga ka u nga ha khomisiwi tingana hi matiko; u nga ka u nga ha heti tiko ra wena, ku vula Hosi Yehovha.”

Ezekiele 39:29

Ndzi nga ka ndzi nga ha va fihleli mombo wa mina, hikuva ndzi ta chela moya wa mina ehenhla ka yindlu ya Israele ku vula Hosi Yehovha.”

Ezekiele 48:35

Loko ku tingiwa, va pima swisungunhu swa 18 000. Ku suka siku rolero, vito ra muti va ta ku: ‘Yehovha u kona la.’ ”

Yuwele 3:17

“Kutani mi ta tiva leswaku hi mina Yehovha, Xikwembu xa n'wina; mina la tshameke eSiyoni, entshaveni ya mina leyi hlawuriweke, Yerusalema, u ta va xivandla lexi hlawuriweke; vamatiko a va nga ha hundzi eka yena.

Amosi 9:15

“Ndzi ta va byala etikweni ra vona, a va nga ha tlheri va tsuvuriwa etikweni ra vona leri ndzi va nyikeke rona,” ku vula Yehovha, Xikwembu xa wena.

Mikiya 7:10

Loyi a nga nala wa mina u ta swi vona, kutani u ta khomiwa hi tingana, loyi a nge eka mina: “Yehovha, Xikwembu xa wena, xi kwihi xana?” Mahlo ya mina ma ta khorwisiwa hi khombo ra yena; kutani u ta kandziyeriwa ku fana ni ndzhope wa tindlela!

Habakuku 2:17

Hikuva vumbabva lebyi endliweke eLebanoni byi ta ku funengeta, ni ku onha loku vuyeke ku chavisa swiharhi. Swi ta va tano hikwalaho ka ngati ya vanhu, ni hikwalaho ka ku pfukela tiko matimba, ni muti ni hinkwavo lava akeke eka wona.

Habakuku 2:8

Hikuva u onhile matiko lamanyingi, misalo hinkwayo ya matiko yi ta ku onhela, hikwalaho ka ngati ya vanhu, ni hikwalaho ka ku pfukela tiko matimba, ni muti, ni hinkwavo lava akeke eka wona.

Sofoniya 3:17

Yehovha, Xikwembu xa wena, u le xikarhi ka wena; i nhenha leyi ponisaka; u ta ku tsakela hi ku tsaka lokukulu, a va a miyela hikwalaho ka rirhandzu ra yena, u ta ku tsakela hi ku yimbelela.

Sofoniya 3:5

Yehovha u lulamile exikarhi ka wona a nga ka a nga endli swo biha, hi siku rin'wana ni rin'wana u humesa ku avanyisa ka yena eku vonakaleni, a nga tshiki ku endlisa sweswo; kambe lowo biha a nga tivi tingana.

Zakariya 12:3

Kambe hi siku rolero, ndzi ta endla ha Yerusalema ribye lero tika eka matiko hinkwawo; hinkwavo lava ri tlakulaka va ta vavisiwa, kutani matiko hinkwawo ya misava ma ta ri rhendzela.

Zakariya 14:11

Va ta aka kona, ndzhukano a wu nga ha vi kona, Yerusalema, u ta akiwa hi ku rhula.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Yohane 1:49

Nataniele a hlamula, a ku eka yena: “Rabi, u N'wana wa Xikwembu, u Hosi ya Israele.”

Yohane 12:15

“U nga chavi, n'wana Siyoni; vona, Hosi ya wena hi yoleyo, ya ta, yi khandziyile n'wana wa mbhongolo.”

Yohane 19:19

Pilato a tsala ni papila, a ri nameka ehenhla ka xihambano; a ku tsariwile leswaku: “Yesu wa Nazareta, Hosi ya Vayuda.”

Yohane 5:30

“Ndzi nga ka ndzi nga endli nchumu ndzi ri swanga; ndza avanyisa hilaha ndzi yingisaka hakona, kutani ku avanyisa ka mina ku lulamile, hikuva a ndzi lavi lexi rhandziwaka hi mina, kambe ndzi lava lexi rhandziwaka hi Tatana la ndzi rhumeke.

Nhlavutelo 12:10

Kutani ndzi twa rito lerikulu etilweni, ri ku: “Sweswi, ku fikile ku hlayiseka, ni matimba, ni ku fuma ka Xikwembu xa hina; ni matimba ya Kriste wa xona; hikuva muhehli wa vamakwerhu, loyi a nga va hehla emahlweni ka Xikwembu xa hina vusiku ni nhlekanhi, u cukumetiwile.

Nhlavutelo 18:20

Tsakisisani hikwalaho ka wona, wena tilo, na n'wina vakwetsimi, ni vaapostola, ni vaprofeta, hikuva Xikwembu xi wu avanyisile hikwalaho ka n'wina.”

Nhlavutelo 19:16

Kutani u ni vito leri tsariweke engubyeni ni le ndzhumbini wa yena, ri nge: Hosi ya tihosi, ni Mufumi wa vafumi.

Nhlavutelo 7:15

Hikwalaho va nga emahlweni ka xiluvelo xa Xikwembu, va xi tirhela nhlekanhi ni vusiku etempeleni ya xona; kutani la tshamaka exiluvelweni u ta aka na vona, a va sirheleta.