Sofoniya 3:11 - Xitsonga (Bibele)

¹¹ Esikwini lero, a ku nga ha khomiwi hi tingana hikwalaho ka swiendlo swa wena hinkwaswo leswi u ndzi hundzukeleke ha swona; hikuva kona ndzi ta susa lava titsakelaka eku tikukumuxeni ka vona exikarhi ka wena, kutani a ku nga ha tshami u tikukumuxa entshaveni ya mina leyi hlawulekeke.

BIBELE Mahungu Lamanene

¹¹ “Esikwini rero, ndzi ta susa tingana ta mintirho hinkwayo leyi mi yi endleke, loko mi ndzi hundzukela; hinkwavo lava tikurisaka ni lava titshembaka, ndzi ta va susa exikarhi ka n'wina; mi ta tshika ku tikukumuxa entshaveni ya mina leyo hlawuleka.

Sofoniya 3:11 Iomraidhean Croise

Pisalema 131:1

Yehovha! Mbilu ya mina a yi kukumukanga, Ni mahlo ya mina a ma tlakukanga; A ndzi yangi etimhakeni letikulu, leti ndzi tlulaka hi vukulu.

Pisalema 49:5

Xana ndzi ta chavela yini emasikwini ya khombo, Loko ndzi rhendzeriwa hi ku homboloka ka valala va mina?

Pisalema 59:12

Loko ku hume rito emilon'wini ya vona, ku hume xidyoho. A va phasiwe eku tikukumuxeni ka vona, Hikwalaho ka tinhlambha ni mavunwa leswi va swi vulaka.

Esaya 11:9

Ku nga ka ku nga endliwi swo biha, ni ku onhiwa entshaveni hinkwayo leyi kwetsimaka ya mina; hikuva ku tiva Yehovha ku ta eneta misava, tanihi leswi mati ma funengetaka vuento bya lwandle.

Esaya 2:12

Hikuva ku ni siku ra Yehovha wa tinyimpi, ra ku tsongahata hinkwaswo leswi tlakukeke, ni hinkwaswo leswi tikukumuxaka;

Esaya 45:17

Israele u ponisiwe hi Yehovha hi ku pona loku nga heriki, a mi nga ha vi na tingana ni ku soriwa, hi laha ku nga heriki.

Esaya 5:15

Lowa ku fa u ta tsongahatiwa, ni vakulukumba va ta tsan'wisiwa, mahlo ya vatikurisi ma ta langutisiwa ehansi.

Esaya 54:4

“U nga chavi, u nga ka u nga vi na tingana, u nga tshutshali, hikuva u nga ka u nga soriwi; hikuva u ta rivala tingana ta vuntshwa bya wena, kutani u nga ka u nga tsundzuki xisandzu xa vunoni bya wena.

Esaya 56:7

ndzi ta va fikisa entshaveni ya mina leyo kwetsima, kutani ndzi va tsakisa endlwini leyi va ndzi khongelaka eka yona; tiholokosta ta vona, ni magandzelo ya vona swi ta amukeriwa ealitarini ya mina; hikuva yindlu ya mina yi ta vuriwa yindlu ya ku khongela eka matiko hinkwawo.”

Esaya 61:7

Ematshan'weni ya tingana ta n'wina mi ta nyikiwa swipandzwa swimbirhi; ematshan'weni ya ku hlunama, va ta tsakela ku averiwa ka vona; hi mukhuva wolowo, va ta averiwa kambirhi etikweni, va ta tsaka hi ku tsaka loku nga heriki.

Yeremiya 13:9

“Ku vula Yehovha, a ku: ‘Ndzi ta borisisa sweswo vumbhurhi bya Yuda, ni vumbhurhi lebyikulu bya Yerusalema.

Yeremiya 7:4

Mi nga titshembisi hi ku vula swahava, loko mi ku: “Tempele ya Yehovha, tempele ya Yehovha, tempele ya Yehovha hi yoleyo.”

Ezekiele 20:40

Hikuva entshaveni ya mina leyo kwetsima, entshaveni leyo tlakuka ya le Israele, ku vula Hosi Yehovha, hinkwavo va yindlu ya Israele va nga hinkwavo lava nga etikweni ra vona, va ta luvela eka mina; kona, va ta ndzi tsakisa; kona ndzi ta vitana mihlengo ya n'wina, ni swirhangana swa timhamba hinkwato ta swilo swa n'wina, leswi mi nga ta swi tisa ku ndzi hlawulela swona.

Ezekiele 24:21

‘U nge eka va yindlu ya Israele: Hosi Yehovha u ri: Vonani, ndzi ta nyamisa leswo kwetsima swa mina, ku nga ku tikukumuxa ka matimba ya n'wina, ni ku navela ka mahlo ya n'wina, ni leswi rhandziwaka hi mimoya ya n'wina; varisanyana va n'wina ni vanhwanyana va n'wina lava mi va siyeke va ta wisiwa hi fumu.

Daniele 9:16

Oho Hosi! Hi ku lulama ka wena hinkwako, wa nga susa ku kariha ni ku leva ka wena eka muti wa wena wa Yerusalema, yi nga ntshava ya wena leyi hlawuriweke! Hikuva hikwalaho ka swidyoho swa hina, ni ku homboloka ka vatata wa hina, Yerusalema, ni tiko ra wena ri endliwe xisandzu eka hinkwavo lava hi rhendzelaka.

Daniele 9:20

Kakuloko ndza ha khongela, ndzi vula xidyoho xa mina ni xidyoho xa tiko ra mina ra Israele, ndzi chulula mikhongelo ya mina emahlweni ka Yehovha, Xikwembu xa mina, ematshan'weni ya ntshava leyi hlawuriweke ya Xikwembu xa mina;

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Tinhlayo 16:3

Kutani va hlengeletana va rhendzela Muxe na Aroni va ku eka vona: “Swi ringene, hikuva nhlengeletano hinkwayo yi kwetsimile, kutani Yehovha u le xikarhi ka vona! Xana mi tikurisela yini ehenhla ka nhlengeletano ya Yehova-ke?”

Matewu 3:9

Kutani mi nga tshuki mi tianakanyela mi ku: ‘Hi na Abrahama, a nga tata wa hina’; hikuva ndza mi byela leswaku Xikwembu xi nga pfuxela Abrahama vana hi maribye lawa.

Varhoma 2:17

Wena-ke, la nga ni vito ra Muyuda, u tshembeke nawu, u tidzunisaka hi Xikwembu,

Varhoma 9:33

hilaha ku tsariweke leswaku: “Vonani, ndzi veka eSiyoni ribye ra ku khunguvanyisa, ni ribye leri wisaka; kutani: La pfumelaka eka yena, a nga ka a nga vi na tingana.”

1 Petro 2:6

Hikwalaho, ku tsariwile Matsalweni leswaku: “Vonani, ndzi yimisa eSiyoni ribye ra yinhla, leri hlawuriweke, leri pfumariwaka; la pfumelaka eka rona, a nga ka a nga khomiwi hi tingana.”