Sofoniya 3:13 - Xitsonga (Bibele)

¹³ Nsalo wa Israele wu nga ka wu nga endli leswo biha, wu nga ka wu nga vulavuri mavunwa ririmi ra ku kanganyisa ri nga ka ri nga kumiwi emilon'wini ya vona va ta dya va etlela ehansi, ku nga ri na loyi a va chavisaka.”

BIBELE Mahungu Lamanene

¹³ Lava poneke exikarhi ka Vaisraele, va ta chava ku endla leswo homboloka, ni ku hemba, a va nga ha hembi. Marito ya vuxisi a ma nga ha humi emilon'weni ya vona. Va ta dya va xurha, va wisa, va nga ha chavisiwi hi munhu.”

Sofoniya 3:13 Iomraidhean Croise

2 TIKRONIKA 20:30

Kwalaho ku fuma ka Yoxafati ku va ni ku rhula, Xikwembu xi n'wi nyika ku wisa ematlhelweni hinkwawo.

Ntirho 11:19

Ku wisa ka wena a ku nga karhatiwi hi munhu, Lavo tala va ta tsakela mombo wa wena.

Pisalema 119:3

Lava nga endliki swo homboloka, Kambe va famba etindleleni ta yena!

Pisalema 120:2

Yehovha, lamulela moya wa mina enon'wini wa muhembi, Eririn'wini leri kanganyisaka.

Pisalema 120:3

Xana hakelo ya wena yi ta va yihi, u ta ku engetelela yini? Wena ririmi leri xisaka!

Pisalema 23:2

U ndzi wisisa emadyelweni ya rihlaza, U ndzi fambisa ekusuhi ni mati layo rhula;

Esaya 17:2

Miti ya Arowere yi tshikiwile, yi endliwe madyelo ya mitlhambi leyi vundzaka kona, yi nga hlongoriwi hi munhu.

Esaya 35:8

Gondzo ri ta va kona, ni ndlela leyi vuriwaka ndlela yo kwetsima; a ku na munhu wa thyaka la nga ta hundza kona; yi ta va ya lavo lulama ntsena. Lava nga ta famba endleleni yoleyo, hambi xi ri xiphukuphuku va nga ka va nga lahleki.

Esaya 54:14

U ta tiyisiwa hi ku lulama; tshineta ekule na wena mahlomulo, hikuva a ku faneri ku chava nchumu, ni ku tshuka, hikuva leswi chavisaka swi nga ka swi nga ku tshineleri.

Esaya 6:13

Kutani kungakuloko un'wana a nga sala eka va khume va vona, na yena, u ta herisiwa. Kambe tanihi mirhi ya munga ni mikuhlu, hambi yi tsemiwile, ku sala swikundzu, nsinya wa vona wu ta hluka rixaka lero kwetsima.”

Esaya 60:21

Ku ta kumiwa lavo lulama ntsena etikweni ra wena, va ta fuma tiko hi masiku; i hluke leri ndzi ri byaleke, i ntirho wa mavoko ya mina, leswaku wu ta ndzi twarisa.

Esaya 63:8

U vurile, a ku: “Kunene tiko ranga hi vona, vana lava nga ka va nga ndzi xisi!” Kutani a a ri muponisi wa vona.

Esaya 65:10

Rivala ra Xaroni ma ta va madyelo ya tinyimpfu, ni nkova wa Akora ma ta va madyelo ya tihomu, eka tiko ra mina leri ndzi lavaka.

Yeremiya 23:4

Ndzi ta va nyika varisi lava va rixaka; a va nga ha chavi, a va nga ha rhurhumeli, a ku nga ha pfumaleki na un'we wa vona, ku vula Yehovha.

Yeremiya 30:10

Kutani wena Yakobo, nandza wa mina, u nga chavi, ku vula Yehovha, u nga rhurhumeli, Israele, hikuva vona, ndzi ta ku ponisa, ndzi ku vita emisaveni ya le kule, ndzi lava ni rixaka ra wena etikweni ra vukhumbi. Yakobo a ta vekiwa, a titshamela a tsakile, a nga ha chavisiwi hi munhu.

Yeremiya 31:33

Kambe hi lowo ntwanano lowu ndzi nga ta wu endla ni yindlu ya Israele endzhaku ka masiku lawa, ku vula Yehovha: Ndzi ta veka nawu wa mina exikarhi ka vona, ndzi wu tsala etimbilwini ta vona, ndzi va Xikwembu xa vona, vona va va tiko ra mina.

Ezekiele 39:26

Va ta rivala kwalaho tingana ta vona ni swidyoho hinkwaswo leswi va ndzi dyoheleke ha swona, loko va ta aka kambe etikweni ra vona hi ku rhula, ku nga ha vi na munhu ku va karhata.

Yuwele 3:17

“Kutani mi ta tiva leswaku hi mina Yehovha, Xikwembu xa n'wina; mina la tshameke eSiyoni, entshaveni ya mina leyi hlawuriweke, Yerusalema, u ta va xivandla lexi hlawuriweke; vamatiko a va nga ha hundzi eka yena.

Yuwele 3:21

Ndzi ta hlantswa ngati ya vona, leyi ndzi nga siki yi hlantswa, kutani Yehovha u ta aka eSiyoni.”

Levhitika 26:6

Ndzi ta nghenisa ku rhula etikweni mi ta etlela mi nga tshukisiwi hi munhu; ndzi ta susa swivandzana etikweni, ni fumu ri nga ka ri nga fiki etikweni ra n'wina.

Mikiya 4:4

Va ta tshama un'wana ni un'wana ehansi ka nkuwa, ni le hansi ka vhinya ya yena, ku nga ri na loyi a va pfuxaka; hikuva nomu wa Yehovha wa tinyimpi wu vurisile.

Mikiya 4:7

Lexi khwitaka, ndzi ta xi endla xisalela, ni lexi tshikiweke ndzi xi endla tiko lera matimba, kutani Yehovha u ta va fuma entshaveni ya Siyoni hilaha ku nga heriki.

Mikiya 7:14

Risa hi nhonga tiko ra wena, ti nga tinyimpfu ta ndzhaka ya wena, leti tshameke ti ri toxe exihlahleni lexi nga exikarhi ka Karmele; a ti humele eBaxani ni le Giliyadi, kukotisa masiku ya khale.

Sofoniya 2:7

Ri ta va tiko ra nsalo wa yindlu ya Yuda; va ta dyisela mitlhambi ya vona kona; nimadyambu, va etlela etindlwini ta Axikeloni; hikuva Yehovha, Xikwembu xa vona, u ta va endzela, a tlherisela vabohiwa va vona.

Sofoniya 3:5

Yehovha u lulamile exikarhi ka wona a nga ka a nga endli swo biha, hi siku rin'wana ni rin'wana u humesa ku avanyisa ka yena eku vonakaleni, a nga tshiki ku endlisa sweswo; kambe lowo biha a nga tivi tingana.

Zakariya 8:12

Ndzi byala ku rhula, murhi wa vhinya wu ta veka mihandzu ya wona, ni misava yi ta veka swakudya swa yona, ni tilo ri nyika mberha ya rona, hinkwaswo sweswo ndzi ta swi nyika masalela ya tiko leri, yi va ndzhaka ya wona.

Zakariya 8:16

Kambe leswi mi faneleke ku swi endla hi leswi: Un'wana ni un'wana a vula leswi tiyeke eka warikwavo; avanyisani swinene hi ku rhula etihubyeni ta n'wina;

Zakariya 8:3

Yehovha u ri: Ndzi tlhelela eSiyoni, ndzi ta aka exikarhi ka Yerusalema; Yerusalema, u ta vuriwa muti wa vunene, ntshava ya Yehovha wa tinyimpi yi vuriwa ntshava leyi nga hlawuleka!

Matewu 13:41

N'wana wa Munhu u ta rhuma tintsumi ta yena, ti ta humesa ehandle ka ku fuma ka yena vakhunguvanyisi hinkwavo, ni lava endlaka leswo biha.

Yohane 1:47

Yesu a vona Nataniele loko a ta eka yena, kutani a n'wi vula, a ku: “Vonani Muisraele wa xiviri, loyi ku nga riki na ku kanganyisa eka yena.”

Vakolosa 3:9

Mi nga tshuki mi hembelana, leswi mi hluvuleke munhu wa khale ni mitirho ya yena,

1 Petro 3:14

Hikuva hambi, na swona, mi nga twisiwa ku va viseka hikwalaho ka ku lulama, mi katekile; mi nga tshukisiwi hi ku va chava, mi nga pfilunganyiwi;

1 Yohane 5:18

Ha swi tiva leswaku un'wana ni un'wana la tswariweke hi Xikwembu a nga dyohi; kambe la tswariweke hi Xikwembu wa tihlayisa, kutani lowo biha a nga n'wi khumbi.

Nhlavutelo 14:5

Mavunwa a ma kumiwangi emilon'wini ya vona, hikuva va pfumale xivati.

Nhlavutelo 21:27

A ku na xilo xa thyaka lexi nga ta nghena kona, hambi la endlaka manyala ni mavunwa; kambe ku ta nghena ntsena lava tsariweke ebukwini ya vutomi ya Xinyimpfana.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”