Sofoniya 3:1 - Xitsonga (Bibele)

¹ Wu ni khombo muti lowu tiarisaka, wu ni thyaka, muti lowu xanisaka.

BIBELE Mahungu Lamanene

¹ Wu ni khombo muti wo tiarisa, wu tlhela wu tinyamisa, muti wo kandziyela van'wana ehansi;

Sofoniya 3:1 Iomraidhean Croise

Esaya 30:12

Hikwalaho, Mukwetsimi wa Israele u ri: “Loko mi sola rito leri, kutani mi titshembisa hi ku nonon'hwa ni ku homboloka, mi va mi titiyisa ha swona,

Esaya 5:7

Hikuva vhinya ya Yehovha wa tinyimpi i yindlu ya Israele, kutani vavanuna va Yuda i swimudyana leswi ngi a tsakeke ha swona; a tshembile ku lulama, kasi i ku halatiwa ka ngati; a tshembile ku tenga, kasi i ku vovola.

Esaya 59:13

Hi tiarisile hi va hi hemba mavunwa eka Yehovha, hi hundzukele Xikwembu xa hina hi vulavurile swa ku pfukela van'wana matimba, ni ku tiarisa; hi ehleketile ni ku vula etimbilwini ta hina marito ya mavunwa.

Esaya 59:6

Tintavala ta vona ti nga ka ti nga vi tinguvu, kutani va nga ka va nga tifunengeti hi mitirho ya vona; mitirho ya vona i mitirho ya ku dyoha, kutani tihanyi ti le mavokweni ya vona;

Yeremiya 22:17

“Kasi wena a ku na mahlo, hambi yi ri mbilu, loko yi nga ri ya ku phanga ni ku halata ngati leyi nga riki na nandzu, ni ku tirha ku karhata, ni ku pfukela vanhu matimba.”

Yeremiya 5:23

Kambe tiko rero ri ni mbilu leyi kanetaka, leyi tiarisaka; va hundzukile, kutani va fambile.

Yeremiya 6:6

Hikuva Yehovha wa tinyimpi a ku: “Tsemani mirhi, mi biyela Yerusalema, hi rihlampfu leri tlakukeke; hi wolowo muti lowu fanekelaka ku tshinyiwa; exikarhi ka wona ku tele ku xanisa.

Yeremiya 6:7

Kukotisa loko xihlovo xi humesa mati ya xona, wu humesa vumbabva bya wona hi mukhuva wolowo, ku wonga ni ku onha swi ri karhi swi twakala eka wona; timbanga ni mabibi ya mbilu swi le mahlweni ka mina hi masiku.

Ezekiele 22:29

Loko va ri vanhu va tiko leri, va endla ku xanisa, va titekela hi ku yiva; va xanisa xisiwana ni vapfumari; va xanisa wamatiko ku nga ri hi mfanelo.

Ezekiele 22:7

Va rhukana vatata wa vona ni vamana wa vona eka wena; wamatiko wa xanisiwa exikarhi ka wena, eka wena, la feleke hi tata wa yena, ni wansati wa noni va kandziyeriwa.

Ezekiele 23:30

U ta endlisiwa sweswo, hikuva u endle vuoswi ni matiko hilaha u tinyamiseke hi swifaniso swa vona hakona.

Levhitika 1:16

U ta susa xikwirikwiri ni thyaka ra xona, a swi cukumeta etaleni ekusuhi ni alitari, evuxeni.

Amosi 3:9

Huwelelani etindlwini ta vuhosi ta Axidodo, ni le tindlwini ta vuhosi etikweni ra Egipta, mi ku: “Hlengeletanani etintshaveni ta Samariya mi ta vona madzolonga layo tala lama nga exikarhi ka yena ni maxangu lama nga eka yena.”

Amosi 4:1

“Yingisani rito leri, n'wina matswele ya Baxani, lama nga entshaveni ya Samariya, n'wina lava xanisaka lavatsongo, mi xanisaka swisiwana, mi nge eka vanuna va n'wina: ‘Tisani, hi nwa!’

Mikiya 2:2

Va rhandza ku titekela masimu ni tindlu; kutani va pfukela wanuna ni yindlu ya yena, ni munhu la nga ni ndzhaka ya yena.

Zakariya 7:10

mi nga xanisi noni, ni xisiwana, ni wamatiko, ni mupfumari, kutani mi nga kungeleli makwenu khombo etimbilwini ta n'wina.”

Malakiya 3:5

Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.